Milli mála - 2017, Blaðsíða 233
MILLI MÁLA
Milli mála 7/2017 233
Hólmfríður Garðarsdóttir
Háskóla Íslands
Um Pauru Rodríguez Leytón
Ljóðskáldið Paura Rodríguez Leytón fæddist í höfuðborg Bólivíu,
La Paz, árið 1973.1 Hún starfar sem kennari og blaðamaður og
hefur gefið út ljóðabækurnar: Frá trénu og bláa bláa leirnum (sp.
Del árbol y la arcilla azul azul, 1989), Ferðasiðir (sp. Ritos de viaje,
2004),2 Fiskur úr steini (sp. Pez de Piedra (2007), Eins og gömul
mynt á jörðinni (sp. Como monedas viejas sobre la tierra, 2012) og Að
afhjúpa leyndardóm jurta (sp. Deshilvanando el misterio de la hierba,
2014). Nú síðast kom svo út ljóðabókin Flutningar í smáskömmtum
(sp. Pequeñas mudanzas, 2017) og færði höfundi sérstaka viðurkenn-
ingu úthlutunarnefndar Pilar Fernández Labrador verðlaunanna í
Salamanca.3
Rodríguez Leytón hefur hlotið margvíslegar viðurkenningar fyrir
ljóð sín, m.a. „César Vallejo“ verðlaunin í ljóðagerð árið 2006, auk
þess sem Samtök bókaútgefenda í Bólivíu veittu henni sérstaka
heiðursorðu árið 2013. Verk hennar hafa verið þýdd á frönsku, ítölsku
og portúgölsku og stök kvæði birst í ýmsum safnritum. Rodríguez
Leytón fluttist árið 2007 til borgarinnar Santa Cruz í austurhluta
Bólivíu og hefur látið til sín taka í menningar- og listalífi borgarinnar,
auk þess að sækja ljóðaþing og hátíðir víða um Rómönsku Ameríku.
Um ljóðagerð Rodríguez Leytón segir José María Muñoz Quirós
í inngangi að Flutningum í smáskömmtum: „Bókin er vitnisburður
um fullmótaðan og snarpan stíl, þéttriðið skráninganet, glæsileika og
fegurð; afrek á sviði ljóðlistarinnar“.4
1 Til frekari upplýsinga sjá: https://circulodepoesia.com/2017/09/poesia-boliviana-paura-rodriguez-leyton/
2 Bókin kom fyrst út í Bólivíu, því næst í Venesúela árið 2007. Hún er nú aðgengileg á vefnum.
Sjá: https://letralia.com/ed_let/pdf/ritos.pdf
3 Verðlaunin hlaut Liliam Moro (1946), frá Kúbu.
4 José María Muñoz Quirós: „Estamos ante un libro de una escritura rotunda y abrupta, intesa en
sus registros, lúcida y hermosa en sus logros poéticos“. Pequeñas mudanzas. Salamanca: Diputación
de Salamanca, 2017, bls. 13.