Milli mála - 2017, Blaðsíða 229
MILLI MÁLA
Milli mála 7/2017 229
Hólmfríður Garðarsdóttir
Háskóla Íslands
Um Liliam Moro
Ljóðskáldið og listamaðurinn, Liliam Moro, fæddist í Havana á Kúbu árið 1946. Hún stundaði nám í bókmenntum og
kennslufræði við Havana háskóla og vann til sinna fyrstu bók-
menntaverðlauna fyrir ljóðasafnið Útlendingurinn (sp. El extranjero)
árið 1965. Moro vann sem móðurmálskennari í Havana til ársins
1970 að hún fluttist til Spánar. Þar bjó hún í fjörutíu ár og helgaði
sig ritstjórnarstörfum og ljóðlist, auk þess að geta sér gott orð sem
grafíklistamaður. Um aldamótin 2000 fluttist hún til Miami í
Bandaríkjunum þar sem hún býr enn.
Útgefin ljóðasöfn Moro eru fjölmörg en Ásjóna stríðsins (sp. La
cara de la guerra, 1972), Ljóð frá 42 (sp. Poemas del 42, 1989) og
Minnisbók frá Havana (sp. Cuaderno de la Habana, 2005), auk safn-
ritanna Næstum tæmandi ljóðasafn (sp. Obra poética casi completa,
1963-2013), frá 2013, og Frelsunartafla (sp. Tabla de salvación, 2006-
2013), frá 2014, hafa vakið hvað mesta athygli. Í mars síðastliðnum
kom svo út yfirlitsritið Þögnin og heiftin (sp. El silencio y la furia).
Um verkið hefur ritstjóri þess, Luis de la Paz, látið eftir sér hafa
að ljóð Moro „hafi þann eiginleika að koma á óvart“. Hann hvetur
lesendur þeirra til að „leyfa orðunum að fleyta sér áfram,“, svo þeir
megi„steyta á ákallandi heiftinni, sem magnast í þögninni.“1
Ljóðið sem hér birtist í íslenskri þýðingu er úr næstsíðasta ljóða-
safni Moro, Andstreymi (sp. Contracorriente, 2017), en fyrir safnið
hlaut hún alþjóðlegu Pilar Fernández Labrador verðlaunin, sem
1 Úr dagblaðinu Diario las Américas, 22. mars, 2018: „…Sus poemas tienen una especial capacidad
de sorprender: […]Hay que dejarse arrastrar por las palabras, por los versos que urden una trama
intensa de furia, de mucha furia, circundada por el misterio que emana del silencio” (án bls. tals).