Víkurfréttir - 09.09.2020, Blaðsíða 24

Nýtt götumálverk á hluta Suðurhóps í Grindavík er farið að
taka sig mynd. Verkefnið, sem hannað er af Margréti Ósk
Hallgrímsdóttur, er ætlað að sýna sjávarríkið við Grinda-
víkurhöfn og að hægja á umferð í götunni.
„Götumálverkið er í nánd við Hópskóla og þvi tilvalið til þess að hægja á
umferð í kringum skólann. Ég er svo heppin að fá að vera vinnuskólanum
innan handar hér í Grindavík sem ég fæ að aðstoða við að klára verkið. Við
byrjuðum þann 20. Júlí og stefnum að því klára verkið á næstu dögum,“
segir Margrét.
Sjálf er Margrét alin að stórum hluta upp í Grindavík en flutti til Reykja-
víkur til þess að læra grafíska hönnun í Listaháskóla Íslands. Margrét hefur
komið að margvíslegum verkefnum fyrir Biskupsstofu og Miðstöð sameinuðu
þjóðanna svo dæmi séu tekin.
„Verkið er frekar einfalt og barnvænt og þarf að höfða til barnanna. Þetta
eru lífverur sem búa í sjónum umhverfis Grindavík. Það er líka einkar
skemmtilegt að segja frá því að hvalirnir eru allir í raunstærð. Hrefnan,
Hnýsurnar og Hnúfubakurinn,“ segir Margrét.
Allir sem sóttu um í vinnuskóla Grindavíkurbæjar fengu vinnu og voru
launaðir starfsmenn 221 um síðustu mánaðamót.
HVALIR Í GRINDAVÍK Í RAUNSTÆRÐ
Götumálverk sem hægir á umferð við Hópskóla
FIMMTUDAG KL. 20:30
HRINGBRAUT OG VF.IS
á timarit.is
ÖLL BLÖÐIN FRÁ 1980 OG TIL DAGSINS Í DAG
24 // vÍKURFRÉTTiR á SUðURNESJUM Í 40 áR