Tímarit hjúkrunarfræðinga - 2020, Blaðsíða 28

Hjúkrunarfræðingar tóku forystu
Í upphafi faraldursins hringdu smitsjúkdómalæknar og hjúkrunarfræðingar á göngu-
deild smitsjúkdóma í smitaða einstaklinga. „Við á göngudeildinni minni komum
snemma að þeirri vinnu sem vatt hratt upp á sig eftir því sem smitum fjölgaði. hjúkr-
unarfræðingar tóku fljótt forystu í þessari vinnu og tók ég að mér skipulag hennar.
Í framhaldinu var ákveðið að koma upp aðstöðunni í Birkiborg og þá varð ekki aftur
snúið. Lá því beinast við að ég tæki það að mér líka,“ segir Sólveig.
Úthringingaver hjúkrunarfræðinga
Covid-göngudeildin var í upphafi símaver þar sem hjúkrunarfræðingar hringdu í
smitaða með covid-19. Þar er veitt gríðarlega mikilvæg hjúkrun þar sem andlegir og
líkamlegir þættir eru metnir eftir sérstöku kerfi sem var skipulagt af læknum og
hjúkrunarfræðingum eftir því sem sjúkdómnum vatt fram og einkennum fjölgaði,
segir Sólveig. Í símtölunum mátu hjúkrunarfræðingar andlegt og líkamlegt ástand
sjúklings og sendu áfram til læknis eða í sálgæslu hjá prestum og geðteymi spítalans
ef þörf var á. Læknir tók ákvörðun um hvort sjúklingur kæmi til frekara mats og
meðferðar í Birkiborg, að sögn Sólveigar.
Sérstaklega hlúð að andlegri líðan fólks
fyrst voru teknar í notkun fjórar skoðunarstofur á neðri hæð hússins en síðan var
ákveðið að bæta efri hæðinni við. Á efri hæðinni var sett upp nokkurs konar dagdeild-
arstofa með meðferðarstólum þar sem skjólstæðingar deildarinnar gátu verið meðan
þeir biðu eftir niðurstöðum úr rannsóknum, fengu vökva í æð og þess háttar. Deildin
hafði sjö skoðunarstofur auk dagdeildarherbergis.  Stöðufundur var klukkan 9 á
hverjum morgni þegar mest var. Síðan hófust hringingarnar og metið var hvort þyrfti
að hringja daglega eða sjaldnar. fljótlega kom í ljós að andleg líðan fólks var misjöfn,
segir Sólveig, og hringt var oftar í þá sem sýndu merki um kvíða og andlega vanlíð -
28 tímarit hjúkrunarfræðinga • 2. tbl. 96. árg. 2020
„Hjúkrunarfræðingar  eru  og  hafa  verið  hryggjar-
stykkið í heilbrigðiskerfinu“
segir Sólveig Sverrisdóttir, hjúkrunardeildarstjóri covid-19-göngudeildarinnar
Þegar kórónufaraldurinn, covid-19, var í hámarki var hringt í um 600 manns á dag og allt að
20 manns komu á dag á covid-19-göngudeildina sem komið var upp í kjölfar fjölgunar smita.
Göngudeildin var með aðstöðu í húsinu Birkiborg á lóð Landspítala í Fossvogi og veitti Sólveig
Hólmfríður Sverrisdóttir hjúkrunardeildarstjóri göngudeildinni forstöðu.
Stöðufundur var klukkan 9 á hverjum morgni þegar mest var.
Síðan hófust hringingarnar og metið var hvort þyrfti að hringja
daglega eða sjaldnar. Fljótlega kom í ljós að andleg líðan fólks var
misjöfn, segir Sólveig, og hringt var oftar í þá sem sýndu merki um
kvíða og andlega vanlíðan.