Dagblaðið Vísir - DV - 31.01.2020, Síða 2

2 31. janúar 2020FRÉTTIR
Á
dögunum gáfu stórrisarnir
hjá Marvel Studios upp
hvaða tökustaði stendur til
að nota fyrir kvikmyndina
Spider-Man 3 og verður Ísland
þar á meðal. Þetta verður ekki í
fyrsta skiptið sem Marvel Studios
notar Ísland sem tökustað en
Thor: The Dark World var einnig
töluvert tekin upp hér á landi,
en myndin kom út árið 2013
og fór vel um leikarana Chris
Hemsworth og Tom Hiddleston
meðan þeir dvöldu hér.
Sérfræðingar telja að ástæðan
fyrir notkun Íslands sem tökustað
tengist tilvonandi skúrki myndar-
innar og þjóðerni hans. Hann
ber heitið Sergei Kra vin off, en er
betur þekktur sem Kraven og er
af rússneskum uppruna. Sergei
er af aðals ættum en fjöl skylda
hans flúði til Banda ríkjanna eftir
rúss nesku vetrar byltinguna 1917.
Markmið Sergeis er að veiða
Köngu lóar manninn og drepa, til
að sanna að hann sé besti veiði-
maður veraldar.
Má geta þess að Ísland hefur
áður verið í hlutverki Rússlands
á hvíta tjaldinu, meðal annars í
kvikmyndunum Tomb Raider og
Fast & Furious 8, eða The Fate of
the Furious. Í þeirri síðarnefndu,
sem frumsýnd var árið 2017, voru
senur teknar upp á Akranesi og
Mývatni. Var mikill viðbúnaður
og stórt tökulið sem fylgdi og var
Akranesbær til að mynda undir-
lagður af skriðdrekum, sportbíl-
um og þyrlum um tíma.
Stjörnum prýdd
Jon Watts mun leikstýra næstu
mynd um Köngulóarmanninn,
hefur ekki enn fengið endan-
legt nafn, og Tom Holland mun
fara með hlutverk Peters
Parker sem fyrr. Fleiri
leik ar ar hafa ekki verið
staðfest ir en bú ist er við
því að þau Zendaya, Marisa
Tomei og Jacob Batalon haldi
áfram í hlutverkum sínum.
Myndin er væntanleg í kvik-
myndahús í júlí á næsta ári.
n
hlutir sem gera Ísland best í heimi
Ísland er ekki fullkomið.
Vanhæf ríkisstjórn, svimandi
hátt matvöruverð, ekkert
áfengi í matvöruverslunum og
óútreiknanlegt veðurfar eru
á meðal sívinsælla kvörtun-
arefna Íslendinga sem sumir
hverjir sjá í hillingum að flytja
af klakanum fyrir fullt og allt.
En er grasið alltaf grænna
hinum megin? Blaðamaður
DV gerði óformlega könnun á
meðal nokkurra Íslendinga sem
búsettir hafa verið erlendis um
árabil. Spurningin var: „Hvað
er það sem þú saknar mest við
Ísland?“ Hér eru fimm hlutir
sem stóðu upp úr.
„Allt er mögulegt“
Þrátt fyrir að Ísland
sé lítið land þá kunna
Íslendingar að hugsa
stórt og framkvæma
hratt. Frasinn „þetta
reddast!“ finnst hvergi
annars staðar. Þetta
viðhorf kann að vera
litið hornauga af öðrum
þjóðum en það er ekki
hægt að neita því að það
hefur gert okkur kleift
að takast á við áskoranir
og verkefni sem virðast
óyfirstíganleg.
Hreinleikinn
Óspillt náttúra er án
efa það sem dregur
langflesta ferðamenn
hingað til lands.
Kranavatnið okkar
bragðast ekki eins
og það komi beint úr
klósettinu Og hver
kannast ekki við
að lenda á Íslandi
eftir langt og gott frí
erlendis og anda að sér
tandurhreina íslenska
loftinu? Það má
endalaust kvarta yfir
íslensku veðurfari en
íslenska loftið er tært.
Útisundlaugar
Þeir sem hafa heim-
sótt útisundlaugar
erlendis vita að þær
standast ekki sam-
anburð við íslensku
laugarnar. Ólíkt Ís-
lendingum eru erlend-
ar þjóðir ekki hrifnar
af því að hita upp
sundlaugar. Íslenska
sundlaugarmenningin
er kafli út af fyrir sig:
skreppa með börnin
í sund eða hlusta á
stjórnmálaumræður
heldri manna í heita
pottinum.
Engar
moskítóflugur
Ísland er eitt af þeim fáu
löndum í heiminum þar
sem engar moskítóflugur
er að finna. Þeir sem hafa
ferðast til heitari landa
vita hversu pirrandi þessi
ófögnuður getur verið,
svo ekki sé minnst á
minnismerkin sem þær
skilja eftir sig. Við getum
þakkað fyrir að listinn yfir
skordýr sem geta lifað
á Íslandi er tiltölulega
stuttur og fæst þeirra
bera með sér hættulega
sjúkdóma.
Fjölskylda og vinir
Hér er kominn sá hlutur
sem hvað flestir sakna
að heiman. Fólkið sem
við elskum, sem elskar
okkur. Fólkið sem
hefur sama séríslenska
húmorinn. Fólkið sem
við deilum minningum
með. Nútímatækni hefur
gert heiminn minni og
gert fólki kleift að eiga
samskipti heimshorna
á milli, en það verður
að segjast að samtal
við mömmu og pabba í
gegnum tölvuskjá jafnast
engann veginn á við það
að sitja saman og snæða
sunnudagslærið.
Á þessum degi,
31. janúar
1881 – Kirkjan á Núpi í Dýrafirði fauk á
haf út í fárviðri.
1926 – Fyrstu útvarpsútsendingar í
tilraunaskyni fóru fram á Íslandi þegar
H.f. Útvarp hóf útsendingar.
1971 – Mannaða geimfarið Apollo 14
lagði upp í ferð til tunglsins.
1981 – Bandaríski stórsöngvarinn
Justin Timberlake fæddist.
2012 – Sprengja var sprengd við
Hverfisgötu, skammt frá Stjórnarráðs-
húsinu.
Fleyg orð
„Það er ekkert ómögulegt
í lífinu. Orðið er ekki einu
sinni neikvætt, í því segir:
Ó, mögulegt!“
– Audrey Hepburn
Ísland sem Rússland Skjáskot
úr kvikmyndinni Fast & Furious 8.
Köngulóarmaðurinn á Íslandi
n Ísland hugsanlega Rússland í Spider-Man 3
n Óljóst hvaða stjörnur mæta á klakann
Færist hiti í leikinn
Zendaya og Tom Holland í hlut-
verkum sínum í Spider-Man:
Homecoming frá árinu 2017.