Sveitarstjórnarmál - 2020, Blaðsíða 39

SVEITARSTJÓRNARMÁL
Hvað á sveitarfélagið að heita?
Kosið verður til nýrrar sveitarstjórnar á Austurlandi í apríl og sameiningarviðræður eru í fullum gangi í
Skútustaðahreppi og Þingeyjarsveit
Austurþing, Austurþinghá, Múlabyggð,
Múlaþing, Múlaþinghá og Drekabyggð
eru þau nöfn sem íbúar í sameinuðu
sveitarfélagi á Austurlandi munu velja
á milli 18. apríl. Undirbúningsstjórn
sameiningar bætti við heitinu Drekabyggð
en Örnefnanefnd lagðist þó gegn því.
Alls voru 17 tillögur sendar til
Örnefnanefndar en nefndin mælti með
nöfnunum Múlabyggð og Múlaþinghá.
Íbúar munu því velja á milli þessara sex
nafna fyrir hið nýja sveitarfélag samhliða
sveitarstjórnarkosningum 18. apríl
næstkomandi. Sú atkvæðagreiðsla er
leiðbeinandi fyrir nýja sveitarstjórn sem
tekur ákvörðun að afloknum kosningum.
Samstarfsnefnd um sameiningu
Skútustaðahrepps og
Þingeyjarsveitar
Á norðurlandi er unnið að því að
kanna möguleika á sameiningu
Skútustaðahrepps og Þingeyjarsveitar.
Verkefnið hefur hlotið vinnuheitið
Þingeyingur. Í upphafi árs var skipað í
starfshópa um tilgreinda málaflokka til
að meta styrkleika, veikleika, ógnanir og
tækifæri í viðkomandi málaflokki. Hver
starfshópur ræðir tiltekin verkefni sem
samstarfsnefnd hefur gefið ákveðinn
ramma um.
Starfshóparnir eru sjö talsins; Stjórnsýsla-
og fjármál, fræðslu- og félagsþjónusta,
nýsköpun í norðri, skipulagsmál,
menningar-, íþrótta- og tómstundamál,
fasteignir, mannvirki, veitur og önnur
b-hlutafyrirtæki og atvinnulíf, umhverfi
og byggðaþróun. Nánari upplýsingar um
verkefnið Þingeying, má finna á vefnum
www.thingeyingur.is