Sveitarstjórnarmál - 2020, Blaðsíða 33

SVEITARSTJÓRNARMÁL
33
að verkum að umferð um hringveginn
færist norður fyrir Selfoss í stað þess að
fara í gegnum bæinn. Einnig má geta
þess að hafin er bygging nýs miðbæjar í
gömlum stíl og fyrirhuguð er gerð 18 holu
golfvallar rétt utan við Selfoss.
Fólksflutningar af
höfuðborgarsvæðinu
Tómas Ellert segir nokkrar ástæður búa
að baki mikilli íbúafjölgun og uppbyggingu
í sveitarfélaginu.
„Þetta stappar auðvitað nærri því að
vera einsdæmi á landinu, það er einna
helst að hægt sé að hafa fjölgun íbúa
í Reykjanesbæ til samanburðar. Við
náðum 10 þúsund íbúa markinu í lok
síðasta árs og þar af búa 8.600 á
Selfossi. Þetta skýrist að stórum hluta af
nálægðinni við höfuðborgarsvæðið og
háu fasteignaverði þar, sem skýrist meðal
annars af þéttingarstefnunni í borginni.
Fólk á höfuðborgarsvæðinu hefur séð sér
leik á borði og selt íbúðir þar en keypt sér
stærri fasteignir á Selfossi. Margir hafa
jafnframt flutt hingað utan af landi, fólk
sem vill búa í grennd við höfuðborgina og
starfar þar.
Yfir fimmtungur íbúa á Selfossi starfar á
höfuðborgarsvæðinu og stór hluti þeirra
hefur háskólamenntun. Við erum mjög
ánægð með áherslu yfirvalda á störf án
staðsetningar því hluti þeirra sem hér búa
munu njóta góðs af því þannig að þeir
þurfa ekki að fara daglega í bæinn. Þurfi
fólk að fara á fundi á höfuðborgarsvæðinu
milli níu og fjögur á daginn, þegar umferð
er minni en fyrst á morgnana og síðdegis,
tekur ferðin þangað ekki nema um 40
mínútur,“ segir Tómas Ellert.
Hann er sjálfur lýsandi dæmi um íbúa
eins og þá sem lýst er hér að framan.
Háskólamenntaður fjölskyldumaður sem
hefur búið á höfuðborgarsvæðinu en
jafnframt búið á Selfossi og sótt vinnu til
höfuðborgarinnar.
Tómas Ellert
Tómas Ellert Tómasson fæddist 20.
nóvember 1970. Hann útskrifaðist sem
stúdent frá Fjölbrautaskóla Suðurlands
árið 1991, byggingartæknifræðingur
frá Tækniskóla Íslands (HR) árið
2000 og byggingarverkfræðingur
frá University of Washington,
Seattle, árið 2002. Tómas Ellert
hefur sinnt verkefnastjórnunar-,
ráðgjafa- og hönnunarstörfum um
árabil og starfar nú fyrir SG-hús ehf.
og Eðalbyggingar ehf. á Selfossi.
Tómas Ellert er bæjarfulltrúi fyrir
Miðflokkinn, varaformaður bæjarráðs
og formaður eigna- og veitunefndar í
Sveitarfélaginu Árborg ásamt því að
gegna ýmsum trúnaðarstörfum fyrir
hönd sveitarfélagsins.
Á myndinni hér að ofan er Tómas Ellert staddur við Gullfoss sumarið 2019 með annan tvíburann sinn á bakinu.