Íþróttablaðið - 01.04.1989, Qupperneq 78

En þessa stundina nýt ég þess til
fullnustu að vera íslandsmeistari í
körfuknattleik í meistaraflokki ífyrsta
skipti. Og því er ekki að leyna að ég
hef mjög gaman af þeirri athygli sem
fylgir því að vera íslandsmeistari,"
segir Jón og brosir sínu breiðasta.
Þessu sigurbrosi hefur hann beðið
eftir frá 7 ára aldri, í ein 19 ár. „Guðni
Kjartansson þjálfari og fyrrum knatt-
spyrnumaður ásamt félögum hans í
ÍBK voru átrúnaðargoðin þegar ég
var gutti og þegar ég var að byrja í
íþróttum urðu þeir íslandsmeistarar í
knattspyrnu. Á þeirri stundu var
draumurinn að standa í sömu spor-
um og þeir. Nú hefur sá draumur ræst
en í annarri íþrótt. Og það sem er
skemmtilegt við sigur okkar á Is-
landsmótinu er að Guðni á dálítinn
þátt í honum. Guðjón Skúlason leit-
aði til hans og Þorsteins Geirharðs-
sonar vegna meiðsla fyrir úrslitaleik-
inn við KRog þeir gerðu honum kleift
að taka þátt í leiknum."
Já, það var glatt á hjalla í Keflavík
daginn eftirglæsilegan sigur IBKá KR
í úrslitaleik um íslandsmeistaratitil-
inn í körfuknattleik. ÍBK vann þar
með sína fyrstu Islandsmeistaratign í
körfubolta eftir 18 ára þátttöku í
deildarkeppninni. „Staðreyndin ersú
að það tekur sinn tíma fyrir lið að
komast á toppinn. Njarðvík varð til
að mynda allavega tvisvar í 2. sæti í
deildinni áður en liðið varð meistari
og svo fylgdu glæsilegir sigrar í kjöl-
farið. Ég vona að þessi titill sé bara
upphafið hjá okkur." Úr því verið er
að tala um íslandsmeistaratitla í her-
búðum Keflavíkur má geta þess að
þegar þetta er skrifað hafa flokkarnir í
körfunni skilað 7 íslandsmeistaratitl-
um það sem af er vetri og ekki er
lokum fyrir það skotið að nokkrir
bætist í sarpinn áður en yfir lýkur. I
fyrravetur náðust 11 titlar í hús í Kefla-
vík.
Fjöldi heillaskeyta og blómvanda
barst að heimi I i Jóns og Auðar á með-
an ÍÞRÓTTABLAÐIÐ staldraði þar
við og ekki að ástæðulausu. Jón lét
samt sigurglauminn ekki setja sig út
af laginu og hélt sinni stóísku ró. En
hvernig er sú líðan að verða Islands-
meistari í fyrsta skipti?
„Draumurinn er að búa erlendis."
„Það er mjög erfitt að lýsa tilfinn-
ingunni. Álagið eftir að við komust í
úrslitakeppnina hefur verið gríðar-
legt og núna er eins og miklu fargi sé
af mér létt. Margarspurningar leituðu
á mig hvað væri best að gera með
liðið til þess að hreppa titilinn og all-
ar vangaveltur urðu til þess að ég átti
orðið erfitt með svefn. En tilfinningin
þessa stundina er stórkostleg. Það var
ekki fyrren dómararnirflautuðu leik-
inn af að spennan sem fylgir svona
þýðingarmiklum leikjum hvarf. Stað-
an í körfuknattleik er það fljót að
breytast að ég var ekki öruggur með
sigur fyrr en að um 40 sekúndur voru
til leiksloka."
— Var sigur ykkar verðskuldaður
eftir þrjá úrslitaleiki við KR?
„Já, ég verð að segja það, þótt þeir
hafi leikið mun betur en við í Reykja-
vík. Við höfum mun betri liðsheild en
KR því þeir stóla nánast eingöngu á
fjóra leikmenn á meðan við notum
8-10 leikmenn nánast jöfnum hönd-
um. Breiddin í svona mörgum leikj-
um skiptir töluverðu máli. Þótt ég sé
ekki ýkja hrifinn af M-einkunnagjöf-
inni sem Morgunblaðið er með eftir
hvern leik er ekki hægt að líta fram-
hjá þeirri staðreynd að alls fengu 10
leikmenn frá ÍBK M einhvern tímann
á keppnistímabilinu á meðan önnur
lið áttu 4-5 M-leikmenn. Gallinn við
þessa einkunnargjöf er sá að hinir og
þessir einstaklingar sem hafa litla
þekkingu á körfuknattleik eru að
dæma menn og gefa einkunnir."
— Áttir þú von á því í upphafi
keppnistímabilsins, að þið mynduð
standa uppi sem sigurvegarar?
„Já, ég taldi góðar líkur á þvíen þó
var ómögulegt að spá nokkru um
lokastöðuna á þeim tíma. Við höfð-
um góðum mannskap á að skipa og
mér leist vel á þjálfarann á þeim tíma
þannig að ég taldi möguleika okkar
góða."
— Varst þú sáttur við stígandann í
liðinu í vetur?
„Já, ég er virkilega sáttur við það
hvernig veturinn hefur gengið fyrir
sig. Við lentum í vandræðum fyrir
tveimur mánuðum þegar við þurftum
að ákveða hvernig við gætum haldið
liðinu saman, því ákveðin sundrung
78