Fjölrit RALA - 20.03.1980, Síða 89

85
FRAMRÆST, GRASGEFIN MÝRI.
(Gerðuberg í Hnappadal, Hnapp.)
Tilraunin stóð árin 1969-1976 eða í átta ár. Uppskera var mæld öll
árin nema 1970. Gróðurfar var metið öll árin nema 1974 og 1976. Tilrauna-
skipulag var samkvæmt flokki III. (sjá bls. 14).
Tilraunin var á framræstu mýrlendi í um 40 m hæð. Gróðurfar einkenn-
ist af störum, einkum mýrastör (35%), og grösum (37%) (sjá nánar bls. 11).
Uppskera á óáboma landinu var að meðaltali 17.6 hestburðir á hektara
þau sjö ár, sem uppskera var mæld, mest 23.1, minnst 8.4. Uppskera jókst
nokkuð eftir því sem leið á tilraunatímann. Það gæti stafað af því, að land-
ið var ræst fram fimm árum áður en tilraunin hófst. Það er því hugsanlegt,
að áhrif framræslunnar hafði verið að koma í ljós á tilraunatímanum. Önnur
ástæða gæti verið aukning sinu í landinu vegna friðunar, en hún gæti ef til
vill hafa slæðst með við mælingar á uppskeru.
Við áburðinn jókst uppskera fyrsta árið um 6 hestburði á hektara, ef
miðað er við meðaláburðarskammtinn 50N-36P. Uppskeruaukinn var síðan um 7
hestburðir, ef borið var á árlega (80N-44P).
Hlutdeild grasa var yfirleitt milli 60 og 70%, ef borið var á annað
hvert ár, en yfir 90% ef borið var á árlega. Gróðurfarsbreytingunni virð-
ist hafa verið lokið þegar á öðru ári.
Fosfór án annarra áburðartegunda gaf lítinn uppskeruauka eða 2 hest-
burði á hektara, en hafði hins vegar nokkra gróðurfarsbreytingu í för með
sér og jók hlutdeild grasa úr 37% í um 56%. Enginn munur kom fram milli
áburðarskammtanna 26P og 44P án köfnunarefnis.
Engin svörun fékkst fyrir blandaðan áburð umfram 40N-26P. Breytileiki
var mikill á uppskeru, bæði milli áburðarliða og milli ára.
Tveggja ára áburðargjöf hafði fremur lítil áhrif á uppskeru eftir að
hætt var að bera á, en hins vegar mjög til bóta að því er varðar hlutdeild
grasa. Það virðist einkum hafa verið fosfór, sem jók grasmagnið, því að
enginn munur var á milli áburðarliða í eftirverkun (lægst 0N-26P, hæst 80N-
44P-58K).
Meginniðurstaða tilraunarinnar er sú, að með tiltölulega litlu magni
af fosfór megi stórbæta gróðurfar framræstra mýra. Hins vegar er köfnunar-
efni nauðsynlegt til að auka uppskerima. Ekki virðist ástæða til að nota
stóra áburðarskammta.
Áhrif mismunandi áburðarliða á uppskeru í tilrauninni eru sýnd í töflu
5 bls. 22.
Á næstu síðum eru línurit, sem sýna uppskeru og gróðurfar. LÍnurnar,
sem sýna áhrif áburðargjafar annað hvert ár og eftirverkun tveggja ára
áburðargjafar, eru byggðar á meðaltali allra áburðarliða. Meðaláburðar-
skammtur var 50N-36P á hektara. Línan, sem sýnir áhrif árlegar áburðar-
gjafar, byggir á sama meðaltali fyrstu tvö árin, en síðan á áburðarliðnum
80N-44P á hektara.