Fjarðarfréttir - 01.12.1985, Blaðsíða 49

FJARÐARFRÉTTIR
49
er oft um að ræða einhver mál sem
varða ákveðna hópa. Ég verð að
segja að áheyrendur eru undan-
tekningarlaust mjög prúðir. Ég
man varla eftir því að hafa þurft að
vísa manni burt, nema þá vegna
ölvunar, en slíkt er að sjálfsögðu
algjörlega óheimilt og slíkir menn
nær alltaf stöðvaðir við útidyr. Hér
er heldur ekki heimilt að hafa með
sér töskur eða annan farangur. Ég
er ekki viss um að allir viti að þegar
flaggað er við Alþingishúsið, þá
standa yfir þingfundir. Eitt af því
sem ég geri hér er einmitt að flagga.
Oft er hér gífurlegur fjöldi frétta-
og sjónvarpsmanna og þá er
sannarlega hægt að segja að „hér sé
þröng á þingi“. Hér kynnist maður
mjög mörgum og alþingismenn eru
ákaflega þægilegt fólk sem
skemmtilegt er að umgangast. Ég
sagði áðan að ég hefði gaman af
snörpum orðasennum og ég held að
mér finnist Sverrir Hermannsson
einn sá skemmtilegasti að hlusta á
af mörgum mjög góðum.
Ég er bara ráðinn í 8 mánuði árs-
ins, þ.e. meðan þing stendur yfir.
Mér finnst best að hafa þetta þann-
ig, því þá gefst mér góður tími til
þess að sinna ýmsum hugðarefnum
mínum öðrum. Hér ganga menn
vaktir, meðan þingfundir standa
yfir, en oft er hér verið á fundum
langt fram eftir kvöldi og mörg
dæmi eru um næturfundi ef mikið
liggur við.
Ég er sem sagt mjög ánægður
með starfið og það andrúmsloft
sem hér líkirí*
Guðmundur Guðbergsson: „Ég
er nú nánast nýliði hér innan dyra.
Það eru fjórir mánuðir síðan ég hóf
störf. Áður var ég lögregluþjónn í
Reykjavík í mörg ár og þar áður
vann ég sem smiður í Hafnarfirði,
en þar hef ég alltaf verið búsettur.
Það kann vel að vera að reynsla mín
innan lögreglunnar hafi að ein-
hverju leyti haft áhrif á ráðningu
mína. Starf mitt hér er fyrst og
fremst fólgið í gæslustörfum og svo
ýmsum erindum sem til fellur. Mér
finnst starfsandinn hér vera sér-
staklega góður og þrátt fyrir sí-
felldan eril þá verður maður ekki
var við neina spennu eða taugatitr-
ing hjá mönnum. Mér hefur verið
tekið mjög vel af starfsfélögum
mínum, en það má vel orða það svo
að ég sé á skólabekk ennþá. Hér
þarf að kunna skil á mörgu og leið-
beina þeim gestum sem hingað
leggja leið sína. Hér er gæsla allan
sólarhringinn og ávallt dyravörður
við báða innganga. Sem betur fer
búum við ekki hér á íslandi við það
óöryggi sem margar aðrar þjóðir
búa við, þar sem ýmis hemdarverk
eru nánast daglegt brauð. Við þurf-
um samt að vera vel á verði og Al-
þingi er æðsta stofnun þjóðarinnar.
Ég hef enn ekki getað hlustað neitt
að ráði á það sem fram fer í þing-
sölum því það er nóg að gera við að
setja sig inn í eitt og annað sem til-
heyrir starfinu. En þó starfstíminn
sé ekki langur þá finnst mér starfið
ánægjulegt og eins og ég sagði fyrr,
starfsandinn mjög góður"
Þetta spjall fór fram þann dag
sem sendiferðabílstjórar og vöru-
bílstjórar mótmæltu hækkun
þungaskatts og olíugjalds. Lífið
virtist samt ganga sinn vanagang
innan dyra. Við vorum drifnir í
kaffi og áfram var haldið spjallinu
þó ekki verði meira skráð. Þeir
þremenningar lumuðu á ýmsum
smellnum sögum, greinilegt að oft
er slegið á létta strengi innan dyra
þá málefnin séu alvarleg og þýð-
ingarmikil. Og ekki bar á öðru en
að sverðin hefðu verið slíðruð, því á
næsta borði sátu tveir alþingismenn
í bróðurlegum samræðum sem
deildu hvað harðast þegar við
fylgdumst með umræðum af áheyr-
endapöllum.
Og nú var ekki til setunnar boðið
lengur. Þeir Stefán, Gunnlaugur og
Guðmundur hurfu til sinna skyldu-
starfa og við þökkum þeim nota-
lega stund í húsakynnum Alþingis.
VAXTAREIKNINGUR
ávaxtar fé þitt
áaióbæran
hátt
Útibú Hafnarfirði: Strandgötu 33, Sími: 53933