Morgunblaðið - 15.10.2020, Qupperneq 10

10 FRÉTTIRInnlent
MORGUNBLAÐIÐ FIMMTUDAGUR 15. OKTÓBER 2020
NET-
LAGERSALA
RUN.IS
Sendum frítt um allt land
ef verslað er fyrir 5.000 kr. eða meira
Ath. Eingöngu á netinu
9.-18. október
GALLERÍ KÚNST
TIL SÖLU
Af sérstökum ástæðum, (veikindi) er til sölu
frábært tækifæri til eigin reksturs.
Gallerí Kúnst ehf. er til sölu ásamt öllum lager
listmuna, fasteignum, tólum og tækjum.
Meðal eigna er glæsilegt einbýlishús (330 m2)
á stórri lóð með mikla möguleika á einum besta
stað í Garðabæ. Skjólsælt og ,,prívat‘‘, hlaðið alls
konar listmunum og húsgögnum sem fylgja að
mestu leiti. Skemmtilegt tækifæri fyrir fagurkera.
Mercedes Bens jeppi ekinn 180 þ. km.
Stór listmunalager, tilbúinn í jólasöluna.
Hægt er að selja fyrirtækið og listmuni sér.
Miklir möguleikar:
* Umboðssala fyrir hugvitsfólk og listamenn
Allar nánari upplýsingar í síma 861 6660, Jóhann
eða um netfangið j j j j@simnet.is
Það eru miklir peningar í listinni.
* Heildsala, smásala
* Inn- og útflutningur
* Vefverslun
* Uppboðshald
* Sala til ferðamanna
* Sölusýningar
* Kaffihús o.m.fl.
* Jólasalan framundan
Allt um sjávarútveg
Ómar Friðriksson
omfr@mbl.is
Einstaklingum sem hafa verið án
atvinnu og á atvinnuleysisskrá leng-
ur en í hálft ár hefur fjölgað hratt
og stórlega að undanförnu. Þeir
voru alls 8.417 í seinasta mánuði og
voru þá orðnir fjórfalt fleiri en í lok
sumars árið 2018. Alls fjölgaði lang-
tímaatvinnulausum um 6.400 frá því
sem var fyrir tveimur árum.
Í skýrslu Vinnumálastofnunar
um atvinnuleysið í septembermán-
uði sem út kom í vikunni, kemur
fram að alls höfðu 3.274 atvinnuleit-
endur í almenna atvinnuleysiskerf-
inu verið án vinnu í heilt ár eða
lengur í lok september, en þeir
voru 1.389 í sama mánuði í fyrra.
Hefur þeim því fjölgað um 1.885
milli ára.
Þar segir einnig að þeim ein-
staklingum sem verið hafa atvinnu-
lausir í 6-12 mánuði fari fjölgandi.
Þeir voru 5.143 í lok september en
2.045 fyrir ári.
Með stórauknu atvinnuleysi má
búast við að sífellt fleiri leiti eftir
starfsendurhæfingu á vegum
VIRK. Þess má þegar sjá merki en
það sem af er árinu 2020 hafa 1.848
einstaklingar hafið starfsendurhæf-
ingu á vegum VIRK. Á sama tíma í
fyrra voru þeir 1.683 talsins, sam-
kvæmt upplýsingum sem fengust
hjá VIRK í gær.
1.242 þjónustuþegar hafa út-
skrifast eða lokið þjónustu á yfir-
standandi ári en á sama tíma í fyrra
voru þeir 1.072, að sögn Eysteinn
Eyjólfssonar, verkefnastjóra al-
mannatengsla og útgáfu hjá VIRK.
Um þessar mundir eru 2.574
einstaklingar í starfsendurhæfingu
hjá VIRK, sem er um það bil sami
fjöldi og var í þjónustu VIRK í
október á síðasta ári. Eysteinn seg-
ir að komið hafi í ljós í þjónustu-
könnun að 87% þeirra telji að
VIRK hafi aðlagað þjónustuna vel
að þörfum þeirra á tímum veirufar-
aldursins.
Spurður um útlitið á komandi
mánuðum í ljósi stóraukins atvinnu-
leysis og þrenginga eftir að kór-
ónuveirufaraldurinn hófst segir Ey-
steinn að erfitt sé að spá fyrir um
það hver þróunin verður ,,en við
gerum samt ráð fyrir í ljósi reynsl-
unnar af fjármálahruninu að það
muni fjölga hjá okkur umsóknum á
næstu árum vegna Covid-krepp-
unnar. Það gerist ekki endilega
strax en áhrifin komi í ljós eftir ein-
hverja mánuði og jafnvel ár,“ segir
Eysteinn.
Samhliða stórauknu atvinnu-
leysi fjölgar þeim sem sækja þurfa
um fjárhagsaðstoð vegna fram-
færslu til sveitarfélaga. Útgjöld
sveitarfélaganna vegna fjárhags-
aðstoðar hafa aukist verulega.
Fram kom á fjármálaráðstefnu
sveitarfélaga á dögunum að sam-
kvæmt könnun meðal tíu stærstu
sveitarfélaga landsins er fjárhags-
aðstoðin að blása út. Í fyrra
greiddu þessi tíu sveitarfélög 3.258
milljónir kr. vegna fjárhags-
aðstoðar. Sú fjárhæð stefnir í að
verða 4.230 milljónir á yfirstand-
andi ári og á næsta ári er talið að
gera megi ráð fyrir að fjárhags-
aðstoðin verði meira en tvöfalt
hærri en á árinu 2019 og verði ná-
lægt 6.673 milljónir kr. Útgjöld
vegna fjárhagsaðstoðar gætu hækk-
að um 57,8% á milli áranna 2020 og
2021.
Fjórfalt fleiri lengi án
atvinnu en árið 2018
Langtímaatvinnuleysi
» Erlendir ríkisborgarar eru
yfir 40% langtímaatvinnulausra.
» Um 1.800 einstaklingar
sem eru á aldrinum 16 til 29 ára
höfðu í ágúst sl. verið atvinnu-
lausir lengur en í hálft ár.
» Ríflega eitt þúsund ein-
staklingar á þessum aldri hafa
verið án atvinnu í meira en eitt
ár og hefur sá hópur nær tvö-
faldast að stærð á einu ári.
» 39% þeirra sem voru at-
vinnulausir í Reykjavík í ágúst
hafa verið lengur en hálft ár á at-
vinnuleysisskrá. 1.451 eða 19%
hafa verið án vinnu og í atvinnu-
leit í eitt ár eða lengur.
» Á höfuðborgarsvæðinu
höfðu í ágúst sl. um 4.600
manns verið án vinnu og í at-
vinnuleit í hálft ár eða lengur.
» Á landinu öllu höfðu í ágúst
sl. 2.024 karlar og 1.603 konur
verið atvinnulaus í sex til tólf
mánuði og 1.708 karlar og 1.343
konur voru án atvinnu lengur en
í heilt ár.
Langtímaatvinnuleysi í september
Fjöldi langtímaatvinnulausra
í lok septembermánaðar
2018-2020
Heimild: Vinnumálastofnun
905
1.389
3.274
1.106
2.045
5.143
September 2018 September 2019 September 2020
Lengd atvinnuleysis:
6-12 mánuðir
Meira en 12 mánuðir
Atvinna
óskast
Útboði á nýju hlutafé í Icelandic Sal-
mon, norsku eignarhaldsfélagi Arn-
arlax, lauk í gær. Áhugasamir kaup-
endur skrifuðu sig fyrir margfalt
meira hlutafé en í boði er.
Kjartan Ólafsson, stjórnarformað-
ur Arnarlax, segir ánægjulegt að
hafa lokið svona vel heppnuðu útboði
á þessum viðsjárverðu tímum. Meðal
þátttakenda eru Gildi lífeyrissjóður
og Stefnir, sjóðastýringafyrirtæki
Arion banka. Spurður um áhuga
annarra íslenskra fjárfesta segir
Kjartan: „Mér sýnist áskriftir frá ís-
lenskum fjárfestum hafa farið langt
umfram væntingar.“
Aukið um milljarð
Upphaflega var boðið út nýtt
hlutafé sem svarar til 6,5 milljarða
íslenskra króna, auk þess sem selt
var hlutafé sem tveir eldri hluthafar
vildu selja, samtals rúmir tveir millj-
arðar kr. Vegna eftirspurnar var
nýtt hlutaféð aukið um milljarð og
voru því seldir 7,5 milljarðar kr.
Stjórn félagsins ákveður hvaða
áskrifendum verður gefinn kostur á
að kaupa hlutafé og hvernig það
skiptist á milli þeirra. helgi@mbl.is
Áskriftir íslenskra fjár-
festa umfram væntingar
 Mikil eftirspurn í útboði Arnarlax
Morgunblaðið/Helgi Bjarnason
Bíldudalur Laxi pakkað til útflutn-
ings í laxavinnslu Arnarlax.
Verktakar eru að ljúka vinnu við
Dýrafjarðargöng. Stefnt hefur verið
að því að taka þau formlega í notk-
un sunnudaginn 25. október en það
hefur þó ekki verið ákveðið end-
anlega. Athöfnin verður óvenjuleg
vegna samgöngutakmarkana. Þann-
ig mun ráðherra, forstjóri Vega-
gerðarinnar og fleiri gestir stýra
opnuninni í gegnum fjarfundabún-
að.
Venjan hefur verið sú að sam-
gönguráðherrar mæti við opnun
jarðganga og annarra stórfram-
kvæmda í samgöngumálum, klippi á
borða og aki fyrstir í gegn. Síðan
hefur heimamönnum og öðrum
gestum gefist kostur á að aka um
göngin og boðið til samsætis á eftir.
Ljóst er að þetta verður með öðru
sniði nú, samkvæmt upplýsingum
Vegagerðarinnar, vegna samkomu-
takmarkana. Aðeins mega 20 koma
saman og mælst er til þess að sam-
gangi höfuðborgarbúa og íbúa á
landsbyggðinni verði haldið í lág-
marki.
Ljóst er að fáir munu koma sam-
an við enda ganganna en heima-
mönnum verður þó gefinn kostur á
að aka í gegn. Samsætið gæti orðið
síðar. helgi@mbl.is
Dýrafjarðargöng
opnuð gegnum netið
 Göngin tekin í notkun um aðra helgi
Morgunblaðið/Helgi Bjarnason
Hátíð Jarðgöng bæta mjög sam-
göngur. Myndin er úr safni.