Tímarit Öryrkjabandalags Íslands - 01.03.2002, Síða 26

GIGTARFÉLAGIÐ 25 ÁRA
Emil Thóroddsen framkvæmdastjóri Gigtarfélagsins.
Að auka lífsgæði
fólks með
gigtarsjúkdóma
Gigtarfélag íslands varð 25 ára þann 9.
október s.l. og af því tilefni var þess-
um áfanga fagnað með ýmsum hætti.
Haldið var málþing 12. október um
stöðu gigtrannsókna á íslandi og starfsemi fé-
lagsins kynnt daginn eftir með opnu húsi á Gigt-
miðstöðinni að Armúla 5.
Árið 1994 tók Emil Thóroddsen við starfi
framkvæmdastjóra Gigtarfélagsins. Emil er fé-
lagsfræðingur að mennt og lauk MBA-
stjórnunarnámi í Noregi 1994. Aðspurður segir
hann að mikil áhersla sé lögð á forvarnarstarf á
síðustu árum s.s fræðslu, ráðgjöf og þjálfun og
hefur félagið frá upphafi gefið út mikið af
fræðsluefni. Þegar skoðaðir eru bæklingar og
blöð Gigtarfélagsins er augljóst að hér er um
metnaðarfulla útgáfu að ræða. Undanfarin ár
hefur Gigtarfélagið staðið fyrir fjölda námskeiða
um gigtarsjúkdóma og hefur það verið þáttur í
forvamarstarfi félagsins.
Gigtarfélagið er til húsa að Ármúla 5 og rekur
þar gigtarmiðstöð en Gigtarfélagið á tvær hæðir
í húsinu að Ármúla 5 sem hýsa stöðina. Á efri
hæðinni er endurhæfingarstöð fyrir gigtsjúka og
þar hafa tveir læknar aðstöðu. í daglegu tali er
endurhæfingarstöðin oft kölluð Gigtlækninga-
stöðin. Á neðri hæðinni er aðstaða til félags-
starfs, fræðslu, ráðgjafar og þjálfunar, auk þess
er þar skrifstofa félagsins. Emil segir að mikil-
vægt sé að hafa samstarf við fagfólk á efri
hæðinni. Gott samstarf sjúklinga og fagfólks er
nauðsyn þá gigtin er annars vegar.
„Það má skipta starfsemi félagsins í þrennt“,
segir Emil. „I fyrsta lagi í gigtargreiningu, síðan
sjúkraþjálfun og að síðustu félagsþáttinn sem
mikil áhersla hefur verið lögð á. Félagsmönnum
hefur fjölgað mikið að undanfömu og em nú
orðnir um 4.700. Við höfum lagt mikla áherslu á
forvamir, fræðslu og þjálfun“. Gigtarfélagið er
með starfsemi sína á tveimur hæðum og er öll
þjálfun á annarri hæðinni og félagsstarfsemin á
hinni.
Gigtarlínan er þjónusta sem félagið býður upp
á. Þeir sem þurfa að fá upplýsingar um sjúk-
dóminn, hvort sem það eru sjúklingamir sjálfir
eða aðstandendur, geta hringt inn og fengið svör
hjá fagfólki. Hægt er að hringja á mánudögum
og fimmtudögum frá kl. 14 - 16 í síma 530-
3606. Gigtarfélagið hefur gefið út tímaritið
Gigtina tvisvar á ári og má einnig benda á
heimasíðu félagsins en hún er www.gigt.is
Að opna umrœðuna um gigtarsjúkdóma
Emil segir nauðsynlegt að opna frekar um-
ræðuna um gigtarsjúkdóma og gera hana
almennari. Geðraskanir og stoðkerfissjúkdómar
eru efst á blaði hjá alþjóðlegu heilbrigðisstofn-
unni yfir sjúkdóma sem eru algengastir og valda
mestum kostnaði. Umræðan er oft á þá leið að
greinist maður með gigt þá sé lítið tillit tekið til
afleiðinganna úti í samfélaginu. Gigtin er einn af
hinum ósýnilegu sjúkdómum. Emil bendir á
hversu algengur og alvarlegur þessi sjúkdómur
er og segir hann það hlutverk Gigtarfélagsins að
fá aukinn skilning á þörfum gigtarfólks. Hann
segir tilgang GÍ að berjast gegn gigtarsjúk-
dómum og auka skilning á þörfum gigtarfólks
með því að stuðla að almennri umræðu um
gigtarsjúkdóma og áhrif þeirra á einstaklinga og
samfélag.
Miklar rannsóknir gerðar
Stigin hafa verið stór skref í baráttunni við
gigtina og hefur félagið styrkt gigtarrannsóknir.
Á alþjóða gigtardaginn 12. október s.l. stóð
Gigtarfélagið ásamt fleiri stofnunum sem koma
að gigtarrannsóknum fyrir málþingi um gigtar-
rannsóknir. Þingið var vel sótt og er augljóst að
mikil gróska er á þessu sviði. I fjölda ára hefur
það verið markmið Gigtarfélags íslands að
stuðla að rannsóknum innan gigtsjúkdómafræð-
innar hér á landi. Með stuðningi Lionshreyfing-
arinnar var rannsóknarstofu í gigtarsjúkdómum
komið á laggirnar fyrir fimrn árum.
Emil segir að lokum að Gigtarfélagið leggi
metnað sinn í að styðja við rannsóknir og upp-
lýsa fólk um gigtarsjúkdóma. Framtíðarsýnin er
að fá gigtarvandamálið virt, umfang þess og
afleiðingar, þannig að forgangsröðun í heil-
brigðis- og félagskerfinu verði sem skyldi.
K.Þ.
26