Íþróttablaðið - 01.08.1968, Blaðsíða 15

landarnir voru mjög taugaóstyrkir, og misnot-
uðu þeir gullin tækifæri hvað eftir annað. Svíar
náðu strax góðu forskoti, og var staðan í hálf-
leik 39:22 Svíum í vil. Hittni íslenzka liðsins
var afar slæm, eða 25%, úti á vellinum. Hins
vegar lék liðið ágætlega og skapaði sér góð
tækifæri. Hefði munurinn í lokin ekki þurft að
verða eins mikill og raun varð á, ef leikmenn
okkar hefðu ekki verið svona taugaóstyrkir.
Leiknum lauk sem sé með sigri Svía 80:52.
Birgir Jakobsson var stigahæstur íslendinganna
með 12 stig, en Hansson (2,02 m á hæð) hjá
Svíum með 15 stig. Voru menn að vonum von-
sviknir með þennan leik og voru hinir svart-
sýnustu á áframhald keppninnar.
Kl. 8 um kvöldið voru leiknir tveir leikir.
Finnar unnu Dani í skemmtilegasta leik móts-
ins með 117—70. Finnska liðið lék mjög hratt
og skemmtilega. Pilkevaara átti mjög góðan
leik, og vorum við á áhorfendapöllunum furðu
lostin yfir leikni hans, enda er hann talinn einn
bezti bakvörður Evrópu. Einnig sýndi Kuusela,
aldursforseti mótsins (34 ára), skemmtilegan
leik. Danir léku mjög létt og leikandi, og fannst
mér Alexander Schaumann mjög athyglisverð-
ur fyrir langskot sín.
Seinni leikurinn var milli Svía og Norðmanna,
og var þar það sama uppi á teningnum og í leik
Dana og Norðmanna fyrr um daginn, alger ein-
stefna af Svía hálfu. Athygli vöktu fyrirliðar
liðanna, þeir Ulf Lindelöf og Leif Bráten, fyrir
mjög grannan og veiklulegan vöxt. Svíar unnu
leikinn með 148:44.
Á páskadag, 14. apríl, var haldin ráðstefna
körfuknattleikssambanda Norðurlanda. Aðal-
málið, sem ráðstefnan f jallaði um, var Norður-
landameistaramót unglinga, og er svo til víst,
að slíkt mót verði haldið í Svíþjóð árið 1969 og
síðan þau ár, sem Polar Cup fer ekki fram. Á
ráðstefnunni var ákveðið, að næsta Polar Cup
mót verði haldið í Noregi 1970.
Á páskadagskvöld voru leiknir tveir leikir.
Fyrri leikurinn var milli Islendinga og Dana.
Islendingar voru nokkuð kvíðnir fyrir þennan
leik, vegna þess hve slæman leik þeir áttu við
Svía, en danska liðið virtist gott eftir leiknum
við Finna að dæma. Það var auðsýnt, að Danir
höfðu aldrei verið betri en nú.
Islenzka liðið byrjaði vel, komst í 15:5, en
Danir ná að jafna 17:17. Þá taka Islendingar
góðan sprett og ná 31:23 fyrir leikhlé. 1 seinni
hálfleik héldu Danir framan af nokkuð vel í við
okkar menn, en þá kom að þætti Kolbeins Páls-
sonar í leiknum. Hann sýndi frábæran leik og
skoraði hverja körfuna á fætur annarri. Einnig
áttu á þessmn tíma ágætan leik þeir Birgir
Birgis, Þorsteinn Hallgrímsson og Agnar
Friðriksson. Leiknum lauk með góðum sigri
íslendinga, 71 stigi gegn 51. Mesti sigur yfir
Dönum til þessa, og bezti leikur, sem íslenzkt
landslið hafði sýnt. Fyrirliðinn, Kolbeinn, var
beztur íslendinganna, skoraði 18 stig. Birgir
Birgis var einnig mjög drjúgur. Sama máli
gegnir um Þorstein Hallgrímsson, en þeir tveir
hirtu flest fráköstin.
I leiknum voru Birger Fiala, Ernst Jensen og
Arne Petersen beztir hjá Dönum.
Síðari leikurinn þetta kvöld var milli Finna
Finnska liðið, sem sigraði í Polar
Cup 1968. Myndin er tekin við
setningu mótsins. Fremstur fer
Kuusela, fyrirliði liðsins.
199