Fréttablaðið - 06.03.2021, Síða 10

FERÐAÞJÓNUSTA Norræna siglir frá
Hirtshals í dag og kemur til Seyðis-
fjarðar á þriðjudag, í fyrstu sigling-
una eftir miklar breytingar. Smyril
Line, útgerð skipsins, ákvað að nýta
tímann í faraldrinum til allsherjar
andlitslyftingar á skipinu fyrir tvo
milljarða króna, bætti við káetum,
veitingastað og fleiru ofan á það.
Linda Björk Gunnlaugsdóttir,
framkvæmdastjóri Smyril Line
á Íslandi, segir framkvæmdirnar
hafa gengið mjög vel og staðist allar
áætlanir, bæði hvað varðar tíma og
kostnað. Að bæta heilli hæð ofan
á skip er ekki einfalt mál og því
hafi þurft að hyggja að mörgu. En
verkið var framkvæmt í Fayard-
skipasmiðjunni í Mynkebo nálægt
Óðisvéum. „Þetta gekk betur en við
þorðum að vona og skipið er f lott í
sjó,“ segir Linda.
Alls var 50 káetum bætt við, svítu
og 49 tveggja manna herbergjum.
Ofan á þær var sett kaffihús og bar
með góðu útsýni. Samfara stóru
breytingunum var farið gagngert
yfir skipið og ýmislegt uppfært svo
sem ný teppi, gardínur, innréttingar
á veitingastaðina og móttaka. Þá var
stíllinn yfirfarinn og komið fyrir
mörgum myndum frá Íslandi og
Færeyjum á gangana.
Linda segir að Seyðfirðingar og
fleiri muni taka eftir miklum breyt-
ingum þegar skipið siglir í höfn á
þriðjudag. „Vitaskuld hefðum við
vilja halda viðburð og bjóða fólki að
koma að skoða. Vegna faraldursins
verður það að bíða að við getum
haft opið skip,“ segir hún.
Áætlunarsiglingar hinnar nýupp-
færðu Norrænu hefjast um helgina,
en á meðan skipið var í slipp sinnti
afleysingaskip siglingunum. Vegna
aðstæðna eru farþegarnir ekki mjög
margir þessa dagana en eitthvað
um bókanir, meðal annars hjá Pól-
verjum búsettum á Íslandi.
„Við höfum væntingar til þess að
seinnipartur sumarsins og haustið
verði gott út frá farþegaflutningum
séð,“ segir Linda. „Það sem heldur
uppi leiðinni núna eru fraktflutn-
ingarnir. Við flytjum meðal annars
ferskan fisk og lax að austan, vestan
og norðan. Þetta er mjög mikilvæg
leið í ferskútf lutningi. Skipið fer
héðan á miðvikudagskvöld og fisk-
inum er dreift í Evrópu aðfaranótt
mánudags.“
Linda segir þær miklu aurskriður
sem féllu í desember síðastliðnum
ekki hafa haft áhrif á starfsemi
Norrænu. Skrifstofan og vöruhúsið
séu hinum megin við höfnina og
aðkoman og farþegahúsið hafi
sloppið við skriðurnar. „Starfsfólk
okkar hefur hins vegar orðið fyrir
tjóni og skriðurnar voru mikið áfall
fyrir Seyðisfjörð,“ segir Linda. „Bær-
inn er núna að rísa upp úr þessu.
Þetta er duglegt fólk.“
kristinnhaukur@frettabladid.is
Nýuppgerð Norræna hefur siglingar
Allar tíma- og kostnaðaráætlanir stórframkvæmdanna á ferjunni Norrænu hafa staðist og skipið kemur að höfn á Seyðisfirði á
þriðjudag. Vegna faraldursins eru farþegarnir fáir um þessar mundir en fraktflutningar á ferskum fiski og laxi halda leiðinni uppi.
Seyðfirðingar munu taka eftir miklum breytingum á ferjunni þegar hún kemur í höfn á þriðjudag. Fimmtíu káetna hæð og kaffihúsi með útsýni hefur verið bætt ofan á hana. MYND/SMYRIL LINE
Að setja hæð og kaffihús ofan á ferjuna var ekki einfalt verk en það tókst. Stíl ferjunnar var breytt og komið fyrir myndum frá Íslandi og Færeyjum.
Þetta gekk betur en
við þorðum að vona
og skipið er flott í sjó.
Linda Björk Gunn-
laugsdóttir
framkvæmda-
stjóri Smyril Line
á Íslandi
FJÖLMENNING Í ÍSLENSKU
ATVINNULÍFI
Nánari upplýsingar veitir:
Jóhann Waage Markaðsfulltúi Fréttablaðsins
johannwaage@frettabladid.is eða 550-5656
Miðvikudaginn 31. mars gefur Fréttablaðið út sérblaðið Fjölmenning í
íslensku Atvinnulífi.
Hefur fjölmenning styrkt þitt fyrirtæki?
Mjög hefur borið á því að fyrirtæki hérlendis taki upp yfirlýsta stefnu
í samfélagsmálum og innleiði samfélagsábyrgð eins og þekkist víða á
alþjóðamarkaði og teljum við innleiðingu fjölmenningar(cultural diversity)
vera hluta af samfélagsábyrgð.
Tryggðu þér gott auglýsingapláss í langmest lesna dagblaði landsins.
FERMINGARGJAFIR
Fimmtudaginn 15. mars gefur Fréttablaðið út
bráðsniðugt aukablað sem innheldur ótal
hugmyndir að fjölbreyttum ferming rgjöfum.
Allir sem hafa fermst vita að dagurinn og ekki síst
gjarnar lifa í minningunni um aldur og ævi.
Tryggðu þér gott auglýsingapláss
í langmest lesna dagbl ði la dsin .
Upplýsingar hjá auglýsingadeild Fréttablaðsins í síma 512 5402
eða sendu okkur póst á netfangið serblod@frettabladid.is
6 . M A R S 2 0 2 1 L A U G A R D A G U R10 F R É T T I R ∙ F R É T T A B L A Ð I Ð