Víkurfréttir - 09.09.2020, Blaðsíða 70

Gerum meira en minna
Hlutdeildarlán hitta í mark
Afkastamikill þingstubbur var haldinn í síðustu viku og voru þau mál kláruð
sem gert hafði verið ráð fyrir á stubbnum og reyndar rúmlega það. Þing-
starfið er óhefðbundið í þeim kringumstæðum sem við erum að glíma við
sem þjóð og við höfum verið að afgreiða mál í þinginu sem taka mið af
breyttum aðstæðum. Þær breytast frá degi til dags en það er gengið vask-
lega fram og viðbrögðin og aðgerðirnar flestar mælst vel fyrir og virkað vel.
Eðlilega ekki allar aðgerðirnar en ríkisstjórnin hefur fylgt því að gera frekar
meira en minna og almennt er mikil ánægja með það. Umræður og skoð-
anaskipti í þinginu hafa nær alltaf verið eðlileg en það skortir á skilning á
atvinnulífinu sem er meira en hagtölur á Excel-skjali eða kannski þá helst
að margir þingmenn hafa þar engin tengsl þrátt fyrir margar ræður um
atvinnulífið.
Hlutdeildarlán
Frumvarp félags- og barnamálaráð-
herra til laga um breytingu á lögum
um húsnæðismál nr. 44/1998 (hlut-
deildarlán) er enn eitt dæmið um
sókn fyrir fyrstu kaupendur á hús-
næðismarkaði. Í stjórnarsáttmála
ríkisstjórnarinnar árið 2017 var
ákvæði að bæta stöðu ungra og
tekjulágra á húsnæðismarkaði. Í að-
draganda kjarasamningsviðræðna
veturinn 2018–2019 skipaði félags-
og barnamálaráðherra átakshóp
sem var ætlað að skoða leiðir til að
auka framboð á íbúðum og aðrar að-
gerðir til að bæta stöðu á húsnæðis-
markaði. Frumvarpið var því liður
í aðgerðum ríkisstjórnarinnar til að
greiða fyrir gerð kjarasamninga á
almennum vinnumarkaði með lífs-
kjarasamningum.
Það er staðreynd að mikill hluti
þess íbúðarhúsnæðis sem hefur
verið byggt á undanförnum árum
er ekki hagkvæmt fyrir fyrstu kaup-
endur og tekjulága. Húsnæðið er
dýrt, það er of stórt eða stendur á
dýrum byggingasvæðum. Þá standa
hagstæðustu vextirnir á lánum til
íbúðakaupa í þeim tilfellum ein-
vörðungu fyrir þá kaupendur sem
hafa yfir ríflegu eigið fé að ráða. Þeir
sem hafa lítið eigið fé eða jafnvel
ekkert eru þar af leiðandi álitnir
áhættumeiri lánahópur og greiða
því gjarnan hærri vexti af lánum
sem þeir taka. Allt þetta gerir það
að verkum að unga fólkið okkar og
tekjulágir, sem eru að taka sín fyrstu
skref á fasteignamarkaði eiga oft
erfitt með að útvega það fjármagn
sem upp á vantar í útborgun. Hlut-
deildarlánin mæta því tekjulágum
afar vel og hjálpa þeim yfir erfiðasta
hjallann í fjármögnun íbúðarkaupa
með aðeins 5% eigið fé.
Nýr hópur – mikill áhugi
á hlutdeildarláni
Séreignarstefna Sjálfstæðisflokksins
er að allir geti eignast sitt eigið hús-
næði og Sjálfstæðisflokkurinn vill
fjölbreytt og hagkvæmt húsnæðisúr-
ræði fyrir alla. Því skiptir miklu máli
að aðgerðir hins opinbera, ríkis og
sveitarfélaga á sviði húsnæðismála
stuðli að auknu og jöfnu framboði
húsnæðis. Lækkun byggingarkostn-
aðar næst með lægra lóðaverði og
byggingargjöldum sem er markmiðið
sem unnið er að.
Með hlutdeildarlánum gefst nú
nýjum hópi á fasteignarmarkaði
tækifæri til að eignast sína eigin
íbúð og fellur því frumvarpið vel að
stefnu Sjálfstæðisflokksins í hús-
næðimálum að sem flestir eignist
sitt eigið húsnæði.
Hlutdeildarlán geta numið 20%
af kaupverði íbúðar og eigið fé
5% en tekjumörk einstaklings eru
7.560.000 og hjón 10.560.000 á
ári og við það bætist 1.560.000
fyrir hvert barn undir tuttugu ára.
Fyrir þá sem hafa enn lægri tekjur
eða einstaklingur með 5.018.000
eða sambýlisfólk með 7.020.000 og
barn innan tuttugu ára 1.560.000
er möguleiki á 30% hlutdeildarláni.
Lánið er til tíu ára en hægt að fram-
lengja það þrisvar sinnum í fimm ár
eða alls 25 ár. Með þessum tekju-
mörkum er alveg nýjum hópi fyrstu
kaupenda gefið tækifæri til að
eignast sína eigin íbúð.
Á næstu tíu árum verða lagðir
40 ma.kr. í hlutdeildarlán, eða fjórir
ma.kr. á ári og allt að 400 íbúðir
byggðar og 20% af þeim á lands-
byggðinni.
Hlutdeildarlán er hægt að endur-
greiða eftir tíu ár og eftir það veitir
Húsnæðis- og mannvirkjastofnun
kaupendum ráðgjöf um stöðu þeirra
og endurgreiðslumöguleika á fimm
ára fresti í þrjú skipti. Möguleikinn
er því að vera í kerfinu í 25 ár en
reynslan erlendis er að flestir kaupa
sig út úr kerfinu eftir fimm til tíu
ár vegna bættrar eignar- og fjár-
hagsstöðu. Hlutdeildarlánin hitta
því strax í mark og daginn eftir
samþykkt laganna á Alþingi rigndi
fyrirspurnum yfir þingmenn og Hús-
næðis- og mannvirkjastofnun sem
veitir lánin.
Ásmundur Friðriksson,
alþingismaður.
Verðum öll betri – saman!
Allir með! er dæmi um gott sam-
starf. Ég hef alltaf haft trú á að sam-
starf muni skila margfeldisáhrifum,
miklum meiri en ef hver væri í sínu
horni með sín flottu en stöku verk-
efni.
Allir með er dæmi um mjög gott
verkefni sem endurspeglar gildi
UMFÍ (Ungmennafélags Íslands) um
samstarf sem skilar betri einstakl-
ingum, sterkari félögum og bættu
samfélagi fyrir alla. Gildin um þátt-
töku á breiðum grundvelli og að allir
taki þátt á eigin forsendum eiga svo
sannarlega eftir að koma í ljós í þessu
verkefni. Árangurinn verður fólginn í
jákvæðum áhrifum á líf fólksins, ein-
staklinganna og samfélagsins í heild.
Allir með! er samfélaginu til góða –
og það er ungmennafélagsandinn í
hnotskurn.
Reykjanesbær til fyrirmyndar
Í verkefninu er einblínt á alla en
horft líka sérstaklega til þeirra sem
reynist það meiri áskorun að taka
þátt en öðrum. Lögð er sérstök
áhersla á börn af erlendum upp-
runa og börn sem ekki eru nú þegar
í skipulögðu íþrótta- og tómstunda-
starfi.
Verkefnið er liður í verkefni
Reykjanesbæjar að verða fjölskyldu-
vænn bær. Þar er hugað sérstak-
lega að vellíðan barna, jákvæðum
samskiptum þeirra og sterkri fé-
lagsfærni. Reykjanesbær er í þessu
verkefni kyndilberi, fyrirmynd ann-
arra sveitarfélaga þar sem áhersla er
á þátttöku í skipulögðu íþrótta- og
tómstundastarfi. Niðurstöður rann-
sókna benda einmitt til þess að
þátttaka sé lykillinn að samfélags-
legri virkni og leiðinni að betra lífi,
jákvæðari samskiptum, sterkari fé-
lagsfærni og betra samfélagi.
Í verkefninu munu 6.000 einstakl-
ingar, eða hátt í 30% íbúa Reykja-
nesbæjar, fá fræðslu, þjálfun og
menntun í gegnum verkefnið frá um
60 mismunandi starfsstöðum sem
koma að barnastarfi í sveitarfélaginu,
sama hvort um sé að ræða dans-
kennara, skátaforingja, barnavernd-
arstarfsmann eða stuðningsfulltrúa
og allt þar á milli. Fáir eru betur til
þess fallin að stýra þjálfuninni en
ráðgjafafyrirtækið KVAN í samstarfi
við ungmenna- og íþróttafélögin í
Keflavík og Njarðvík. Fjöldi gríðar-
lega sterkra þjálfara með frábæran,
fjölbreyttan bakgrunn stendur að
baki KVAN og er ég fullviss um að
KVAN og ungmennafélögin muni
starfa frábærlega saman. Það mun
skila betra samfélagi – fyrir okkur öll.
Stefnum saman að
sama markmiði
Það sem er sérstaklega ánægjulegt
við samfélagsverkefnið Allir með! er
að sjá frumkvæði starfsmanna vaxa,
verkefni sem byrjaði á einum fyrir-
lestri verða að því stóra verkefni sem
nú er að fara af stað.
Það gerist nefnilega oft að boltum
er kastað á loft sem fáir grípa. Í
Reykjanesbæ var frábærri hugmynd
kastað út – en margar hendur á lofti
sem gripu hana. Hér eru allir í sama
liðinu sem vilja gera gott samfélag
enn betra. Ég hlakka til að taka þátt
í verkefninu og sjá árangurinn.
Auður Inga Þorsteinsdóttir,
framkvæmdastjóri UMFÍ.
Hjördís Baldursdóttir, íþróttastjóri Keflavíkur,
íþrótta- og ungmennafélags, og Hámundur
Örn Helgason, íþróttastjóri UMFN.
Auður Inga Þorsteinsdóttir ásamt hópnum sem
standa að samfélagsverkefninu Allir með.
... og þú færð þær inn um lúguna
Víkurfréttir í áskrift!
Fyrir 3.500 kr. á mánuði færðu Víkurfréttir bornar heim til þín og losnar við fyrirhöfnina að sækja blaðið
Áskriftargjaldið verður innheimt mánaðarlega.
Pantaðu áskrift með tölvupósti á vf@vf.is
Þú sendir nafn, kennitölu, heimilisfang og símanúmer – Við höfum samband, staðfestum áskrift og færð reikning í heimabanka
38 // vÍKURFRÉTTiR á SUðURNESJUM Í 40 áR