Íþróttablaðið - 01.04.1989, Page 42

— Ertu betri fimleikamaður í dag
en árið 1987 þegar þú varðst síðast
Islandsmeistari?
„Já, ég finn að ég hef styrkst veru-
lega mikið og á mun auðveldara með
að gera æfingarnar. Ég fór í gegnum
þetta mót á fremur auðveldum æfing-
um í stað þess að tefla í tvísýnu og
reyna eitthvað sem ég er ekki búinn
að ná tökum á. „Flugmómentið" á
svifránni var reyndar dálítið erfitt en
það tókst vel. Sú æfing var í D-flokki
fyrir síðustu Ólympíuleika, sem er
hæsta einkunn en var lækkuð niður í
C-flokk að leikunum loknum ásamt
nokkrum öðrum æfingum. I dag er
því mun erfiðara að ná „D mómenti"
en áður. Á íslandsmótinu í gólfæfing-
um tók ég tvöfalt heljarstökk í byrjun
og í enda æfingarinnar en það hef ég
aðeins einu sinni gert áður í keppni.
Úthaldið er því að aukast."
— Má búast við að sjá einhver ný
brellibrögð frá þér í framtíðinni?
„Ég ætla að reyna að bæta mig á
svifránni sem mér finnst skemmtileg-
asta áhaldið. Ég ætla líka að bæta við
„flugmómentið" og gera afstökkið
erfiðara. „Serían" hjá mér á því eftir
að batna verulega."
— Hvert er erfiðasta atriðið sem
reynt hefur verið í fimleikum og náð
hefur verið tökum á?
„Það framkvæmdi Sovétmaðurinn
Sergei Kharikov á síðustu Ólympíu-
leikum þegar hann fór tvöfalt heljar-
stökk með beinum líkama í heilli
skrúfu í gólfæfingunum og einnig
tvöfaltframheljarstökk með yfirslagi í
stökki. Síðarnefnda stökkið hafði
Kúbumaður reynt á Ólympíuleikun-
um í Moskvu fyrir 8 árum en var bor-
inn út á sjúkrabörum."
— Átt þú eftir að taka miklum
framförum í framtíðinni?
„Já, ég geri fastlega ráð fyrir því. Ég
stefni að því að stunda fimleika
næstu 5 árin og ég set markið hátt.
Takmarkiðídageraðnásem lengstá
Norðurlandamótinu í apríl og
ánægjulegast væri að komast á pall."
Guðjón í kollhnís í gólfæfingum. . . . og kemur niður á dýnuna ein-
beittur á svip.
Jörgen Tellnar þjálfari í fimleikadeild Ármanns fylgist vel með Guðjóni á
bogahestinum sem hefur verið hans akkilesarhæll.
Dómarar stúlknanna á fimleikamóti íslands fylgdust vökulum augum með
öllu sem gerðist í námunda við þær og gáfu stig.
42