Milli mála - 2017, Blaðsíða 216
UM VIRGILIO PIÑERA
216
sem margir í salnum hugsuðu en brast kjark til að tjá frammi fyrir
sjálfum forsetanum og öðrum valdamönnum.3
Um þessar mundir var Piñera handtekinn í víðtækri herferð
gegn vændi, vændissölu og samkynhneigð sem átti sér stað í
október 1961. Þegar hann var látinn laus kom hann að heimili sínu,
leiguíbúð í Guanabo, lokuðu og innsigluðu. Hann var orðinn flótta-
maður, óvinur ríkisins, pólitískur fangi og það sem hann átti eftir
ólifað þjáðist hann af stöðugum ótta; þessi hræðsla endurspeglast
í mörgum verka hans.4 Bókmenntarýnirinn Aída Beaupiéd kallar
Piñera „rithöfund óttans“ en dáist jafnframt að hugrekki hans og
áræðni við oft afar erfiðar aðstæður.5 Piñera hefur orð á því í skrifum
sínum að hlutskipti sitt hafi verið erfitt: Hann var fátækur, hann var
rithöfundur og samkynhneigður.
Virgilio Piñera Llera er meðal athyglisverðustu rithöfunda Kúbu
á 20. öld. Hann fæddist í Cárdenas árið 1912 og ólst þar upp til
þrettán ára aldurs. Síðar bjó hann ásamt fjölskyldu sinni í bænum
Camagüey þar sem hann lauk stúdentsprófi. Hann hugði á frekara
nám við háskólann í Havana árið 1934 en ekkert varð úr skólagöngu
hans þá, því að yfirmaður hersins, Fulgencio Batista hershöfðingi,
síðar forseti lýðveldisins, lét loka háskólanum og var hann ekki
opnaður aftur fyrr en 1937. Þá hóf Piñera nám og stundaði það fram
til 1941 án þess þó að ljúka háskólagráðu. Í Havana lagði hann að
auki stund á ritstörf, hélt fyrirlestra og ritaði bókmenntagagnrýni.
Þegar spænska skáldið og rithöfundurinn Juan Ramón Jiménez
settist að á Kúbu á flótta undan borgarastyrjöld í heimalandi sínu
gaf hann út ljóðasafn6 með ljóðum eftir ýmsa unga og efnilega kúb-
verska höfunda. Fyrir valinu varð m.a. ljóðið „Hið þögla óp“ eftir
Virgilio Piñera og má segja að útgáfan marki upphafið að ferli hans
sem skálds og rithöfundar.
3 Cabrera Infante, Guillermo (1998): Vidas para leerlas. Madrid: Alfaguara, bls. 35. Hér fengið úr
Piñera, Virgilio (2008): Cuentos frío . El que vino a salvarme . Ritstj. Cervera, Vicente og Mercedes
Serna. Madrid: Cátedra, bls. 38. Beaupied, Aída (2012): „Celebrando a Virgilio Piñera, escritor del
Miedo“ í Virgilio Piñera . El artificio del miedo . Ritstj. López Cruz, Humberto. Madrid: ehc (edi-
torial hispano cubana), bls. 47–69, hér neðanmálsgrein bls. 48.
4 Cervera, Vicente og Mercedes Serna (2008): „Introducción“, í Piñera, Virgilio (2008): Cuentos frío .
El que vino a salvarme. Madrid: Cátedra, bls. 39.
5 Beaupied, „Celebrando a Virgilio Piñera, escritor del Miedo“, bls. 47.
6 La poesía cubana en 1936 kom út árið 1937.