Íþróttablaðið - 01.08.1968, Blaðsíða 3

Skíðamót íslands 1968
30. Skíðamót Islands fór fram í Hlíðarfjalli
við Akureyri um páskana í vor, þ.e. dagana
10.-15. apríl. Skiðamót Islands var fyrst haldið
um páskana 1937 og hefur jafnan farið fram
á þeim árstíma síðan, nema hvað mótið féll
niður árin 1941 og 1959 vegna farsótta, sem
þá herjuðu.
Skíðalandsmótið var nú haldið á Akureyri,
í fyrsta skipti eftir að samþykkt var uppbygg-
ing landsvetraríþróttamiðstöðvar þar, en eins
og kunnugt er, hafa á undanförnum árum verið
unnin mikil stórvirki í uppbyggingu fullkom-
innar skíðaaðstöðu í Hlíðarfjalli, m.a. með
byggingu vandaðrar skíðalyftu, sem tekin var
í notkirn síðast liðinn vetur. Var mótið því
haldið við betri aðstæður en nokkru sinni áður,
hvað snerti mannvirkja- og tækjabúnað.
Til þátttöku í mótinu var skráður 91 kepp-
andi, og voru þeir frá þessum félögum og hér-
aðssamböndum:
Skíðaráð Akureyrar .... 22 keppendur
Skíðaráð Reykjavíkur .... 20 —
Skíðaráð Isafjarðar . . .
Skíðafélag Siglufj., Skíðaborg
Skíðafélag Fljótamanna . .
Héraðssamband S.-Þingeyinga
Iþróttabandalag Ólafsfjarðar
Ungmennasamb. Eyjafjarðar
17 keppendur
15 —
7 —
6 —
3 —
1 keppandi
Mótið fór hið bezta fram í umsjá Akureyr-
inga, enda var ekkert til sparað, að það mætti
fara sem bezt úr hendi. Unnu alls 89 sjálfboða-
liðar að mótshaldinu, við lagningu og viðhald
brauta, hliðvörzlu, tímatöku og dómarastörf,
við sölu aðgöngumiða, stjórn samkomuhalds og
margt fleira, og er vægt reiknað, að um 600
dagsverk hafi farið í undirbúning og fram-
kvæmd mótsins.
Mótsstjóm skipuðu Hermann Stefánsson,
Jens Sumarliðason og Haraldur M. Sigurðsson,
en yfirdómari var Guðmundur Ámason. Leik-
stjóri við göngu var Tryggvi Þorsteinsson, við
stökk Hermann Sigtryggsson og við alpagrein-
ar Óðinn Árnason.
187