Dagblaðið Vísir - DV - 22.05.2020, Blaðsíða 24

I dex býður upp á einingahús úr krosslímdu timbri, öðru nafni CLT (e. cross laminated timber).
CLT er endingargott og sterkt bygg-
ingarefni sem hentar hvort heldur
er í gólf, veggi eða þök. CLT er notað
í stórar sem smáar byggingar, svo
sem sumarhús, einbýlishús, skóla eða
skrifstofur. Einnig hefur það verið
notað í iðnaðarhúsnæði. „Það hljómar
kannski svolítið gamaldags, en
aukin notkun timburs er mikilvægur
hlekkur í orkusparnaði í byggingar-
iðnaði framtíðarinnar,“ segir Ragnar
Jóhannsson, framkvæmdastjóri Idex.
CLT er framleitt í Austurríki af
fyrirtækinu Stora Enso. Fyrirtækið
hefur tekið forystuna á þessu sviði
og sérhæft sig í framleiðslu CLT
með frábærum árangri. „Krosslímda
timbrið er tilvalið byggingarefni
fyrir sumarhúsið. Kostirnir eru fjöl-
margir og byggingartíminn er stutt-
ur. Að auki getum við boðið heildar-
lausnir í einingahúsum, gluggum og
klæðningu þannig að húsið verði allt
meira og minna tilbúið á einni hendi,
sem sparar mikinn tíma og fé við
samræmingu ólíkra byggingarhluta
hússins.“
Hvers vegna timbur?
Byggingar valda um 40% af allri
kolefnislosun í heiminum og CO2,
eða koltvísýringur, er sú gróðurhúsa-
lofttegund sem talin er eiga hvað
stærstan þátt í hnattrænni hlýnun
jarðar. Ræktun skóga gegnir lykil-
hlutverki í bindingu kolefnis í heim-
inum. Það er, þegar skógar vaxa taka
þeir til sín CO2 úr andrúmsloftinu
og einn rúmmetri af timbri geymir
um eitt tonn af CO2. Að sama skapi
geymir timbur, sem notað er í bygg-
ingar, koltvísýring um aldur og ævi.
„Í Austurríki einu saman vaxa skóg-
arnir því sem nemur byggingarefni í
eitt hús á hverri einustu sekúndu og
þegar tré er höggvið skapast rými
fyrir ný tré, sem halda áfram að
taka til sín koltvísýring úr andrúms-
loftinu. Timbur er þannig eitt um-
hverfisvænasta byggingarefni sem
hugsast getur. Viður er að sama skapi
hagkvæmur og endurnýjanlegur. Að
byggja úr viði krefst mun minni orku
en til dæmis að byggja úr steypu,
eða öðru byggingarefni. Timburhús,
sem hefur þjónað hlutverki sínu og er
rifið niður, skilur ekki eftir sig rusl
sem fylgja vandkvæði að losna við.
Það skilur hins vegar eftir sig efni
sem hægt er að endurnýta í orku-
framleiðslu.“
Hvers vegna að velja
hús úr krosslímdu tré?
CLT er gegnheill samlímdur
viður sem er unninn að lágmarki úr
þremur lögum af borðviði, sem lögð
eru hornrétt hvert á annað og límd
saman með umhverfisvænu lími.
Lögin geta verið allt að átta talsins og
heildarþykkt allt að 320 mm. Fram-
leiðsla CLT er prófuð og samþykkt af
utanaðkomandi aðilum, til að tryggja
hámarksgæði og öruggar byggingar.
Það eru fjölmargir kostir við að velja
CLT frá Stora Enso þegar kemur að
byggingu húsa. „Fyrir það fyrsta
kemur allt það timbur sem Stora
Enso notar til sinnar framleiðslu, úr
sjálfbærum skógum, það er, fyrir
hvert tré sem er fellt þá er sáð fyrir
þremur í staðinn. Kostirnir eru svo
enn fleiri.“
• Stuttur byggingartími Margfaldur
hraði miðað við aðrar byggingar­
aðferðir.
• Sveigjanleiki Auðvelt er að laga
einingar að hvaða byggingu sem er.
• Umhverfisvænt
• Einfalt Engra sérverkfæra eða
stórra krana er þörf.
• Þægilegt og heilsusamlegt Engin
mengandi efni, allt náttúrulegt.
• Orkusparandi Timbrið er einangrun
í sjálfu sér.
• Ending Helst um ókomin ár.
• Auðvelt í hönnun og útreikningi
• Engar kuldabrýr Lítil hætta á myglu.
Idex býður heildarlausnir við
byggingu húsa og býður upp á um-
hverfisvænar og endurnýtanlegar
álklæðningarlausnir frá Larson auk
vistvænna glugga- og glerlausna frá
Rationel og Schuco.
Glugga- og glerlausnir Idex
Idex er með stórgott úrval af glugg-
um. „Allt frá árinu 1990 höfum við
selt Rationel glugga og búum því að
góðri þekkingu. Gluggarnir eru úr
kjarnatré úr samlímdri skandina-
vískri furu sem gefur þeim hámarks-
endingu. Rationel gluggar fást bæði
úr tré- og í ál/tré-útfærslu.“ Einn-
ig er Idex með eigin framleiðslu á
Schuco álgluggum í Reykjanesbæ.
„Margir hafa nýtt framleiðslu okkar
með góðum árangri. Þar á meðal má
nefna Háskólann í Reykjavík, Fang-
elsið á Hólmsheiði, Flugstöð Leifs
Eiríkssonar og Flugstjórnarmiðstöð-
ina á Reykjavíkurflugvelli.“ Þá flytur
Idex inn gler, bæði í glugga og fyrir
aðrar glerlausnir svo sem innveggi, í
handrið, gólf, hurðar, þök, og fleira.
Fyrirtækið er líka með gott úrval af
svalaskjólum og svalahandriðum frá
Lumon.
Larson álklæðningar
Idex er með umboð fyrir Larson
klæðningar, sem koma frá spænska
fyrirtækinu Alucoil. „Alucoil býr yfir
35 ára reynslu og þekkingu á sviði ál-
framleiðslu og er með þeim fremstu
á sínu sviði í heiminum í dag.“ Um
er að ræða samsettar klæðningar
sem byggjast upp á þunnri álplötu að
utan og innan með brunavörðum FR
steinefnakjarna á milli. Klæðningin
kemur í stöðluðum litum, en yfir-
borð getur verið úr áli, ryðfríu stáli,
kopar, sinki, messing og fleiru, allt
eftir því hvað hentar hverri byggingu
fyrir sig. „Idex hefur komið að fjölda
verkefna þar sem Larson álklæðn-
ingar voru notaðar með frábærum
árangri.“ n
Helstu eiginleikar
Larson álklæðninga

• Eldþolnar
• Léttar og sléttar
• Sex tegundir burðarkerfa sem
henta hverju verkefni
• Einstakt veður- og efnaþol
• Allt að 20 ára ábyrgð
• Einstakir efniseiginleikar
• Hávaða- og hitaeinangrun
• Umhverfisvænar
UMHVERFISVÆN BYGGINGAREFNI
Idex-nafnið á sér yfir 30 ára sögu á íslenskum byggingamarkaði og er fyrirtækið í
hvívetna þekkt fyrir framleiðslu á gæðavöru og fagmannlega þjónustu.
Nánari upplýsingar á idex.is
Víkurhvarfi 6, 203 Kópavogur
Sími: 412­1700
idex@idex.is
Ragnar Jóhannsson, framkvæmdastjóri Idex. MYND/VALLI
Klæðningin kemur í stöðluðum litum en
yfirborð getur verið úr áli, kopar og fleiru.
6 SÉRBLAÐ KYNNING SUMARHÚS 22. MAÍ 2020 DV