Börn og menning - 01.04.2013, Blaðsíða 26

26
Börn og menning
Auður Halldórsdóttir
í rauðu mánaskini
Hringurinn sló í gegn þegar hann kom út
í Svíþjóð áríð 2011, hlaut lof gagnrýnenda
og fjölda verðlauna og hefur bókin nú
verið gefin út í tuttugu og fimm löndum.
Hringurinn var gefinn út af Bjarti árið 2013
í íslenskri þýðingu Þórdísar Gísladóttur.
Sagan er raunsæ lýsing á lífi táningsstúlkna
í sænskum smábæ á 21. öld. Raunsæ, fyrir
utan það að stúlkurnar eru nornir sem þurfa
að standa saman, annars ferst heimurinn.
Einfalt mál, ekki satt?
Hringurínn er fyrsta bókin sem rithöfunda-
dúóið Mats Strandberg og Sara B. Elfgren
skrifa saman. Bókin er löng, rúmlega 500
síður, og sú fyrsta i þríleik. Margir lesendur
eiga eftir að kannast við tvö kunnugleg
þemu: bókaraðir og yfirnáttúruleg fyrirbæri.
Bókaraðir hafa notið vinsælda undanfarin ár
og má þar nefna sem dæmi Hungurleikana,
Harry Potter-bækurnarogTwilight-bækurnar.
Tvær síðarnefndu raðirnar fjalla einmitt um
ungmenni sem eru gædd yfirnáttúrulegum
kröftum, en nornir og galdramenn, draugar,
uppvakningar, vampýrur og varúlfar eru tíðir
gestir í dægurmenningunni nú um stundir.
Sögusvið Hríngsins er fyrrverandi iðnaðar-
bærinn Englafoss í Svíþjóð sem hefur mátt
muna sinn fífil fegri. Bærinn, þar sem allir
þekkja alla, er umkringdur dimmum og
þéttvöxnum skógi þar sem menn villast
og hverfa. Allar lýsingar á bænum eru
hálfdapurlegar og þrúgandi.
ída, Minoo, Rebekka, Vanessa, Linnéa
og Anna-Karen eru allar á fyrsta ári i
menntaskóla. Menntaskólinn, sem ætti að
vera nýtt upphaf, er það ekki þar sem
skólafélagarnir hafa þekkst síðan í barnaskóla
og allir gegna sínum ákveðnu hlutverkum
sem ekki má stíga út fyrir. Þar má nefna
vinsælu stelpuna, drusluna, fótboltastrákinn
og hasshausinn.
I byrjun bókar lítur út fyrir að skólabróðir
stúlknanna sex, Elías, fremji sjálfsmorð, en
lesandinn veit að eitthvað dularfullt er á
seyði. Það veit líka Linnéa, „systir Elíasar í öllu