Dagblaðið Vísir - DV - 22.05.2020, Blaðsíða 32

Linda Björk Ólafsdóttir var tvítug þegar hún ákvað að sækja um inn-
göngu í Lögregluskólann. Í þá
daga voru hæðartakmarkanir
og þótti Linda aðeins of lág-
vaxin og komst því ekki inn
í skólann. En árið 2006 sótti
hún um starf sem afleysinga-
lögreglumaður, þrátt fyrir að
hafa gefið starfið upp á bátinn
mörgum árum áður og vildi
láta á það reyna aftur. Linda
var ráðin, ílengdist og þótti
starfið gefandi. Í kjölfarið fór
hún í Lögregluskólann.
Að loknu námi fékk hún
starf hjá Lögreglunni á
Suðurnesjum. Linda var því
nýútskrifuð úr Lögregluskól-
anum þegar hún var á vakt
í Grindavík. Á þessum tíma
var lögreglustöð í Grindavík,
en þar var ekki sólarhrings-
vakt.
Linda og starfsfélagi henn-
ar voru við eftirlit þegar til-
kynning barst um að þykk-
an reyk legði frá íbúð þar
skammt frá. Linda og félagi
hennar fóru á vettvang og sáu
reykjarmökk koma frá íbúð-
inni og fundu mikla bruna-
lykt. Þau bönkuðu og hringdu
dyrabjöllunni en fengu engin
svör.
Þau ganga aftur fyrir húsið
og í gegnum glugga sér Linda
að þar liggur maður hreyf-
ingarlaus í sófa. Hann sýnir
engin viðbrögð og reyna þau
að banka á svalahurð og
glugga og kalla inn til hans.
Nágrannar mannsins eru
einnig á vettvangi og samein-
ast allir um að banka, kalla og
athuga hvort einhvers staðar
sé gluggi opinn, svo hægt sé
að komast inn. Svo er ekki
og félagi Lindu fer aftur að
framhlið hússins til að kanna
stöðu mála þar.
Engin viðbrögð
Maðurinn sýnir engin við-
brögð og biður Linda einn ná-
grannann að sækja verkfæri
sem nýta megi til að spenna
upp hurðina. Þau ná svo í
sameiningu að spenna hana
upp. Mikinn reyk leggur út
um dyrnar og Linda tekur
ákvörðun um að fara inn í
íbúðina. Reykurinn umlykur
allt en Linda leggst á gólfið,
þreifar sig áfram og skríður
í átt að sófanum. Meðan
á þessu stendur magnast
reykurinn, en Linda dregur
peysukragann fyrir vit sín
til að skýla sér sem mest
fyrir reyknum. Linda kemst
að sófanum og þreifar eftir
fótum mannsins. Hún reynir
að vekja hann, en fær engin
viðbrögð. Maðurinn er með-
vitundarlaus.
Þarna tekur Linda ákvörð-
un um að standa upp, hún nær
að grípa utan um manninn,
sem var töluvert stærri og
þyngri en hún sjálf, og byrjar
að draga hann í átt að dyr-
unum. Við þetta missir hún
peysukragann frá andlitinu
og er því alveg berskjölduð
fyrir reyknum.
Maðurinn bregst ekkert við
í fyrstu en þegar Linda nálg-
ast svaladyrnar rankar hann
við sér. Hann byrjar að berj-
ast um og slá frá sér. Linda út-
skýrir fyrir honum að hún sé
lögreglumaður og sé að reyna
að koma honum út úr íbúð-
inni. Maðurinn heldur áfram
að berjast um, en á einhvern
ótrúlegan hátt nær Linda að
koma honum út úr íbúðinni.
Á sömu stundu kemur félagi
Lindu og hjálpar henni að
draga manninn í öruggt skjól.
Hann rankar aðeins betur við
sér og Linda og félagi hennar
fá þær upplýsingar frá honum
að hann hafi verið einn í íbúð-
inni.
Hikaði ekki
Spurð hvort hik hefði komið
á hana áður en hún óð inn í
íbúðina, svaraði Linda því
neitandi. Hún mat aðstæður
þannig að bregðast þyrfti
skjótt við því að reykurinn
magnaðist með hverri mín-
útunni og varð svartari og
svartari. Það tekur ákveð-
inn tíma fyrir slökkvilið að
komast á vettvang og ekki er
hægt að spá fyrir um hvert
ástand mannsins hefði verið
þá. Maðurinn hafði verið tölu-
vert lengi inni í reykfylltri
íbúðinni og hafði Linda mest-
ar áhyggjur af reykeitrun. Í
þokkabót sýndi hann engin
viðbrögð og Linda sá að það
var enn súrefni niður með
gólfinu svo að mögulegt var
að komast að honum.
Þegar hún tók ákvörðunina
um að fara inn, vissi hún að
þetta væri mínútuspursmál
fyrir manninn. Linda hafði
hlotið góða þjálfun í Lög-
regluskólanum, en þar hafði
hún æft reykköfun og notkun
reykköfunarbúnaðar hjá
slökkviliðinu. Slökkvilið var á
leiðinni frá Keflavík en Linda
gat ekki hugsað sér að bíða,
enda mikilvægt að ná mann-
inum út sem fyrst. Linda fann
ekki fyrir ótta er hún fór inn
í íbúðina, hún bara fór inn,
staðráðin í að ná manninum
út. Maðurinn var svo fluttur
til innlagnar á sjúkrahús með
reykeitrun.
Linda fékk sjálf reykeitrun
og fann vel fyrir því í nokkra
daga eftir atvikið. Hún áttaði
sig á því eftir á að hún hefði
fengið reykeitrun, en fór ekki
til aðhlynningar á sjúkrahús
eftir atvikið. Hún fann fyrir
andþyngslum í kjölfarið og
man vel eftir hversu sterk
reykjarlyktin var í fötunum
hennar. Hún var með tækja-
belti og minnist þess hversu
lengi lyktin sat föst í beltinu.
Elskar starfið
Þegar ég spurði Lindu út í til-
finningar hennar eftir þetta
sagðist hún hafa verið stolt,
og ætti hún svo sannarlega að
vera það, enda bjargaði hún
að öllum líkindum mannslífi.
Hún talaði um að þau hefðu
verið á réttum stað á réttum
tíma og að þetta hefði greini-
lega átt að fara svona.
Linda sýndi hugrekki og
þor, enda var meginástæða
þess að hún gekk til liðs við
lögregluna sú að hana langaði
að hjálpa öðrum og gefa af
sér. Linda hafði það líka með
sér að hafa verið viðloðandi
líkamsræktargeirann lengi og
meðal annars þjálfað Slökkvi-
lið Reykjavíkur á sínum tíma.
Í samtali mínu við Lindu
skein í gegn hversu mikið
hún naut þess að starfa hjá
lögreglunni og hvað henni
þykir vænt um þessa starfs-
stétt. Linda slasaðist illa við
lögreglustörf árið 2011 og
hefur ekki getað sinnt starfi
sínu síðan vegna þess. Linda
er greinilega mjög ákveðin og
dugleg kona, hún sagði mér að
nú væri þetta hennar verk-
efni, að huga að heilsunni og
að hana langaði að fara aftur
til starfa. Hún var einmitt
í göngutúr þegar við spjöll-
uðum saman.
Ég held að hverjum sem
lesi þessa grein sé það ljóst
að Linda Björk Ólafsdóttir er
hörkukona sem brást þarna
við af mikilli fórnfýsi og
óeigingirni. Lögreglumenn og
-konur eru þjóðfélagi okkar
gífurlega mikilvæg og ætla
ég að minna á að lögreglu-
menn hafa verið án kjara-
samnings í 13 mánuði. Við
sem þjóðfélag ættum öll að
leggjast á eitt í stuðningi við
þessa mikilvægu stétt. n
Hlaðvarpið Háski kemur út á
mánudögum á vef DV. Lumar þú á
Lífsháskasögu? Sendu okkur endi-
lega ábendingu á
haskipodcast@gmail.com
UNG LÖGREGLUKONA BJARGAR
MANNI ÚR BRENNANDI HÚSI
Linda Björk Ólafsdóttir var nýútskrifuð úr Lögregluskóla ríkisins er hún bjargaði lífi
manns. Kviknað hafði í íbúð mannsins og lá hann meðvitundarlaus þar inni.
Linda Björk þótti of lágvaxin fyrir Lögregluskólann þegar hún sótti fyrst um. MYND/VALLI
LÍFSHÁSKI
Unnur Regína
Gunnarsdóttir
20 FÓKUS 22. MAÍ 2020 DV