Íþróttablaðið - 01.08.1968, Blaðsíða 17

Eftir mótið voru verðlaun afhent í hófi, sem
KKÍ hélt keppendum, starfsmönnum og gestum.
Þai' voru Finnum, Svíum og Islendingum afhent
gull-, silfur- og bronsverðlaun. Auk þessara
verðlauna gáfu Islendingar skildi fyrir bezta
hittni í vítaköstum, bezta hittni í körfuskot-
um og flest fráköst tekin. Finninn Kari Lahti
hafði hitt bezt allra í leik, en Lars Karell, einn-
ig Finni, bezt í vítaskotum. Flest fráköst tók
Svíinn Hans Albertsson. Stigahæsti leikmaður
mótsins var Jorma Pilkevaara með 69 stig.
íslenzka liðið, sem lék í þessu móti, var skip-
að eftirtöldum mönnum: Birgir Örn Birgis, Á,
Einar Bollason, Þór, Agnar Friðriksson, IR,
Guttormur Ólafsson, KR, Birgir Jakobsson, ÍR,
Gunnar Gunnarsson, KR, Kolbeinn Pálsson, KR,
Kristinn Stefánsson, KR, Þorsteinn Hallgríms-
son, ÍR, Þórir Magnússon, KFR, Sigurður Ing-
ólfsson, Á, og Jón Sigurðsson, Á. Fyrirliðar
liðsins voru þeir Birgir Birgis í leiknum gegn
Svíum í tilefni þess, að hann hefur leikið alla
landsleiki Islands til þessa, en Kolbeinn Páls-
son í hinum leikjunum þremur. Einn nýliði var
í liðinu, Jón Sigurðsson. Þjálfari liðsins var
Guðmundur Þorsteinsson. Talsverðar umræður
voru um val liðsins meðal körfuknattleiks-
manna, og voru menn ekki á eitt sáttir um það.
En kjarni liðsins var góður, þó að deila mætti
um einstaka menn. Liðið átti góða leiki, eins
og áður segir, nema leikinn við Svía, og held
ég, að leikmönnum hafi þótt til of mikils ætlazt
af þeim, því að í þeim leik voru íslenzku pilt-
arnir allt of taugaóstyrkir. Að mínu áliti voru
litlir möguleikar á að sigra Svía. Sést það bezt
á því, að aldrei hafa Svíar verið eins nálægt
því að sigra Finna. Samt sem áður er þetta
sennilega bezta körfuknattleikslið, sem Island
hefur eignazt. Heyrzt hefur, að KKl hyggist
senda lið á Evrópumeistaramót á næsta ári
vegna góðrar frammistöðu á þessu Polar Cup-
móti. Liðið sannaði það líka í þessarri keppni,
að það er þess fyllilega verðugt, og vona ég, að
Körfuknattleikssambandið sjái sér fært að taka
þátt í þeirri keppni.
Á Polar Cup 1968 voru sett allmörg „met.“
Þessi voru helzt:
Fimrn 100 stiga leikir:
Danmörk-Noregur 100:29
Finnland-Noregur 131:56
Frá leik Islendinga og Svía.
Svíþjóð-Noregur 148:44
Island-Noregur 123:59
Finnland-Danmörk 117:70
Mesta skorun í einum leik:
Svíþjóð 148 stig gegn Noregi.
Mesti munur í einum leik:
104 stig í leik Svíþjóðar gegn Noregi.
Mesta skorun í einurn hálfleik:
Finnland 71 stig gegn Noregi,
Svíþjóð 86 stig gegn Noregi.
Stœrsti sigur íslands gegn Dönum: 20 stig.
Mesta skorun gegn Finnlandi:
Danmörk 70 stig,
Island 70 stig.
Minnsti munur gegn Finnlandi:
ísland 15 stig,
Svíþjóð 5 stig.
Mesta skorun Islands í einum landsleik:
123 stig gegn Noregi.
201