Börn og menning - 01.02.1997, Page 10

BÖRN OC MENN|NG
TIÐINVl
Fyrirmynd
30. nóvember 1997 var haldinn stofnfundur
samtaka myndskreyta innan Félags íslenskra
teiknara. Félaginu var gefið nafnið Fyrirmynd og
er því ætlað að auka veg og virðingu myndskreyt-
inga á Islandi og vinna að ýmsum hagsmunamálum
félagsmanna, jafnframt því að auðvelda fólki að
afla sér upplýsinga um góða myndskreyta. Stefnt er
að fyrstu sýningu á myndskreytingum í Asmundar-
sal í janúar 1998. Formaður Fyrirmyndar er Kristín
Ragna Gunnarsdóttir.
Þöll
Nú í haust var formlega stofnaður samstarfshópur
íslenskra barnabókavarða sem fékk nafnið Þöll.
Hópurinn starfar innan Bókavarðafélags Islands og
er opinn öllum þeim sem vinna á bókasöfnum. Til
að skrá sig í hópinn er hægt að hafa samband við
Kristínu Birgisdóttur í vinnusíma 566 6822 eða
netfangið kribir@ismennt.is. Mörg bókasöfn geta
státað af öflugu barnastarfi, en markmið Þallar er
að efla samstarf barnabókavarða, gera það mark-
vissara og metnaðarfyllra, miðla reynslu milli safna
og stuðla þannig að umhverfi sem börn og ungt
fólk sækir reglulega til afþreyingar og fræðslu.
Vel mætt í Valhöll!
Ahugafólk um bama- og unglingamenningu
á Norðurlöndum kætist nú yfir nýjum
fúndarstað og upplýsingauppsprettu á Inter-
netinu: http://valhalla.norden.org. Þar fást
nýjustu tíðindi af norrænum verkefnum, ráð-
stefnum, styrkjum og forsendum styrkveitinga,
nýjum ritum sem snerta börn og barnamenningu
sem og ýmsar upplýsingar um nytsamleg heimilis-
föng og tengsl. Ætlunin er að stækka Valhöll í
ýmsar áttir á næstunni, meðal annars verður þar
brátt að finna upplýsingar um norræna listamenn
sem vilja vinna með börnum, auk þess verður þar
vettvangur fyrir böm og unglinga til samskipta og
aukinna kynna landa á milli.
Fyrr var oft í koti kátt...
Sýning á Arbœjarsafni tileinkuð
bernskunni fyrr og nú.
Um þessar mundir er verið að leggja lokahönd á
nýja sýningu í Árbæjarsafni sem tileinkuð er
bernskunni fyrr og nú. Ber þessi sýning heitið
Fyrr var oft í koti kátt... Markmiðið með sýningu
þessari er að varpa ljósi á bemsku íslenskra bama
frá aldamótum og til dagsins í dag. Á sýningunni
em leikföng bama í öndvegi. Auk þess gefur að líta
þrjú heimili frá mismunandi tíma, bíósal og
skólastofu. Gestir fara í heimsókn til Siggu, Óla og
Gunnu. Þannig kynnast nútímabörnin ólíkum
aðbúnaði barna áður fyrr, fortíðin lifnar við.
Leikföng eru sett í „rétt“ umhverfi og auðveldara
er fyrir gesti að bera saman nútíð og fortíð.
Gestum gefst tækifæri til að skoða þessa nýju
sýningu í desember en Árbæjarsafn verður opið tvo
sunnudaga í aðventu, þann 7. og 14. desember frá
kl. 13.00 til 17.00. Skólar og leikskólar geta eftir
áramót pantað leiðsögn um sýninguna en formlega
verður sýningin opnuð almenningi þegar sumar-
dagskrá safnsins hefst þann 1. júní 1998.
Af ráðstefnum:
Málþing um bamabækur var haldið á vegum
bókasafns Háskólans á Akureyri 13. septem-
ber s.l. Fyrirlestra fluttu Silja Aðalsteinsdóttir
bókmenntafræðingur og nefndist erindi hennar
„Raddir bamabókanna“, Margrét Tryggvadóttir
bókmenntafræðingur sem nefndi erindi sitt
,Setið í kjöltunni“, og Kristín Unnsteinsdóttir
skólasafnvörður, en erindi hennar nefndist „Margt
er undrið; þróun sjálfsmyndar mannsins eins og hún
birtist í Sögunni af Kisu kóngsdóttur“. Einnig
fjallaði Magnea frá Kleifum rithöfundur um það
hvernig barnabók verður til. Fólki var sýnt nýtt
húsnæði háskólabókasafns en þar stóð yfir sýning á
verkum Sigrúnar Eldjám.
8