Víkurfréttir - 09.09.2020, Blaðsíða 27

Hugleiðingar formanns SAR
Suðurnesjalína II?
Hvar er málið statt?
Getum við ekki komist að niður-
stöðu um eitt mikilvægasta mál
fyrir framtíð Reykjaness og
hvernig framtíðarþróun á atvinnu
og búsetu verður? Það er deginum
ljósara að við getum tekið góðar
ákvarðanir um framtíðina sbr.
nýjan skóla í Reykjanesbæ þar
sem hugsað er fyrir öllu og börnum
gefin tækifæri á að þróast og takast
á við framtíðina en við getum ekki
tekið ákvörðun um að tryggja af-
komendum örugga raforku til
að leiða okkur inn i framtíðina
í verkefnum eins og að rafvæða
allan bílaflota, taka á móti nýjum
fyrirtækjum sem þurfa raforku til
sinnar þróunar og vörusölu, farið
í fiskeldi á landi, reist gagnaver og
margt annað sem skapar okkur
sérstöðu til frambúðar.
Flugvöllurinn og allt sem honum
tengist mun alltaf verða bakbein
atvinnulífs á svæðinu og mun vaxa
aftur en nýtum alla tengda mögu-
leika svo áföllin verði minni ef ein-
hver í framtíðinni.
Svæðið okkar hefur upp á óend-
anlega möguleika að bjóða en við
verðum að geta tekið ákvarðanir
svo möguleikarnir raungerist.
Ég skora á þá sem fara með
málið að láta það ekki tefjast
meira en orðið er og í raun langar
mig ekki að rifja upp sögu verksins
heldur horfa til framtíðar.
Guðjón Skúlason,
formaður SAR (Samtök
atvinnurekenda á Reykjanesi).
Píratar í Reykjanesbæ
vilja menntabraut
fyrir atvinnulausa
Píratar í Reykjanesbæ hafa miklar áhyggjur af atvinnuástandinu hér
á svæðinu. Í síðasta mánuði var um 20% atvinnuleysi á Suðurnesjum
og þar sem fólk í ferðaþjónustu hefur fengið uppsagnir á síðustu
dögum má búast að atvinnuleysi hafi aukist verulega.
Við teljum að nú sé lag fyrir bæj-
arstjórnina að skoða allar þær til-
lögur sem komu fram á vefnum
Betri Reykjanesbær um atvinnu-
skapandi hugmyndir og styðja
þá aðila eða greiða götu þeirra til
að stofna fyrirtæki um þær hug-
myndir.
Til dæmis væri hægt að bæta
hjólreiðastíga, útbúa sjóböð á
Berginu og setja af stað ýmis-
lega vistvæna starfsemi eins og
„aquaponics“-verkefni á Suður-
nesjum, sérstaklega þar sem
það er mikið fiskeldi á svæðinu
og ylrækt ofan á það. Hafrann-
sóknastofnun, Háskóli Íslands og
Keilir gætu svo komið þarna að
sem fagaðilar og stundað rann-
sóknir og þróun sem gæti byggt
upp framtíðaratvinnutækifæri á
svæðinu.
Opna þarf aftur aðstöðu
Virkjun mannauðs þar sem fólk
getur komið saman og „brain-
stormað“ um atvinnutækifæri
og haft aðstöðu til að taka næstu
frumkvöðlaskref með stuðningi
bæjaryfirvalda. Ekki er ólíklegt
að önnur sveitarfélög á Suður-
nesjum vildu taka þátt í slíkri
uppbyggingu fyrir atvinnulausa
en auðvitað að uppfylltum reglum
Almannavarna vegna Covid-19-
faraldursins.
Píratar í Reykjanesbæ styðja
líka hugmyndir um að hleypa á
stokk menntabraut fyrir atvinnu-
lausa á Suðurnesjum og hvetja
bæjaryfirvöld til að beita sér
fyrir slíku hið snarasta. Í raun má
segja að Píratar styðji við flestar
hugmyndir um atvinnuuppbygg-
ingu utan þeirra sem myndu rýra
loftgæði í Reykjanesbæ og stefna
heilsu íbúa í hættu.
Stjórn Pírata í Reykjanesbæ.
Loksins leið af
leigumarkaði
Að búa við húsnæðisöryggi er okkur öllum
mikilvægt. Framsóknarflokkurinn hefur
alla tíð lagt mikla áherslu á fjölbreytt úr-
ræði á húsnæðismarkaði því þarfir okkar
eru ólíkar. Fyrir skömmu samþykkti Alþingi
eitt af áherslumálum félags- og barnamála-
ráðherra, Ásmundar Einars Daðasonar, um
hlutdeildarlán. Þessi breyting mun skipta
sköpum fyrir stóran hóp fólks sem hefur
hingað til talið langsótt að komast í eigið
húsnæði.
Aðeins 5% eigið fé
Hlutdeildarlánum er ætlað að auð-
velda tekju- og eignalitlum ein-
staklingum að eignast sína fyrstu
íbúð. Hlutdeildarlánin eru að skoskri
fyrirmynd. Hægt verður að sækja um
lánin frá 1. nóvember næstkomandi.
Með hlutdeildarlánum veitir ríkið
20% viðbótarlán fyrir húsnæðis-
kaup sem endurgreitt er við sölu
eignarinnar. Kaupandi þarf aðeins að
leggja út eigið fé sem nemur að lág-
marki 5%. Hér er því verið að brúa
bil á milli lána sem veitt eru af fjár-
málafyrirtækjum eða lífeyrissjóðum
og kaupverðs. Hlutdeildarlánin bera
hvorki vexti né afborganir á láns-
tímanum heldur fylgja þau fast-
eigninni og endurgreiðast við sölu,
eða 25 árum frá lántöku, og er þá
miðið við sama hlutfall af verðmæti
eignarinnar og upphafleg lánveiting
hljóðaði upp á.
Skilyrðin
Með hlutdeildarlánum er Hús-
næðis- og mannvirkjastofnun
(HMS) veitt heimild að veita lán
fyrir fyrstu kaupendur og kaup-
endur sem ekki hafa átt fasteign
síðastliðin fimm ár og hafa tekjur
undir 7.560.000 kr. á ári miðað
við einstakling eða 10.560.000 kr.
samanlagt fyrir hjón á ári miðað
við síðastliðna tólf mánuði. Við þá
fjárhæð bætast 1.560.000 kr. fyrir
hvert barn eða ungmenni fram að
tuttugu ára sem býr á heimilinu.
Aðeins er lánað fyrir nýjum íbúðum
en heimilað verður að veita hlut-
deildarlán til kaupa á hagkvæmum
íbúðum í eldra húsnæði utan
höfuðborgarsvæðisins sem hlotið
hefur gagngerar endurbætur, enda
sé ástand þeirra þannig að jafna
megi til nýrrar íbúðar. Með þessari
leið skapast aukin hvati til þess að
byggja hagkvæmar og góðar íbúðir
sem henta fyrir þennan hóp. HMS
telur þessa leið ekki þess valdandi að
lækka húsnæðisverð þar sem áætlað
er að um fjórum milljörðum kr. verði
varið árlega við kaup á 400–500
íbúðum.
Raunveruleg kjarabót
Tekjulágir einstaklingar hafa of
lengi verið fastir á leigumarkaði en
tölurnar sýna okkur að stór hluti
þeirra vill komast í eigi húsnæði. Nú
er ríkið að stíga myndarlegt skref til
þess að aðstoða fólk því það er ekki
sanngjarnt að aðeins þeir sem eru
með sterkt bakland geti eignast eigið
húsnæði. Hlutdeildarlánin eru raun-
veruleg kjarabót.
Framsókn fyrir heimilin!
Silja Dögg Gunnarsdóttir,
þingmaður Framsóknarflokksins
Sameiginlegt hagsmunamál að finna
ásættanlega lausn á Suðurnesjalínu 2
Málefni Suðurnesjalínu 2 voru tekin
fyrir á fyrsta fundi bæjarstjórnar
Sveitarfélagsnis Voga eftir sum-
arfrí. Á fundinum var farið yfir stöðu
þeirra mála og þá staðreynd að ekki
fara saman áherslur bæjarstjórnar
í Vogum og Landsnets um hvernig
línan skuli lögð.
„Þegar hefur verið stungið upp á
við Landsnet að aðilar komi saman
til fundar, með það að markmiði að
finna ásættanlega lausn á málinu og
sem er til þess fallin að þoka málinu
áleiðis. Allir sem þekkja þetta mál
vita hversu brýnt er að bæta afhend-
ingaröryggi raforku á Suðurnesjum.
Það hlýtur því að vera sameiginlegt
hagsmunamál allra aðila sem að
þessu máli koma að finna ásættan-
lega lausn. Það er einfaldlega ekkert
annað í boði,“ segir Ásgeir Eiríksson,
bæjarstjóri í Vogum í pistli sem hann
skrifar um málið.
ÚTBOÐ
GERÐASKÓLI – STÆKKUN 2020
Suðurnesjabær óskar eftir tilboðum í verkið: „Gerðaskóli – Stækkun 2020“.
Verkið felst í að byggja 1.260 m² viðbyggingu við Gerðaskóla, Garðbraut
90, Garði, Suðurnesjabæ. Um er að ræða steypt hús á tveimur hæðum.
Í þessum áfanga verður viðbyggingin öll fullfrágengin að utan en um 360 m²
fullfrágengnir að innan.
Helstu magntölur og stærðir eru eftirfarandi:
■ Gólfflötur . . . . . . . . . . . . . . . . . . . . . . . . . 1.260 m²
■ Steypa . . . . . . . . . . . . . . . . . . . . . . . . . . . .650 m³
■ Járn . . . . . . . . . . . . . . . . . . . . . . . . . . . . 55 tonn
■ Mót . . . . . . . . . . . . . . . . . . . . . . . . . . . . 3890 m²
■ Þakflötur . . . . . . . . . . . . . . . . . . . . . . . . . . .780 m²
Verkinu skal að fullu lokið eigi síðar en 6. ágúst 2021.
Útboðsgögn (á tölvutæku formi eingöngu) verða send þeim er þess óska með
tölvupósti frá og með fimmtudeginum 10. september n.k.. Umsóknir um útboðs-
gögn skulu sendar á netfangið vs@vss.is. Tilboð verða opnuð á bæjarskrifstofu
Suðurnesjabæjar, Sunnubraut 4, Garði, mánudaginn 28. september n.k. kl. 11.00,
að viðstöddum þeim bjóðendum er þess óska.
Fyrirspurnir varðandi einstaka liði skulu send á netfangið bg@vss.is innan þess
frests sem fram kemur í útboðslýsingu.
vÍKURFRÉTTiR á SUðURNESJUM Í 40 áR // 27