Fréttablaðið - 06.03.2021, Qupperneq 4

SKIPULAGSMÁL „Að mati HR ætti
hafnsækin starfsemi og þá sérstak­
lega starfsemi fyrir börn og ungl­
inga ekki að vera staðsett í nágrenni
skólpdælustöðvar,“ segir í umsögn
Heilbrigðiseftirlits Reykjavíkur um
þá hugmynd frá skipulagsfulltrúa
borgarinnar að aðstaða fyrir sigl­
ingaklúbb barna og unglinga verði
við skólpdælustöð í Skeljanesi
Breytingar standa fyrir dyrum í
Fossvogi og Skerjafirði, meðal ann­
ars smíði brúar yfir í Kársnes og
nýtt íbúðahverfi vestan við braut­
arenda Reykjavíkurf lugvallar og
austan við byggðina í Skerjafirði. Til
skoðunar er að flytja siglingaklúbb
barna og unglinga úr Nauthólsvík
að skólpdælustöðinni við Skeljanes.
„Þegar ráðist var í hreinsun
strandlengjunnar í Reykjavík og
tekin ákvörðun um að koma upp
baðstað í Nauthólsvík, var dælu­
stöð fyrir skólp fundinn staður við
Skeljanes, til að tryggja að hætta
á skólpmengun á baðstaðnum og
aðstöðu fyrir siglingaklúbb fyrir
börn og unglinga væri í lágmarki,“
rifjar heilbrigðiseftirlitið upp.
Dælustöðin sé ekki með yfirfalls­
útrás til að minnka líkur á skólp­
mengun, heldur aðeins neyðarlúgu
sem opnast beint í fjöruborðið. „Á
álagstímum svo sem vegna mik­
illar úrkomu við viðhald og ef bilun
verður, rennur því óhreinsað skólp
beint í sjóinn við hlið stöðvarinnar.
Það magn sem losnar er 1.750 lítrar
á sekúndu.“
Samkvæmt reglum skuli fjöldi
hitaþolinna kólíbaktería eða saur­
kokka í að minnsta kosti 90 pró­
sentum tilfella vera undir 100 per
100 millilítra við útivistarsvæði og
fjörur.
„Ef óhreinsað skólp er losað í
fjöruborð geta gerlatölur hlaupið
á hundruðum þúsunda, jafnvel
meira, og tugþúsundum þegar
þynning eykst,“ segir í umsögninni.
Siglingaklúbburinn ætti ekki að
vera við skólpdælustöðina.
„Aðstaðan yrði staðsett innan
varnargarðs við hlið núverandi
dælustöðvar,“ bendir heilbrigðis­
eftirlitið á. Ný dælustöð sé teiknuð
úti á varnargarðinum og athafna­
svæði siglingaklúbbsins yrði því á
áhrifasvæði dælustöðva. Ef neyðar­
lúga opnist verði gerlamengun í
umhverfinu langt yfir leyfilegum
mörkum.
„Ef álag verður of mikið eða bilun
verður, getur neyðarlúga opnast án
fyrirvara og gerlamengun borist á
það svæði sem börn og ungmenni
eru að stunda siglingar á. Í skólpi
eru auk saurkóligerla og entero­
kokka fjöldi sjúkdómsvaldandi
örvera, meðal annars ýmsar veirur,
svo sem COVID­19. Heilbrigðiseftir­
lit Reykjavíkur leggst því gegn því
að siglingaklúbbur fyrir börn verði
staðsettur á þessum stað,“ segir heil­
brigðiseftirlitið.
Í tillögu skipulagsfulltrúa er
einnig gert ráð fyrir smábátahöfn
neðan við nýja byggð í Skerjafirði,
nokkru innan við skólpdælustöð­
ina. Segist heilbrigðiseftirlitið ítreka
að slík starfsemi ætti ekki að vera í
nágrenni skólpdælustöðvar.
„Umferð smábáta yrði um svæði
sem hætta væri á gerlamengun ef
neyðarlúga opnast. HER telur ekki
æskilegt að beina útivist í formi
siglingar inn á áhrifasvæði skólp­
dælustöðvarinnar og telur að slíkri
aðstöðu ætti að finna stað í meiri
fjarlægð.“ gar@frettabladid.is
Ef álag verður of
mikið eða bilun
verður getur neyðarlúga
opnast án fyrirvara og
gerla mengun borist á það
svæði sem börn og ungmenni
eru að stunda siglingar á.
Heilbrigðiseftirlit Reykjavíkur
600
íbúðir flokkaðar sem
sértæk úrræði koma
inn á markaðinn í ár.
TÖLUR VIKUNNAR 28.02.2021 TIL 06.03.2021
24%
fólks 18 til 25 ára segjast
finna til einmanaleika.
13
hættulegar
vörur tilkynnti
Ísland til ESB á
síðasta ári.
131
milljarður er umfram eigið fé
stóru viðskiptabankanna.
90 prósent íslenskrar tónlistarsölu eru í gegnum Spotify.
Þóra Jónsdóttir
formaður Hæglætishreyfingar-
innar á Íslandi
segir að í
grunninn
snúist áhersla
hreyfingarinnar
um að taka sér
tíma í það sem
verið er gera. Þóra
segir hæglæti snúa að því að vera
með athygli á núlíðandi stund. „Að
heyra og hlusta, að anda og njóta,
að velja meðvitað að takmarka
streitu, draga úr neyslu, taka sér
minna fyrir hendur og gera færri
hluti í einu,“ segir hún.
Karl Gauti Hjaltason
þingmaður Miðf lokksins
vill vita hvort lög­
reglunemar skili
sér til lögreglu­
embættanna.
„Það hefur
verið talað um
að konur hætti
frekar í lögreglunni.
Að þær fari í lögregluna í eitt eða
tvö ár en haldi svo í önnur störf,
sérstaklega á þeim tíma þegar
atvinnuleysi var ekki hátt,“ segir
Karl Gauti, sem sjálfur var skóla­
stjóri Lögregluskólans árin 2014 til
2017, áður en náminu var breytt og
það flutt til Háskólans á Akureyri.
Hrafn Hrafnar
silfurhrafn
var að spóka sig
í Mosfellsbæ
nýlega þar sem
Halldór Pétur
Halldórsson
áhugaljósmynd­
ari náði af honum
mynd. Kristinn Haukur Skarp­
héðinsson dýravistfræðingur segir
vanta litarefni í hrafna sem svona
eru á litinn. Þeir séu oft móbrúnir,
gráleitir eða silfraðir. Svona fuglar
sjáist árlega en séu samt mjög
sjaldgæfir.
Þrjú í fréttum
Formaður,
þingmaður
og hrafn
Andvíg siglingaklúbbi barna
við skólpdælustöð í Skeljanesi
Heilbrigðiseftirlitið mælir gegn tillögu skipulagsfulltrúa Reykjavíkur um aðstöðu fyrir siglingaklúbb fyrir
börn við skólpdælustöð í Skerjafirði. Dælustöðin sé ekki með yfirfallsrás heldur aðeins neyðarlúgu sem
hleypa myndi út gríðarlegu magni af skólpi sem meðal annars gæti borið með sér veirur eins og COVID-19.
Uppdráttur að fyrirhugðum siglingaklúbbi barna og unglinga við skólpdælustöðina í Skeljanesi í Skerjafirði.
Varnargarður
Skólpdælustöð
Ný Skerjafjarðarbyggð
Landfylling
Ný
Skólpdælustöð
Siglingaklúbbur
barna og unglinga
jeep.is
UMBOÐSAÐILI JEEP® OG RAM Á ÍSLANDI • ÍSLENSK-BANDARÍSKA • ÞVERHOLT 6 • 270 MOSFELLSBÆR
S. 590 2300 • WWW.ISBAND.IS • ISBAND@ISBAND.IS • OPIÐ VIRKA DAGA 10-18 • LAUGARDAGA 12-16
35” BREYTTUR 33” BREYTTUR ÓBREYTTUR
JEEP® GRAND CHEROKEE TRAILHAWK – VERÐ FRÁ: 11.690.000 KR.
• 3.0 V6 250 HÖ. DÍSEL, 8 GÍRA SJÁLFSKIPTING
• 570 NM TOG
• HÁTT OG LÁGT DRIF
• RAFDRIFIN LÆSING Í AFTURDRIFI
• LOFTPÚÐAFJÖÐRUN AÐ FRAMAN OG AFTAN
• HLÍFÐARPLÖTUR UNDIR VÉL, KÖSSUM OG SKIPTINGU
• BI-XENON LED FRAMLJÓS MEÐ ÞVOTTAKERFI
• RAFDRIFIN OPNUN Á AFTURHLERA
ALVÖRU JEPPAR - ALVÖRU FJÓRHJÓLADRIF
JEEP® GRAND CHEROKEE BREYTTIR OG ÓBREYTTIR
• ÍSLENSKT LEIÐSÖGUKERFI
• BAKKMYNDAVÉL MEÐ BÍLASTÆÐAAÐSTOÐ
• FJARLÆGÐASKYNJARAR AÐ FRAMAN OG AFTAN
• BLINDHORNSVÖRN
ALLAR BREYTINGAR UNNAR AF BREYTINGARVERKSTÆÐI ÍSBAND
6 . M A R S 2 0 2 1 L A U G A R D A G U R4 F R É T T I R ∙ F R É T T A B L A Ð I Ð