Sveitarstjórnarmál - 2020, Blaðsíða 23

Verkefni
slökkviliðs á
óvissustigi
Fer yfir þau verkefni sem því eru
ætluð á hættu og neyðarstigi og
tryggir að lágmarks viðbúnaður sé
fyrir hendi til að sinna þeim.
Tryggja að slökkvibifreiðar og
annarra björgunarbúnaður sé tiltækur
ef á þarf að halda,
Fara yfir hvað mannvirki skal reyna
að verja, við það mat skal fara eftir
eftirfarandi forgangsröðun:
• Húsnæði þar sem fólk hefst við og
ekki er hægt að flytja á öruggan
stað.
• Húsnæði þar sem mikilvæg kerfi
eru:
• Spennistöðvar
• Hitaveitur
• Vatnsveitur
• Símstöðvar
• Skolpdælur
• Fjármálastofnanir
• Hús þar sem búfénaður er hýstur
Lögreglustjóri tekur endanlega
ákvörðun um hvaða húsnæði skal
verja.
Úr viðbragðsáætlun vegna eldgoss á
Reykjanesi, dags. 7. febrúar 2020
SVEITARSTJÓRNARMÁL
23
um 400 Pólverjar og þetta kom mjög illa
við marga í þeim hópi. Pólverjar þekkja
ekki vá af þessu tagi. Þeir byggja jafnvel
vitneskju sína um jarðskjálfta á myndum
úr sjónvarpsfréttum og kvikmyndum. Þar
sést að jarðskjálftar geta verið ávísun á
hrunin hús og lík út um allt. Sumir nefndu
jafnvel að fólk gæti dáið úr jarðgaseitrun
frá hrundum byggingum. Hér býr
jafnframt nokkuð af Taílendingum,
Slóvökum og fólki af ýmsum uppruna.
Við lögðum því strax mikla áherslu á að
koma okkur upp túlkaþjónustu þannig að
útlendingar í bænum hefðu aðgang að
öllum nauðsynlegum upplýsingum. Það
er mikilvægt að hafa í huga að bakland
til dæmis Pólverjanna er fyrst og fremst
aðrir Pólverjar í sömu stöðu. Við héldum
því þrjá kynningarfundi með íbúum af
pólskum uppruna til að upplýsa þá um
stöðu mála og fara yfir hvaða hætta
steðjaði í raun að. Ég held að okkur hafi
tekist ágætlega að leysa úr þessu en
ég ítreka að við höfðum ekki gert okkur
grein fyrir því fyrir fram að huga þyrfti
sérstaklega að þessum hópi,” viðurkennir
Fannar.
Börn og eldri borgarar
Við bæjarbúum blasti sá möguleiki að
þurfa hugsanlega að yfirgefa heimili
sín og rýma bæinn. Fannar segir að
að mörgu hafi verið að hyggja í því
sambandi.
„Það vöknuðu ýmsar spurningar hjá
fólki. Ógnin af landrisi, jarðskjálftum og
jafnvel eldgosi í grennd við byggðina var
ansi raunveruleg og nálæg. Við stóðum
frammi fyrir því að þurfa jafnvel að rýma
bæinn og þá er að mörgu að hyggja.
Við þurftum að tryggja að þeir sem
hugsanlega þyrftu aðstoð við rýmingu
hefðu nauðsynlegar bjargir. Yfir allt þetta
var farið vel með björgunarsveitum og
forstöðumönnum stofnana, ekki síst
forstöðumönnum stofnana fyrir aldraða.
Fara þurfti yfir hvaða eldri borgarar hefðu
ekki yfir bíl að ráða og kortleggja þurfti
heimili í bænum sem hugsanlega þyrfti
að aðstoða við rýmingu. Rýmingu skóla
og leikskóla þurfti jafnframt að undirbúa
vel og tryggja að börnin hefðu forgang við
slíkar aðstæður,” segir Fannar.
Hann segir að rýmingaráætlanir hafi að
mestu legið fyrir í vikunni eftir að tilkynnt
var um vána við Grindavík. Aðspurður
um eigin líðan fyrstu vikuna segir Fannar
að hann hafi aldrei verið óttasleginn og
yfirleitt náð góðum nætursvefni.
„Þetta var heilmikið verkefni sem
bæjarstjórn, bæjarstarfsmenn og aðrir
þurftu að takast á við og við erum
nokkuð ánægð með hvernig til tókst. Við
höfðum líka mikinn stuðning frá öflugu
teymi almannavarna, lögregluembætta,
vísindamanna og viðbragðsaðila. Þeir
voru tilbúnir að koma okkur til aðstoðar
hvenær sem var,” segir hann.
Innviðir efldir
Grindvíkingar búa svo vel að hafa þrjár
rýmingarleiðir á landi og höfnina að auki
Varðskipið Þór í Grindavíkurhöfn. Skipið getur gengt mikilvægu hlutverki við neyðaraðstæður.