Fréttablaðið - 06.02.2021, Síða 64

VeganDóttur liggur á hjarta að sýna að veganmatur er einkar gómsætur og einfaldur í gerð. MATARMYNDIR/RAFAEL ZAJAC
Þórdís Lilja
Gunnarsdóttir
thordisg@frettabladid.is
Hann pabbi minn er veiði­maður. Ég fór eitt skipti með honum á andaveiðar,
en það var áður en ég valdi græna
lífsstílinn. Þess vegna fannst mér
svolítið skondið að velja nafnið
VeganDóttir á veitingastaðinn;
á dönsku hljómar það eins og ég
sé dóttir manns sem er vegan, en
pabbi er það auðvitað ekki,“ segir
Kolbrún Gunnarsdóttir, Vegan­
Dóttir, og bætir kát við: „Hæ,
pabbi! Ég elska þig!“
Bjargvættur dýra
Kolbrún er tónlistarkona og mat­
gæðingur, fædd í Reykjavík árið
1990 en fluttist með móður sinni
til Danmerkur á fimmta árinu.
„Mamma vildi mennta sig sem
Waldorf­kennari, sem þá var ekki
hægt heima á Íslandi. Síðan höfum
við flutt margoft fram og til baka
á milli Íslands og Danmerkur, en
ég hef lengst af búið hér úti og tala
bæði og skrifa dönsku betur en
íslensku,“ segir Kolbrún sem lokið
hefur meistaragráðu í tónlist og
hljóðframleiðslu.
„Ég bý í litlu húsi í danskri sveit,
umkringd fagurri náttúru. Ég
elska dýr og í húsinu mínu eru
frekar mörg dýr sem ég hef bjargað
frá slæmum örlögum. Draumur­
inn er að eignast stóra jörð, byggja
mér leirhús, stunda þar síyrkju og
bæta við enn f leiri dýrum til að
tryggja þeim gott og langt líf.“
Maturinn seldist strax upp
Í fyrrasumar opnaði Kolbrún veit­
ingastaðinn VeganDóttir nálægt
gömlu lestarstöðinni í Álaborg.
„Ég hafði lengi gengið með
þann draum í maganum að opna
matsölu fyrir grænkera. Hug­
myndin kviknaði þegar ég var enn
í tónlistarnámi við háskólann í
Álaborg, en eftir að hafa öðlast
reynslu við að reka gistiheimilið
Kirkjuból í Önundarfirði í hálft ár
heima á Íslandi fannst mér ég til­
búin til að reka eigin veitingastað.
Ég fór því á viðskiptanámskeið
þar sem ég lærði allt um að stofna
og reka fyrirtæki, og fann með
mér tvo eistneska viðskiptafé­
laga, þau Rasmus Raspel og Paulu
Uspenski, og saman höfum við
látið drauminn um vegan­staðinn
rætast,“ segir Kolbrún, en þríeykið
er allt grænkerar og Kolbrún síðan
2014.
VeganDóttir matreiðir góm­
sætan grænkeramat sem hitt
hefur Dani í hjartastað.
„Strax fyrsta daginn myndaðist
löng röð við VeganDóttur og
maturinn seldist upp. Við erum
staðsett í Kærbyen sem er vinsælt
fjölskylduhverfi og upplifum
mikinn áhuga íbúanna og annarra
sem drífur alls staðar að, ekki
bara grænkera heldur alls konar
fólk sem elskar matinn okkar og
hugsjónir.“
Vinsælast á matseðlinum eru
fjórir djúsí hamborgarar; osta­
borgari, sveppaborgari, pestó­
borgari og chili­bbq­borgari.
„Bráðum bætast við gómsæt
salöt og samlokur úr heima­
bökuðu súrdeigsbrauði,“ upp­
lýsir Kolbrún sem gerir allan mat
VeganDóttur frá grunni. „Allur
okkar matur er glútenlaus og
hægt að velja mismunandi brauð
fyrir hamborgarann, glútenlaust,
brioche og súrdeigsbrauð. Við
notum aðallega lífrænt grænmeti
sem er ræktað í nærumhverfinu
og ekki sprautað með neinu. Við
fáum líka grænmeti sem er ræktað
í síyrkjugörðum (e. premaculture
gardens), það er enn betra og
ferskara en lífrænt ræktað. Við
hugsum líka mikið um að nota
frekar baunir, sólþurrkaða tómata
og f leira úr ál­ eða glerumbúðum
sem hægt er að endurnota oftar en
plast.“
Kemur vonandi líka heim
Hvort Kolbrún komi með Vegan­
Dóttur til Íslands verður tíminn að
leiða í ljós, en hún segist meira en
til í það.
„Vonandi. Okkur langar að sýna
hversu girnilegur veganmatur er
og hversu auðvelt er að matreiða
hann. Það er líka ástæða þess að við
ákváðum að bjóða upp á veislu­
mat fyrir grænkera og matbúum
vegankrásir fyrir ýmsa menningar­
viðburði, stundum með lifandi
tónlist og alls konar fræðandi
vinnustofum.“
Kolbrún gefur lesendum einfalda
en einkar ljúffenga uppskrift að
kartöfluklöttum.
„Ég valdi þessa uppskrift því að
kartöflur eru grænmeti sem auð­
velt er að rækta á norðurslóðum og
er því bæði umhverfisvæn fæða og
ódýr, en líka dásamlega góð.“
Fyrir ferðalanga og mataráhuga­
fólk sem vill gæða sér á grænkera­
réttum VeganDóttur er staðurinn
í Álaborg, nálægt lestarstöðinni
á Hjulmagervej 58, 9000 Aalborg,
beint fyrir utan gamla, stóra bygg­
ingu sem var í gamla daga lestar­
geymsla en hýsir nú fullt af litlum
fyrirtækjum og kallast Råt&Godt
(Hrátt & Gott).
Kartöflufríkadellur
8 stykki
Upplagt er að nota kartöflur frá
deginum áður og það sem til er í
grænmetisskúffunni þar sem inni­
haldslýsingin er ekki heilög. Það
sama gildir um „umami“­bragðið...
þetta sem fær marga til að segja „Vá!
Er þetta í alvöru vegan?“. Því næ ég
með því að nota dijonsinnep, soja­
sósu, sólþurrkaða tómata og nær­
ingarger. Það má alveg eins nota
sveppi, þang, ólífur, balsamik­edik,
tómatpuré, ferska tómata, grillað
eða steikt grænmeti, kryddað með
reyktri papriku, ristuðum fræjum,
hnetum og grænmetiskrafti.
Nýtum endilega það sem til er, til
að koma í veg fyrir matarsóun!
5 soðnar kartöflur*
1 soðin gulrót
3 hakkaðir sólþurrkaðir tómatar
1 msk. dijonsinnep
2 msk. sojasósa
4 msk. næringarger**
1 dl haframjöl
2 msk. olía
Blandið öllu saman með töfra­
sprota eða með því að stappa hrá­
efnin saman. Bætið þá við einum
söxuðum lauk, 1 dl hveiti, salti,
pipar, tabasco­sósu eða öðrum
kryddum.
*Ekki þarf að taka hýðið af kart­
öflunum.
**Næringarger er óvirkt ger, sem
líkist gulum hafraflögum og er
skylt sveppum. Það sem er sérstakt
við næringarger, fyrir utan öll B­
vítamínin sem það inniheldur, er
að það bragðast eins og hnetur eða
ostur.
VeganDóttir er dóttir veiðimanns
Tónlistarkonan Kolbrún Gunnarsdóttir býr í danskri sveit með dýrum sem hún hefur bjargað frá
slæmum örlögum. Hún er matgæðingur mikill og rekur nú vinsælan grænkerastað í Danmörku.
Þríeykið Rasmus Raspel, Kolbrún og Paula Uspenski. MYND/ROCCO PEDITTO
VeganDóttir notar eingöngu lífræn
og glútenlaus hráefni í réttina sína.
Hamborgarar VeganDóttur eru æði.
BYGGINGARIÐNAÐURINN
Nánari upplýsingar veitir:
Ruth Bergsdóttir
ruth@frettabladid.is • Sími 694 4103
Þriðjudaginn 23. febrúar gefur Fréttablaðið út sérblað um allt sem
viðkemur byggingariðnaðinum á Íslandi, hvort það eru bæjarfélög,
verktakafyrirtæki, trésmiðjur og söluaðilar byggingarvöru.
Tryggðu þér gott auglýsingapláss í langmest lesna dagblaði landsins.
FERMINGARGJAFIR
Fimmtudaginn 15. mars gefur Fréttablaðið út
bráðsniðugt aukablað sem innheldur ótal
hugmyndir að fjölbreyttum fermingargjöfum.
Allir sem hafa fermst vita að dagurinn og ekki síst
gjarnar lifa í minningunni um aldur og ævi.
Tryggðu þér got glýsingaplá s
í langmest lesna dagblaði landsins.
Upplýsingar hjá auglýsingadeild Fréttablaðsins í síma 512 5402
eða sendu okkur póst á netfangið serblod@frettabladid.is
6 KYNNINGARBLAÐ FÓLK 6 . F E B R ÚA R 2 0 2 1 L AU G A R DAG U R