Morgunblaðið - 28.03.2020, Qupperneq 31

MINNINGAR 31
MORGUNBLAÐIÐ LAUGARDAGUR 28. MARS 2020
✝ Sigríður Júl-íusdóttir fædd-
ist á Framnesvegi
29 í Reykjavík 3.
desember 1930.
Hún lést nær níræð
á hjúkrunarheim-
ilinu Skjóli 23.
febrúar 2020.
Foreldrar henn-
ar voru Júlíus Guð-
mundsson, kaup-
maður í Verzlun-
inni Baldri á Framnesvegi 29,
og Guðrún Nikulásdóttir. Hús
þeirra hjóna á Framnesvegi
voru reist á erfðafestulandi
Sigríðar, móður Guðrúnar en
eiginmaður hennar, faðir
Guðrúnar, var Nikulás Jak-
obsson frá Litla-Seli vestast í
Vesturbæ Reykjavíkur. Systk-
ini Sigríðar voru Guðmundur
Sigurður og Guðrún Kristbjörg
og eru þau bæði látin.
Eftirlifandi eiginmaður Sig-
ríðar er Kristmundur Elí Jóns-
son, f. 27. mars 1929. Þau
gengu í hjónaband 5. maí 1950.
Kristmundur er sonur Jóns
Sveinssonar, skipstjórn-
armanns og síðar eins af eig-
endum Bæjarins beztu pylsna,
og konu hans, Guðrúnar Krist-
mundsdóttur. Foreldrar Sigríð-
Sambýlismaður hennar er San-
ford Mahr.
Barnabarnabörn Sigríðar og
Kristmundar eru sex.
Sigríður ólst upp hjá for-
eldrum sínum á Framnesveg-
inum og í sumarbústað þeirra,
Fagradal, ofan við Geitháls.
Þangað flutti fjölskyldan í byrj-
un maí ár hvert og kom ekki
aftur í bæinn fyrr en sumri
hallaði. Tré, blóm og matjurtir
voru ræktuð af kappi í Fagra-
dal og var Sigríður alla tíð mik-
il ræktunarkona. Eftir gagn-
fræðapróf lagði hún stund á
nám í píanóleik við Tónlistar-
skólann í Reykjavík meðal ann-
ars hjá Rögnvaldi Sigurjónssyni
Eftir að Sigríður giftist Krist-
mundi gerðist hún heimavinn-
andi húsmóðir en spilaði áfram
á píanóið og voru píanóverk
Chopin í sérstöku uppáhaldi.
Þegar barnauppeldi lauk og
hún komst frá gerðist hún mikil
laxveiðikona og eitt árið fékk
hún verðlaun Stangaveiðifélags
Reykjavíkur fyrir stærsta lax
sem kona dró það sumarið. Sig-
ríður gekk ung til liðs við Odd-
fellow-stúkuna Bergþóru nr. 1
og starfaði ötullega með henni
þar til heilsan brast á efri ár-
um. Þau hjón ferðuðust víða en
síðustu áratugina áttu þau sér
yndisreit við hafið á vestur-
strönd Flórída þar sem heitir
Lands End.
Útför Sigríðar hefur að
hennar ósk farið fram í kyrr-
þey.
ar og Kristmundar
voru góðvinir,
tengd fjölskyldu-
böndum og Odd-
fellowar.
Sigríður og
Kristmundur
byggðu sér hús á
Neshaga 4 í
Reykjavík en fluttu
árið 1983 á Einimel
17 og bjuggu þar
þangað til þau
minnkuðu við sig sökum aldurs.
Þau eignuðust fjórar dætur:
1) Sigríði Dúnu, f. 1952, pró-
fessor, gift Friðriki Sophussyni
og á hún tvö börn; Ragnar
Hjálmarsson og Sigríði Frans-
isku Friðriksdóttur. Fósturbörn
Sigríðar Dúnu, börn Friðriks,
eru fimm.
2) Kristbjörgu Elínu, f. 1957,
jógakennara, og á hún þrjú
börn; Júlíus, Þórunni og Gabrí-
el Eymundsbörn.
3) Guðrúnu Björk, f. 1962,
eiganda Bæjarins beztu, og á
hún soninn Baldur Halldórsson.
Sambýlismaður hennar er Jón-
as Björn Björnsson.
4) Júlíu Hrafnhildi, f. 1967,
myndlistakennara við háskól-
ann í Tampa og á hún soninn
Kristmund Ágúst Jónsson.
Ég hitti Sigríði fyrst fyrir 35
árum í veiðihúsinu við Haffjarð-
ará, þar sem hún var við laxveiðar
með Kristmundi eiginmanni sín-
um. Mér varð strax ljóst, að þar
fór fólk sem stundaði veiðarnar af
alúð og skilningi á náttúrulegu
umhverfi árinnar. Ekki hvarflaði
að mér þá að þau yrðu síðar
tengdaforeldrar mínir, vinir og
veiðifélagar.
Sigríður fæddist og ólst upp
vestast í Vesturbænum, þar sem
foreldrar hennar bjuggu á eign-
arreit Sigríðar ömmu hennar úr
landi Litla-Sels. Faðir hennar,
Júlíus Guðmundsson kaupmaður,
rak verslunina Baldur á horni
Holtsgötu og Framnesvegar í 40
ár og margir gamlir Vesturbæing-
ar muna eftir honum og Guðrúnu
Nikulásdóttur eiginkonu hans.
Sigríður var snaggaraleg stelpa,
frá á fæti og þegar hún óx úr grasi
þótti þessi ljóshærða og laglega
stúlka stórglæsileg.
Sigríður gekk í Tónlistarskól-
ann og lærði á píanó hjá Rögn-
valdi Sigurjónssyni. Hún spilaði
alla tíð á píanóið og dæturnar
minnast þess með hlýju þegar
þær voru svæfðar með Tungl-
skinssónötunni og Für Elise eftir
Beethoven og ýmsum tónlistar-
perlum Chopins.
Mannsefninu sínu, Kristmundi
E. Jónssyni, kynntist Sigríður eft-
ir Oddfellow-dansleik, en foreldr-
ar þeirra beggja voru virkir fé-
lagar í Oddfellow-reglunni. Þau
giftu sig bráðung fyrir hartnær 70
árum. Eins og foreldrarnir gengu
Sigríður og Kristmundur í Odd-
fellow-regluna og létu sitt ekki
eftir liggja í störfum að mannúð-
armálum. Sigríður var alla tíð
heimavinnandi húsmóðir, ef und-
an eru skilin afgreiðslustörf í
Baldri, þegar ungu hjónin voru að
koma sér þaki yfir höfuðið. Sigríð-
ur og Kristmundur voru samhent
og áttu mörg sameiginleg áhuga-
mál. Þau höfðu unun af laxveiðum
og hún var lunkinn veiðimaður.
Eitt árið hlaut hún verðlaun
Stangveiðifélagsins fyrir stærsta
veidda laxinn. Þau stunduðu úti-
vist, fóru í útilegur vítt og breitt
um landið og í bátsferðir á sport-
bátum sínum bæði við Ísland og
Noreg. Sigríður tók „pungapróf-
ið“ til að vera fullgild í þessum
siglingum. Ferðir á Hornstrandir
og viðlegur í Straumfirði voru of-
arlega í minningunum. Á miðjum
aldri eignuðust þau litla íbúð í
Flórída, þar sem þeim leið vel og
höfðu yndi af því að taka á móti
vinum og vandamönnum.
Nú þegar Sigríður tengdamóð-
ir mín kveður okkur, koma upp í
hugann skemmtilegar minningar
um yndislegar samverustundir.
Grillveislur á Einimelnum, sigl-
ingar á Sundunum og laxveiðar
við Grímsá ylja okkur um ókomin
ár. Og barnabörnin áttu alltaf víst
athvarf hjá ömmu Sirrý, þegar á
þurfti að halda. Hún hafði unun af
garðyrkju og ömmubörnin lærðu
handbrögðin í fallega garðinum
hjá henni. Á undanförnum mán-
uðum hrakaði heilsu Sigríðar og
hún lést í faðmi fjölskyldunnar
hinn 23. febrúar. Kristmundur var
stoð hennar og stytta allt til hinsta
dags. Hann sér nú á eftir eigin-
konu og einkavini til sjötíu ára.
Um leið og ég þakka tengdamóð-
ur minni ánægjulega og kærleiks-
ríka samfylgd síðustu þrjá áratugi
bið ég guð að blessa minningu
hennar. Kristmundi og allri fjöl-
skyldunni votta ég dýpstu samúð.
Friðrik Sophusson.
Gróskumikill garðurinn, bleik-
ar rósirnar, bjartar stofurnar,
platínuljóst hárið, milt brosið, og
öll hlýjan. Amma, amma Sirrý.
Við barnabörn Sigríðar
Júlíusdóttur minnumst ömmu
okkar af sömu hlýjunni og hún
sýndi okkur og kenndi. Á hennar
heimili, fyrst á Neshaganum og
síðar á Einimelnum, áttum við
alltaf vísan griðastað. Stofurnar
eru bjartar og ljósið leikur um
þær. Kristallinn, hann þarf að
passa. Speglarnir, þar sem lítil
handaför passa ekki. Opið út á
svalir. Amma í sólinni. Björt, brún
og sælleg. Öll gróskan í garðinum
stóra, og við frjáls.
Amma var svona ekta amma.
Hún kunni ógrynnin öll af vísum.
Svo lagin var hún að fara með
þær, að oft fannst okkur sem þær
væru gripnar úr loftinu einu. En
við nánari skoðun töluðu þær til
augnabliksins og eftir sat: hve
margar vísur í viðbót skyldi hún
kunna?
Ekta ömmur næra líka og
klæða. Af mat var alltaf nóg, fjöl-
rétta fjölskylduboð, stórar veislur
og ung barnabörn, hungruð eftir
hálfan dag í skólanum. Þetta
leysti amma allt úr hendi, og á
þann hátt, og á þannig tíma, að
stritið þar að baki var flestum
ósýnilegt. Um klæðin á okkur þarf
ekki að fjölyrða, mjúku pakkarnir
voru margir og stórir.
En amma var líka Sigríður Júl-
íusdóttir. Glæsileg ung kona, sem
birtist okkur björt og hnarreist á
svart-hvítu myndunum í stofunni.
Kona sem stundar listnám og ber
þá fegurð í brjósti. Hennar dálæti
er Chopin, og rómantíkin. Grænir
fingur og gróska. Ung kona sem
verður ástfangin af afa. Þau tvö á
giftingarmyndinni. Afi veit hvað
hann er heppinn. Hún stýrir stóru
heimili. Fæðir og elur fjórar stúlk-
ur, og léttir síðan ötullega undir
þeirra ungu fjölskyldum þegar
barnabörnin koma. Kona með
pungapróf. Sjálfboðaliði fyrir
Rauða krossinn. Stór-stangveið-
kona. Og eftir þrotlausa vinnu hin
fyrri ár, þá auðvitað kunni hún
best við sig í sólinni þau hin síðari.
Þegar heilsu ömmu hrakaði
hlýjaði það okkur öllum að sjá hve
mikla umhyggju og ást Krist-
mundur afi sýndi henni. Og ef-
laust hefur hann lært vel af þeim
ástarkrafti sem amma veitti hon-
um og fjölskyldunni allri. Afi pass-
aði upp á að verkefni biðu þeirra,
að fjölskyldan settist niður til
snæðings, að bíltúrar væru farnir,
að te væri lagað, og gengið frá
diskum.
Afi kveður sinn förunaut, og nú
er við kveðjum hlýjan faðm ömmu
okkar þá tökum utan um afa okk-
ar,
Júlíus Eymundsson
Ragnar Hjálmarsson
Þórunn Eymundsdóttir
Baldur Halldórsson
Kristmundur Jónsson
Sigríður Fransiska
Friðriksdóttir
Gabríel Eymundsson.
Nú er elsku amma Sirrý farin
yfir til sumarlandsins. Ég ímynda
mér að þar hlaupi hún svo hratt að
löggan sjái hana ekki á milli þess
sem hún spilar Bach á flygilinn
sinn. Á meðan sitjum við hin
heima og minnumst hennar. Mín
fyrsta minning um ömmu Sirrý er
af Neshaganum, ég er inni á baði
að borða röndótt tannkrem og
amma er hinumegin við dyrnar að
segja mér að opna. Ég man ömmu
að gefa mér mjólk í bílaglasi, snúð
úr bakaríinu, ilmandi bleikan
koss. Það var alltaf svo góð lykt af
henni og þegar mér fannst for-
eldrar mínir ósanngjarnir óskaði
ég þess að geta farið til ömmu þar
sem allt var alltaf gott. Minning-
arnar eru margar og þær mun ég
eiga áfram, sá kærleikur sem hún
sýndi mér, okkur barnabörnunum
og fjölskyldunni minni er ómetan-
legur. Síðastliðinn aðfangadag fór
ég ásamt Gígju dóttur minni til
ömmu og afa til að færa þeim jóla-
matinn, við lögðum fallega á borð
fyrir þau, spjölluðum og sátum
hjá þeim dálitla stund. Þetta voru
síðustu jólin hennar ömmu og síð-
asta skiptið sem við hittumst.
Amma kvaddi okkur mæðgur með
fallegum og innilegum óskum um
bjarta framtíð. Takk, amma mín,
fyrir allt það góða sem þú gafst
mér, minning þín býr í hjarta
mínu.
Þórunn.
Sigríður
Júlíusdóttir
Sálm. 14.2
biblian.is
Drottinn horfir á
mennina af himnum
ofan til þess að sjá
hvort nokkur sé
hygginn, nokkur
sem leiti Guðs.
Virðing,
reynsla
& þjónusta
Allan
sólarhringinn
571 8222
Svafar:
82o 3939
Hermann:
82o 3938
Ingibjörg:
82o 3937
www.kvedja.is
svafar & hermann
Okkar ástkæra sambýliskona, móðir, amma
og langamma,
ELSA AÐALSTEINSDÓTTIR,
lést 16. mars á Hjúkrunarheimilinu Hlíð,
Akureyri. Bestu þakkir sendum við
starfsfólkinu á Hlíð fyrir hlýja umönnun.
Í ljósi aðstæðna hefur útför Elsu farið fram í kyrrþey.
Steinþór Þorsteinsson
Sigríður Björg Grímsdóttir Eyjólfur Guðmundsson
Smári Grímsson Kristín I. Marteinsdóttir
barnabörn og barnabarnabörn
Elskuleg eiginkona mín, móðir okkar,
tengdamóðir, amma og langamma,
AÐALHEIÐUR KATRÍN
HAFLIÐADÓTTIR,
lést á Landspítalanum laugardaginn
21. mars. Jarðarförin fer fram í kyrrþey.
Guðlaugur Helgason
Júlía Laufey Guðlaugsdóttir Hjörtur Hoffmann
Viðar Guðlaugsson Bryndís Kristjánsdóttir
Ólöf Hafdís Guðlaugsdóttir
Aldís Katrín Guðlaugsdóttir Ívar Örn Ómarsson
Guðlaug Helga Guðlaugsd. Hörður Ómarsson
barnabörn og barnabarnabörn
Ástkær sambýlismaður minn, faðir,
tengdafaðir, afi og langafi,
LÚKAS KÁRASON,
stýrimaður frá Drangsnesi,
lést aðfaranótt mánudagsins 23. mars.
Að lokinni kistulagningu verður bálför en
vegna aðstæðna í þjóðfélaginu fer útför fram síðar.
Gerður Erla Tómasdóttir
Birna S. Lúkasdóttir Ellert Guðmundsson
Erling Þór Pálsson
Ríta Lúkasdóttir Hörður Hilmarsson
Pétur Nygaard Lúkasson Elva Björk Elvarsdóttir
Karen Lúkasdóttir Erik Todal
barnabörn, barnabarnabörn
og aðrir aðstandendur
Elsku hjartans móðir okkar, tengdamóðir,
amma og langamma,
LILJA HJARTARDÓTTIR HOWSER,
Hraunvangi 1, Hafnarfirði,
áður Stekkjarkinn 3, Hafnarfirði,
lést á líknardeild Landspítalans 13. mars.
Í ljósi hinna óvenjulegu aðstæðna í samfélaginu mun útför fara
fram í kyrrþey.
Minningarathöfn verður haldin síðar og verður auglýst þegar þar
að kemur.
Laura Ann Howser Gunnar Leifsson
Hjörtur Howser
Delia Kristín Howser
barnabörn og langömmubarn
Renee Howser Polhemus, Ronald J. Polhemus
Ástkær faðir okkar, tengdafaðir, afi
og langafi,
HÖRÐUR HARALDSSON
framreiðslumeistari,
lést á Vífilsstöðum þriðjudaginn 17. mars.
Útförin hefur farið fram í kyrrþey.
Hrefna Guðrún Harðardóttir Haukur Magnússon
Anna Magnea Harðardóttir
Hjörleifur Harðarson Inga Steinunn Björgvinsdóttir
barnabörn og barnabarnabörn
Ástkær faðir okkar, tengdafaðir og afi,
EYSTEINN SIGURÐSSON,
PhD. íslenskufræðingur og kennari,
lést laugardaginn 21. mars og fór útför hans
fram föstudaginn 27. mars í kyrrþey sökum
aðstæðna í samfélaginu.
Þökkum hlýhug og góðar kveðjur.
Sigríður Eysteinsdóttir Þóra Björk Eysteinsdóttir
Jóhannes Hermannsson Gunnar Wedholm
Helgi Valur Wedholm
Eysteinn Örn Jóhannesson
Baltasar Máni Wedholm
Ástkær móðir okkar, tengdamóðir, amma
og langamma,
ÞÓRDÍS KARELSDÓTTIR,
Ofanleiti 25,
lést mánudaginn 16. mars á Landspítalnum,
Fossvogi.
Útförin hefur farið fram í kyrrþey að ósk hinnar látnu.
Þeim, sem vildu minnast hinnar látnu, er bent á líknarfélög.
Þökkum innilega veittan stuðning og samúð.
Ágústa Þorbjörnsdóttir Guðmundur Harðarson
Hlédís Þorbjörnsdóttir Valdimar Ólafsson
barnabörn og barnabarnabörn