Börn og menning - 01.04.2013, Blaðsíða 33

Alþjóðlegt og norrænt samstarf IBBY-deildanna
33
Norrænt samstarf
Það er Ijóst að IBBY-deildir í smærri löndum
eru atkvæðaminni en deildir stórra og
fjölmennra þjóða, aðallega vegna smæðar
tungumálsins. Bækur útgefnar á ensku,
frönsku eða spænsku hafa átt meiri
möguleika á H.C. Andersen-verðlaununum,
en bækur eyþjóðar ritaðar á tungumáli
sem rúmlega þrjú hundruð þúsund manns
tala mega sín lítils. Fyrir margt löngu tóku
Norðurlandaþjóðirnar sig saman og stofnuðu
óformleg samtök norrænu IBBY-deildanna.
Markmiðið var að standa við bakið hvert á
öðru og eiga um leið sterkari rödd innan
alþjóðlegu samtakanna.
Eitt af því sem norrænu deildirnar komu sér
saman um var að tilnefna sameiginlega einn
aðila frá einhverju Norðurlandanna til setu
í EC, til að styrkja stöðu Norðurlandanna.
Guðlaug Richter var tilnefnd og sat í
alþjóðlegu IBBY-stjórninni 2000-2002. Þá
tók hinn danski Vagn Plenge við sætinu
en Finninn Niklas Bengtsson var fulltrúi
norrænu deildanna 2006-2008. Síðan hefur
enginn norrænn fulltrúi setið í stjórninni.
Norrænu deildirnar hafa líka keppst við að
eiga fulltrúa í dómnefnd H.C. Andersen-
verðlaunanna. Nú situr f henni Svíinn Erik
Titusson og mun hann taka þátt í valinu
2014.
Um árabil hittust fulltrúar stjórna norrænu
deildanna árlega á fundi sem haldinn var
til skiptis í einhverju landanna. Þegar stjórn
IBBY á íslandi skiptir með sér verkum tekur
einn stjórnarmaður að sér hlutverk hins
norræna fulltrúa en undirrituð hefur gegnt
því síðan 2008. Fundirnir, sem m.a. hafa
verið haldnir í Osló, Kaupmannahöfn og
Helsinki, hafa verið skemmtilegir, fróðlegir
og sérstaklega gagnlegir til þess að deila
hugmyndum um alls konar verkefni og
uppákomur.
Síðast en ekki síst ber að nefna útgáfu
Nordisk blad sem norrænu IBBY-deildirnar
hafa séð um allt frá árinu 1994. Deildirnar
skiptast á að gefa út blaðið sem inniheldur
1-2 greinar frá hverju landanna, á dönsku,
norsku eða sænsku, með stuttri samantekt á
ensku. IBBY á íslandi sá um útgáfuna 1997,
2002 og 2009 en það ár var ákveðið að
hætta að prenta blaðið því kostnaður var
of mikill og gefa það út í rafrænu formi.
Árið 2010 var boltinn hjá Norðmönnum og
2011 hjá Finnum en nú hefur verið ákveðið
að blaðið muni koma út annað hvert ár og
muni þá ávallt tengjast þema heimsþings
IBBY. Fundur norrænu deildanna mun þá
einnig fara fram á heimsþinginu, til þess að
spara ferðakostnað. Nú er í undirbúningi
umsókn frá norrænu deildunum um styrk
frá „Kulturkontakt Nord" en formaður
dönsku IBBY-deildarinnar hefur tekið að
sér gerð hennar. Sótt er um 150.000 evrur
til þriggja ára starfs, fundahalda og útgáfu
Nordisk blad. Sem fráfarandi stjórnarmaður
°g norrænn fulltrúi vona ég að sú umsókn
verði samþykkt.
Höfundur er kennari við HÍ og ríthöfundur