Morgunblaðið - 19.11.2020, Blaðsíða 18

18 FRÉTTIRInnlent
MORGUNBLAÐIÐ FIMMTUDAGUR 19. NÓVEMBER 2020
Sigtryggur Sigtryggsson
sisi@mbl.is
Brúarfoss, hið nýja skip Eimskipa-
félags Íslands, er væntanlegt til
Reykjavíkur á mánudaginn, eftir
langa siglingu frá Kína, þar sem skip-
ið var smíðað. Mögulegt er að það
hitti þar fyrir systurskipið Dettifoss,
sem kom til landsins í júlí sl. Þetta
eru langstærstu skip íslenska kaup-
skipaflotans, 26.169 brúttótonn.
„Það er bæði
spennandi en
jafnframt flókið
að taka við svona
nýju skipi,“ segir
Karl Guðmunds-
son skipstjóri á
Brúarfossi. Þegar
blaðamaður
heyrði í Karli var
skipið að lesta
vörur í Álaborg í
Danmörku og var
þar með komið inn á áætlun Eim-
skips. Næst liggur leiðin til
Helsingjaborgar, Árósa og Þórs-
hafnar í Færeyjum, og síðan heim til
Reykjavíkur.
Karl segir að það séu mikil við-
brigði að koma á nýtt skip eftir að
hafa áður stýrt 25 ára gömlu skipi.
„Það er auðvitað allt nýr búnaður hér
um borð, allt það nýjasta sem í boði
er. Þetta hefur verið mikil vinna fyrir
áhöfnina alveg frá morgni til kvölds
enda gríðarlega mörg kerfi í skipinu
sem þarf að fínstilla saman,“ segir
hann.
Heimferðin frá Kína hefur gengið
ljómandi vel og engin vandræði kom-
ið upp, segir Karl. Lagt var af stað
frá Guangzhou í Kína þriðjudaginn
13. október. Næst lá leiðin til Tai-
chang í Kína, þar sem farmur af nýj-
um gámum var tekinn um borð.
Næst var siglt til Singapúr þar sem
skipverjar tóku olíu og vistir. Síðan
til Srí Lanka og vopnaðir verðir tekn-
ir um borð. Innst í Aden-flóanum, þar
sem beygt er upp í Rauðahafið, við
Jemen og Sómalíu, má búast við sjó-
ræningjum. Því er allur varinn góður.
„Við urðum ekki varir við neina sjó-
ræningja enda er skipið svo gang-
mikið og hátt fríborð að það er ekki
mikil hætta á svoleiðis,“ segir Karl.
Brúarfoss var kominn á akkeris-
lægið við Súes-skipaskurðinn 5. nóv-
ember. Nóttina eftir lagði skipalest af
stað inn í gegnum skurðinn. Fyrsta
skipið lagði af stað klukkan fjögur og
svo fór skip á 12 mínútna fresti
næstu 4-5 klukkutímana. Eins fór
skipalest af stað hinum megin frá.
Lestirnar mættust svo á stöðuvatni á
miðri leið. Næst var siglt eftir Mið-
jarðarhafi og til Rotterdam og þaðan
til Álaborgar, en þangað kom skipið á
þriðjudaginn.
Þegar Brúarfoss kemur til Reykja-
víkur á mánudaginn verður stoppað
stutt við því fram undan er sigling til
Nuuk á Grænlandi. Áhöfn Brúarfoss
telur 16 manns og fara sumir þeirra í
land á mánudaginn. Nokkrir halda
áfram til Grænlands, þar á meðal
Karl skipstjóri. Nýir menn koma um
borð í Reykjavík til að læra á skipið,
m.a. Jón Ingi Þórarinsson, sem verð-
ur skipstjóri Brúarfoss á móti Karli.
Þegar skipið kemur aftur frá
Grænlandi lýkur langri útivist Karls
og félaga. Hann ásamt fjórum öðrum
skipverjum fór utan til Kína 10. ágúst
til að sækja skipið. „Við erum óneit-
anlega orðnir spenntir að koma
heim,“ segir Karl að lokum.
Spennandi að taka við nýju skipi
 Brúarfoss væntanlegur til Reykjavíkur eftir helgina  Heimsiglingin frá Kína hefur gengið vel
Ljósmynd/Eimskip
Á heimleið Brúarfoss kom til Álaborgar í Danmörku á þriðjudaginn. Vörur voru teknar um borð og skipið var þar með komið inn á áætlun Eimskips.
Karl
Guðmundsson
SÖLUAÐILAR
Reykjavík:
Gullbúðin, Bankastræti 6 s: 551-8588
Gilbert úrsmiður, Laugavegi 62 s: 551-4100
Meba Kringlunni s: 553-1199
Michelsen Úrsmiðir, Kringlunni s: 511-1900
Kópavogur:
Klukkan, Hamraborg 10 s: 554-4320
Meba Smáralind s: 555-7711
Hafnarfjörður:
Úr & Gull, Firði-Miðbæ Hafnarfjarðar
s: 565-4666
Keflavík:
Georg V. Hannah úrsmiður, Hafnargötu 49
s: 421-5757
Akureyri:
Halldór Ólafsson úrsmiður, Glerártorgi
s: 462-2509
Akranes:
Guðmundur B. Hannah úrsmiður,
Suðurgötu 65 s: 431-1458
Egilsstaðir:
Klassík Selási 1 s: 471-1886
Selfoss:
Karl R. Guðmundsson úrsmiður, Austurvegi 11
s: 482-1433
Vestmannaeyjar:
Geisli, Hilmisgötu 4 s: 481-3333