Fjölrit RALA - 20.03.1980, Side 61
57
ÞURSAKEGGSMÓI MEÐ BLÓMJURTUM.
(Skáldsstaðir í Eyjafirði/ Eyf.)
Tilraunin stóð árin 1969-1976 eða í átta ár, og var uppskera mæld öll
árin, en gróðurfar fyrstu fjögur árin og svo aftur síðasta árið. Tilrauna-
skipulag var samkvæmt flokki II (sjá bls. 13).
Tilraunin var á vel þurru, hallandi (um 6% til austurs) mólendi í um
200 m hæð yfir sjó. Gróðurfar einkennist af þursaskeggi með um 25% þekju.
Það bendir til þess, að landið sé þurrt og lítt frjósamt. Auk þess ber mikið
á mosa með um 30% þekju, grösum 16%, rjúpnalaufi 15% og ljónslappa 7% þekju.
Síðast nefnda tegundin bendir til þess, að snjór liggi á landinu flesta vetur
(sjánánar bls. 10).
Landið er nokkuð frjósamt, og var uppskera í óábornu reitunum að meðal-
tali um 5 hestburðir á hektara, mest 8.1, minnst 3.1.
Áburðarsvörun var mikil. Uppskeruauki á fyrsta ári var um 10 hestburðir
á hektara miðað við meðaláburðarskammtinn 85N-38P. Full áburðarsvörun varð
ekki fyrr en á fjórða ári, og var uppskeruaukinn þá yfir 40 hestburöir á hekt-
ara, þar sem borið var á annað hvert ár (85N-38P), og enn meiri við árlega á-
burðarghöf (100N-44P). Líklegt er, að sinu hafi gætt í uppskerusýnum 1973 og
74, og því geta tölur fyrir þau ár verið of háar.
Enginn munur kom fram i uppskeru milli mismunandi áburðarliða og því má
telja minnsta áburðarskammtinn (7QN-31P) að minnsta kosti nógu stóran.
Eftirverkun tveggja ára áburðargjafar (85N-38P) var nokkuð mikil fyrstu
þrjú árin, en minnkaði svo ört og var alveg horfin 1976.
Gróðurfar breyttist mikið við áburðinn. Hlutdeild grasa jókst úr 20% í
50% fyrsta árið, en náði á þriðja ári jafnvægi með 85-100% þekju eftir árferði.
Gróðurþróunin gekk nokkuð hratt til baka í þeim reitum, sem borið var á tvisvar
og 1978, eða 6 árum síðar, var varla merkjanlegt, að nokkurn tíma hefði verið
borið á þá.
í heild má segja, að þessi landgerð henti vel til áburðardreifingar.
Nægjanlegt ætti að vera að bera á jafngildi 70N-31P kg á hektara.
Áhrif mismunandi áburðarliða á uppskeru í tilrauninni eru sýnd í töflu
5 bls. 21.
Á næstu síðum eru línurit, sem sýna uppskeru og gróður. Línurnar, sem
sýna áhrif áburðargjafar annað hvert ár og eftirverkun tveggja ára áburðar-
gjafar, eru byggðar á meðaltali allra áburðarliða. Meðaláburðarskammtur var
85N-38P á hektara. Línan, sem sýnir áhrif árlegar áburðargjafar, byggir á
sama meðaltali fyrstu tvö árin, en síðan á áburðarliðnum 100N-44P á hektara.