Tímarit hjúkrunarfræðinga - 2020, Blaðsíða 44
Ég vil byrja á að þakka Soffíu Kristjánsdóttur, fyrrverandi bekkjarsystur minni frá
Háskólanum á Akureyri árið 2008, fyrir að skora á mig að skrifa mín þankastrik.
Ég útskrifaðist sem hjúkrunarfræðingur frá Háskólanum á Akureyri árið 2008.
Strax að námi loknu fór ég, ásamt bekkjarsystur minni, í ferðalag til Malaví þar sem
við sinntum sjálfboðaliðastörfum sem hjúkrunarfræðingar á lítilli heilsugæslustöð.
Í Malaví varð ég vitni að ýmsu sem fór miður í hjálpar- og þróunarstörfum. Þar sá
ég hvernig peningar og hjálpargögn fóru til spillis. Peningar voru ekki nýttir skyn-
samlega og hjálpargögn eyðilögðust eða voru vannýtt. Ég efast ekki um að nær öll
þróunar- og neyðaraðstoð er veitt af góðum hug. Góður ásetningur nægir þó ekki
alltaf til að hjálpin nýtist vel eða til fullnustu. Þarna sannfærðist ég um að ég vildi
læra meira um hnattræna heilsu, hjálparstörf og neyðaraðstoð.
Unnið að hjálparstörfum víða um heim
Árið 2012 hóf ég meistaranám í lýðheilsu með áherslu á hnattræna heilsu við
Karolinska háskólann í Svíþjóð. Að loknu meistaranámi hef ég numið áfanga við
Háskólann í Bergen í fjölmenningarfræði og samskiptum, ásamt fjölmörgum nám -
skeiðum í farandheilsu (e. migration health) og tengdum efnum. Á árunum 2013–15
fékk ég tækifæri til að vinna með samtökunum Læknar án landamæra við fjöl breytt
verkefni víða um heim. Ég vann í flóttamannabúðum í Suður-Súdan, í Vestur-Afríku
á meðan ebólufaraldurinn geisaði, og við verkefni í sjúkrahúsi í Mið-Afríkulýðveld-
inu. Þá hef ég einnig starfað á vegum veraldarvaktar Rauða krossins í flóttamanna -
búðum Róhingja í Bangladess. Frá árinu 2015 hef ég starfað í Ósló að heil brigðis -
málum flóttamanna. Reynsla mín af hjálparstörfum víða um heim hefur komið mér
að góðum notum í því starfi. Einnig hefi ég kennt greinina Hnattræn heilsa við
háskólann í Suðaustur-Noregi (USN), bæði á grunn- og framhaldsstigi. Þar legg ég
áherslu á alþjóðalýðheilsu, menningarhæfni í störfum og heilbrigðis þjónustu við
inn flytjendur og flóttamenn. — Það eru einmitt heilbrigðismál flóttamanna sem
verða mín þankastrik.
Mikilvægt að skrá heilsufarssögu
við komu til nýs lands
Í gegnum tíðina hef ég fylgst grannt með innflytjendamálum á Íslandi og reynt að
fræðast um þau réttindi sem innflytjendur njóta þegar kemur að heilbrigðisþjónustu.
Ég hefi þó ekki orðið mikils vísari, og virðist sem heilbrigðisstarfsfólk á Íslandi hafi
ekki mikla né haldgóða þekkingu á þessu sviði. Það þykir mér miður. Við heyrum
44 tímarit hjúkrunarfræðinga • 2. tbl. 96. árg. 2020
Þankastrik
Heilbrigðismál flóttamanna
Gunnhildur Árnadóttir
Þankastrik er fastur dálkur í blaðinu og höfundur hvers pistils stingur upp á þeim næsta. Í þanka-
strik gefst hjúkrunarfræðingum færi á að tjá sig um ýmislegt er varðar hjúkrun og er þeim
hjartfólgið. Pistlarnir geta fjallað um ákveðin málefni, sögur af kynnum við sjúklinga eða starfs-
fólk, eitt hvað sem hefur orðið höfundum til hugljómunar eða hvað eina annað sem tengist
starfinu og hugmyndafræði þess.
Gunnhildur Árnadóttir.