Börn og menning - 01.04.2013, Page 5

Svangir bræður sitja á síðum vorheftis Barna
°9 nienningar og dást að tönnum lesenda.
Ekki að nokkra sérstaka átyllu hafi þurft
til að fjalla um verk Thorbjorns Egners, en
þeir bræður Karíus og Baktus hafa nú fylgst
gaumgæfilega með tannheilsu íslendinga
í bráðum 60 ár og á síðastliðnu ári hefði
Egner orðið 100 ára. Dagný Kristjánsdóttir
fjallar um föður drengjanna og afkvæmin
sJálf í greininni Thorbjorn Egner og þýðendur
hans. Helga Birgisdóttir rekur tilurð og sögu
Karíusar og Baktusar en Sigurður H. Pálsson
sá uppfærslu Þjóðleikhússins á leikritinu um
þá bræður og segir af henni.
Brynhildur Heiðar- og Ómarsdóttir
hendir sér yfir stöðu furðusögunnar á
íslandi og skoðar sérstaklega barnabækur
' Því samhengí. Hún kannar upprunann
°g hvernig furðusagan hefur þróast hér á
landi. Ármann Jakobsson fjallar um formgerð
frásagna og notar söguna um Líneik og
Laufey til að útlista hugmyndir Vladimirs
Propp og Algirdas Greimas í greininni Fræði
°9 frásögn. Greimas, Propp og ævintýrið.
Þá veltir Magnea J. Matthíasdóttir fyrir sér
upplýsingaveitum barna og kosti þess að
láta sér leiðast.
í Börnum og menningu er svo að venju
að finna margs háttar aðra umfjöllun um
barnabókmenntir. í blaðinu er að þessu sinni
einnig viðtal við Önnu Pellowski sagnaþul
og IBBY-konu sem ritstjóri blaðsins tók víð
hana á dögunum þegar hún hélt námskeið í
Gunnarshúsi á vegum IBBY á íslandi.
Ég óska lesendum blaðsins gleðilegs
sumars og notalegra lestrarstunda.
Helga Ferdinandsdóttir