Sveitarstjórnarmál - 2020, Blaðsíða 34

SVEITARSTJÓRNARMÁL
34
fyrir mikilli uppbyggingu. Tómas Ellert
segir að innviðir hafi í raun og veru verið
sprungnir þegar núverandi meirihluti tók
við eftir kosningarnar 2018.
„Það má segja að fyrrverandi meirihluti
hafi sofið á verðinum á sínum tíma og því
lendum við í því að framkvæma fyrir tvö
kjörtímabil. Við þurfum að byggja nýjan
grunnskóla og leikskóla og þörfin fyrir
fjölnota íþróttahús er orðin mjög brýn.
Þetta helgast af því að þeir sem flutt hafa
á Selfoss eru að miklu leyti fjölskyldufólk
með börn á grunnskólaaldri. Börnum á
leikskólaaldri fjölgar einnig talsvert.
Einnig flykkist hingað til okkar fólk sem
komið er á efri ár, fólk sem er 65 ára og
eldra. Það hefur í miklu mæli selt húsin
sín á höfuðborgarsvæðinu og víðar og
flutt hingað. Hér hefur fólk aðgang að allri
þjónustu en ef eitthvað þarf að sækja til
Reykjavíkur er það hægur vandi vegna
nálægðarinnar. Hér er öflug verslun og
margvísleg þjónusta sem uppfyllir allar
daglegar þarfir íbúa.
Við búum að því að hafa öfluga
heilbrigðisþjónustu á staðnum og við
hlið Heilbrigðisstofnunar Suðurlands rís
nú hjúkrunarheimili með 60 rýmum sem
sveitarfélagið tekur þátt í að byggja.
Þar verður góður kjarni fyrir eldra fólk í
sveitarfélaginu. Auk þess eru að rísa og
hafa risið íbúðir fyrir 60 ára og eldri sem
seldust allar á svipstundu. Við það losna
fjölmörg einbýlishús í grónum hverfum.
Við höfum dæmi um slík hverfi sem voru
orðin nánast barnlaus fyrir fimm árum
en þar eru nú börn í hverju húsi,“ segir
Tómas Ellert.
„Síðast þegar við bjuggum á
höfuðborgarsvæðinu áttum við 110
fermetra íbúð í Hafnarfirði. Við vildum
stækka við okkur vegna barnanna en
leist ekki á að kaupa stærra húsnæði
á höfuðborgarsvæðinu svo við seldum
íbúðina í Hafnarfirði og keyptum 200
fermetra hús hér á Selfossi með góðum
bílskúr vorið 2018. Ég starfaði fyrir
Reykjavíkurborg á þessum tíma og sótti
vinnu þangað en starfa nú hér heima á
Selfossi. Ég hef búið víða hér á Íslandi og
erlendis en einhvern veginn endar maður
alltaf hér í veðursældinni þar sem að ég
hef búið í samtals um 35 ár af minni ævi.
Konan er ekki héðan en hún sagði strax
já þegar ég velti upp möguleikanum á að
flytja hingað,“ segir hann.
Innviðir springa
Þegar íbúum fjölgar svo ört sem raun ber
vitni í Sveitarfélaginu Árborg kemur að
því á ákveðnum tímapunkti að innviðir
sveitarfélagsins anna ekki eftirspurn eftir
margvíslegri þjónustu. Sú er raunin í
Árborg og sveitarfélagið stendur frammi
Yfirlitsmynd frá Selfossi.
Skolp rennur nú óhreinsað
út í Ölfusá og við teljum
að við svo búið megi ekki
standa öllu lengur.”