Fjarðarfréttir - 01.03.1985, Blaðsíða 24
24
FJARÐARFRETTIR
Safari um sahara
Fjarðarfréttir komust á snoðir um það, að Birgir Pétursson (i Málm)
hefði farið, ásamt nokkrum félögum, í mikla ævintýraferð um SAHARA
eyðimörkina og aðliggjandi lönd.
Birgir varð við þeirri ósk blaðsins að segja stuttlega frá ferðinni.
Tilefni ferðarinnar var það, að í ferð um hálendi íslands hittum við
félagar Þjóðverja sem þar var á ferð. Með okkur tókst kunningsskapur sem
haldið var við með símtölum og bréfaskriftum eftir að hann fór aftur til
Þýskalands. Hann hafði farið „Safariferðir“ og gerði okkur tilboð um að
koma með í eina siíka. Hann lagði til bíl, sérútbúinn af Benz-verksmiðjun-
um, og kostnaður ferðarinnar var allur fjármagnaður með greinaskrifum
í þýsk ferðablöð. Kostnaður okkar íslendinganna var aðeins flug út til
Lúxemburg og heim aftur.
Félagar mínir í ferðinni, sem farin var 22. febrúar 1984 og stóð í 5 vikur,
voru Daníel Sigurðsson og Guðlaugur Aðalsteinsson. Fyrir utan okkur
voru tveir Þjóðverjar í ferðinni.
Leiðin lá frá Þýskalandi gegnum Sviss til Ítalíu. Þaðan með ferju til
Sardiníu og þaðan til Túnis og þar hófst hin raunverulega eyðimerkurferð
eða safari.
í ferðinni um heita sanda og hrjóstrug lönd kynntumst við ýmsu nýstár-
legu. Fólkið sem flest var múhameðstrúar umgekkst okkur með varfærni
t.d. var kvenfólk alltaf falið um leið og ferðalangarnir nálguðust þorpin.
Ferðin var öll ævintýri líkust.
Birgir segir frá ýmsu sem hér verður ekki rakið en hægt væri að gera úr
miklar og góðar ferðasögur.
Efst til vinstri Manfred Pepper frá Benz, Daníel Sigurðsson.
Neðri röð Willi Khal eigandi bílsins, Birgir Pétursson og Guð-
laugur Aðalsteinsson.
Inn fæddur Saharabúi.