Morgunblaðið - 28.05.2020, Blaðsíða 4
4 FRÉTTIRInnlent
MORGUNBLAÐIÐ FIMMTUDAGUR 28. MAÍ 2020
Höskuldur Daði Magnússon
hdm@mbl.is
Mikil óánægja með fyrirhugaðar
breytingar á lóðinni í kringum
Vesturbæjarlaug birtist í athuga-
semdum sem borgaryfirvöldum
bárust vegna málsins. Ráðgert er
að koma fyrir hundagerði á lóðinni,
festa í sessi grenndargámastöð og
fækka bílastæðum lítillega, að því
er segir í lýsingu. Ef marka má at-
hugasemdir virðist þó nokkuð mál-
um blandið í hverju breytingarnar
felast. Þannig er staðhæft að í aug-
lýsingunni sé ruglað saman raun-
verulegu ástandi á lóðinni og gild-
andi deiliskipulagi. Þegar talað sé
um að fækka bílastæðum er miðað
við deiliskipulag. Í raun séu færri
stæði á lóðinni en deiliskipulag
kveður á um. Eftir breytingarnar
verði því fleiri stæði þar en nú eru.
Grenndargámastöð sé ekki á deili-
skipulagi nú en hins vegar sé vissu-
lega grenndargámastöð á svæðinu.
Vel nýttur almenningsgarður
Margir hundaeigendur gera at-
hugasemd við stærð fyrirhugaðs
hundagerðis. Er það sagt mun
minna en kosið var um í íbúakosn-
ingu árið 2018 auk þess sem stað-
setning er önnur en upphaflega var
áætluð. Gerðið sé of lítið til að nýt-
ast stærri hundum og nálægð við
götu bjóði hættunni heim, bæði fyr-
ir hunda og barnafólk. Bent er á að
hundafólk hafi nýtt sér túnið um
árabil í sátt og samlyndi við aðra en
með þessum framkvæmdum sé
komið í veg fyrir það.
„Sundlaugartún hefur um árabil
verið leikvöllur barna í hverfinu …
Þá hefur sleðabrekkan sem þarna
er verið vel sótt þegar þannig viðr-
ar, og hundaeigendur vanið komur
sínar á túnið allan ársins hring.
Túnið er fínt eins og það hefur ver-
ið og mikið notað af fólki í hverf-
inu,“ segir í umsögn Jóns Skafta-
sonar, íbúa við Einimel.
Þá blandast inn í breytingarnar
óánægja með hjólabraut sem komið
var fyrir á lóðinni síðasta sumar.
Gísli Marteinn Baldursson, íbúi í
hverfinu og einn eigenda Kaffi
Vest, bendir á í athugasemd að
hjólabrautin hafi verið kosin í íbúa-
kosningu eftir að innflytjandi
slíkra brauta lagði til að borgin
fjárfesti í einni slíkri. Þegar til
kastanna kom hafi enginn viljað
hafa slíka braut nálægt sér og í
vandræðum sínum hafi borgin sett
hana niður í umræddum garði.
„Enda hefur það verið landlægur
misskilningur hjá þeim sem ekki
þekkja til að þessi garður sé van-
nýttur. Hann er þvert á móti einn
best nýtti almenningsgarður borg-
arinnar,“ skrifar Gísli.
„Heilt á litið er þetta hjólabraut-
ar/hundagerðismál ein raunasaga
og áfellisdómur yfir stjórnkerfi
borgarinnar. Vond ákvörðun (að
hætta ekki við hjólabrautina) leiðir
til enn verri ákvörðunar (að traðka
á niðurstöðu lýðræðislegrar kosn-
ingar),“ skrifar Ólafur Hauksson.
Ósáttir KR-ingar kvarta
Fulltrúar í íbúaráði Vesturbæjar
segja í athugasemd að ekki sé rétt
að hefja framkvæmdir við hunda-
gerði fyrr en skoðanakönnun hafi
sýnt fram á að meirihluti íbúa sé
sáttur við framkvæmdina.
Páll Kristjánsson, formaður
knattspyrnudeildar KR, vekur at-
hygli á því að Sundlaugartún hafi
um áratugabil verið nýtt til æfinga
að vori fyrir yngri flokka félagsins.
Fyrirséð að umrædd hjólabraut
komi algerlega í veg fyrir knatt-
spyrnuiðkun þar. „Nógu lengi hafa
KR-ingar þó búið við skerta að-
stöðu, þótt ekki sé þrengt enn frek-
ar að bjargráðum þeim sem við
höfum þó getað nýtt.“
Deilt um hundagerði og hjólabraut
Hundafólk ósátt
við hundagerði við
Vesturbæjarlaug
KR-ingar kvarta
Morgunblaðið/Eggert
Umdeilt Margir lýsa óánægju með fyrirhugaðar breytingar við Vesturbæjarlaug. Þar á m.a. að koma hundagerði.
„Útlitið er gott og ég gæti trúað að sláttur hér hefjist
viku af júní,“ segir Hlynur Snær Theódórsson, bóndi á
Voðmúlastöðum í Austur-Landeyjum. Algengt er að
bændur í austanverðri Rangár-
vallasýslu séu fyrstir á landinu til að
bregða ljá í gras í sumarbyrjun ár
hvert. Kemur þar til að landið liggur
lágt, snýr í hásuður og fjöllin að baki
eru skjól í norðanátt.
„Vorið var ágætt og klaki fór
snemma úr jörðu. Um helgina fór svo
að rigna, í dag er tæplega tíu stiga hiti
og þá þýtur allur gróður áfram. Það
er nánast ævintýralegt að fylgjast
með þessu og eftir svo sem tíu daga
verður komin ágæt slægja,“ segir Hlynur Snær.
Þegar spjallað er við bændur undir Eyjafjöllum er því
svarað til að nokkrir dagar séu enn í að sláttur geti haf-
ist. „Einstaka stykki og tún hér í nágrenni við mig hér
undir fjöllunum líta mjög vel út. Þar er komið gott gras.
Rigningin sem kom um síðustu helgi gerði alveg heil-
mikið fyrir okkur og var góð gróðrarskúr,“ segir Sig-
urður Grétar Ottósson, bóndi á Ásólfsskála undir Vest-
ur-Eyjafjöllum. sbs@mbl.is
Stutt í slátt í Landeyjum
Skúrir og gróðurinn þýtur
áfram Land snýr í hásuður
Morgunblaðið/Sigurður Bogi
Sláttur Allt er vænt sem vel er grænt, segja margir.
Hlynur Snær
Theódórsson
Gunnlaugur Snær Ólafsson
gso@mbl.is
Yfirvöld virðast hafa fallið frá áform-
um um myndavélaeftirlit með fisk-
veiðum ef marka má niðurstöðu sam-
ráðs vegna frumvarps til laga um
myndavélaeftirlit í sjávarútvegi sem
birt var á samráðsgátt stjórnvalda á
þriðjudag, en frumvarpið var fyrst
kynnt árið 2018. Í niðurstöðum er
aðeins rakin afstaða umsagnaraðila
og sagt að „frumvarpið var aldrei
lagt fyrir ríkisstjórn“. Fjórar um-
sagnir bárust vegna frumvarpsins
þegar það var kynnt og lögðust Sam-
tök atvinnulífsins, Samtök fyrir-
tækja í sjávarútvegi og Landssam-
band smábátaeiginda gegn því að
tekið væri upp rafrænt eftirlit með
fiskveiðum. Töldu þessi samtök
myndavélar um borð vera of íþyngj-
andi, auk þess sem efasemdir voru
um að þessi aðferð samræmdist lög-
um um persónuvernd. Í umsögn
Hafnarsambandsins kom fram að
þeim þótti of langt gengið að skylda
hafnir til að hafa rafrænt eftirlit með
löndun.
Enn til umfjöllunar
Fram kemur í svari atvinnuvega-
ráðuneytisins við fyrirspurn Morg-
unblaðsins að málið sé enn til um-
fjöllunar þrátt fyrir að fallið hafi
verið frá frumvarpinu.Vísað er til
skýrslu Ríkiendurskoðunar um eft-
irlit Fiskistofu og starf verkefnis-
stjórnar um sama mál. „Gera má ráð
fyrir að verkefnisstjórnin skili af sér
skýrslu um eftirlit Fiskistofu innan
ekki mjög langs tíma, en þar verður
væntanlega fjallað m.a. um beitingu
nýrrar tækni við fiskveiðieftirlit.“
Féllu frá frumvarpi
um myndavélaeftirlit
Allar umsagnir höfnuðu frumvarpinu
Akureyrarbær varð í gær fyrst sveitarfélaga landsins til
að hljóta titilinn „barnvænt sveitarfélag“. Í viðurkenn-
ingunni felast þakkir frá Sameinuðu þjóðunum fyrir að
vinna markvisst að innleiðingu Barnasáttmálans í stjórn-
sýslu og starfsemi bæjarins.
Ásmundur Einar Daðason, félags- og barnamála-
ráðherra, og Birna Þórarinsdóttir, framkvæmdastjóri
UNICEF á Íslandi, afhentu Ásthildi Sturludóttur
bæjarstjóra, sem sést á myndinni, viðurkenninguna við
hátíðlega athöfn. Viðstaddur var fjöldi barna.
Ljósmynd/Aðsend
Fyrsta barnvæna sveitarfélagið