Fréttablaðið - 06.03.2021, Page 62

ÓÁNÆGJA MEÐ BREYTTAR
ÁHERSLUR FÉLAGSINS
GERIR ÞAÐ AÐ VERKUM
AÐ SÍFELLT FLEIRI FÉ-
LAGSMENN HUGSA SÉR TIL
HREYFINGS – ÞVÍ MIÐUR.
Slagurinn
um VR
Vill meiri fókus á millitekjufólk
Hvert verður helsta baráttumál þitt
á kjörtímabilinu?
Öf lugri kjarabarátta og betri
þjónusta fyrir félagsmenn. Stór
hluti félagsmanna VR er millitekju-
fólk og félagið á þess vegna einnig
að beita sér af krafti fyrir kjörum
millitekjufólks. Það á ekki hvað
síst við um lægri millitekjuhópana
innan VR, sem sitja nú eftir með
hlutfallslega mestu kaupmáttar-
skerðinguna. Ég hef síðasta árið
afgreitt í apóteki og hef fundið
þessa þróun á eigin skinni; það
er eins og fólk með millitekjur sé
í öðru sæti. Varasjóðurinn dugar
jafnframt skammt, öfugt við hlut-
deild margra annarra stéttarfélaga í
kostnaði vegna til dæmis gleraugna,
tannlækninga og sálfræðiþjónustu.
Þá hefur sjúkrasjóður VR verið að
gefa verulega eftir. VR verður að
standa betur í lappirnar fyrir félags-
menn. Stéttarfélagið þitt á að vinna
fyrir þig.
Að hversu miklu leyti á VR að hafa
samf lot við önnur verkalýðsfélög í
kjaramálum?
Samstaða launafólks innan ASÍ
skiptir öllu máli. Það er á þessari
samstöðu sem við byggjum megin-
afl verkalýðshreyfingarinnar í sam-
skiptum við atvinnurekendur og
stjórnvöld og baráttunni fyrir betri
kjörum. Þess vegna var rangt af VR
að rjúfa samstöðuna í síðustu kjara-
viðræðum og mynda bandalag með
Ef lingu og Verkalýðsfélagi Akra-
ness, og skilja systurfélögin innan
ASÍ ein eftir við samningaborðið.
Þessi framganga sætti eðlilega
harðri gagnrýni. Það gerði síðan
vonda sögu verri að ákveðið var
að fara í þessa skógarferð skömmu
fyrir fall WOW air. Það reyndist því
verr af stað farið en heima setið.
VR er fjölmennasta verkalýðs-
félagið og breiddin innan félagsins
því mikil – eiga hópar innan félags-
ins samleið hver með öðrum?
Þeir eiga mikla samleið hver með
öðrum, eins og reynsla síðustu
áratuga sýnir. Staðreyndin er að
stærðin skiptir máli í allri hags-
munabaráttu. Borið hefur á f lótta
úr félaginu undanfarin misseri.
Óánægja með breyttar áherslur
félagsins gerir það að verkum að
sífellt f leiri félagsmenn hugsa sér
til hreyfings – því miður. Þetta er
þróun sem við verðum að snúa við
sem allra fyrst, en satt best að segja
þá held ég að sú gamaldags átaka-
menning sem núverandi formaður
stendur fyrir hafi haft sitt að segja.
Hvernig eiga tengsl og ítök félags-
ins gagnvart LIVE að vera?
Óbein tengsl eins og nú eru á
grundvelli fulltrúalýðræðis. Bein
tengsl eða ítök bjóða ýmsum hætt-
um heim, eins og vantrausti á störf
viðkomandi lífeyrissjóðs. Segja má
að við höfum fengið forsmekkinn af
því þegar VR ruddi stjórn Lífeyris-
sjóðs verslunarmanna á dögunum.
Skásta leiðin til að skilja á milli
félags og lífeyrissjóðs er það full-
trúakerfi sem f lestir lífeyrissjóðir
lúta. Við kjósum frambjóðendur
á Alþingi. Þar sitja þingmenn sem
fulltrúar þjóðarinnar og við byggj-
um því stjórn landsins og stjórn
lífeyrissjóða á sama kerfinu – full-
trúalýðræði. Bein kosning getur
síðan falið í sér hættu á því að völd
safnist á fárra hendur innan við-
komandi lífeyrissjóðs, svo sem
fyrir tilstilli lukkuriddara og lýð-
skrumara.
Er formannskosning í félaginu
heppilegasta fyrirkomulagið – hefði
kannski átt að taka upp listafram-
boðsfyrirkomulag?
Ég tel að núverandi fyrirkomu-
lag sé skynsamlegt. Með lista-
kosningum getum við átt á hættu
að ýta undir úrelta átakamenningu
hjá félaginu. Nýr meirihluti gæti
sem dæmi myndast með hverjum
kosningum, sem telur sig í góðum
rétti til að koma sínum mál-
efnum og áherslum að, án tillits
til annarra sjónarmiða. Þetta
er ekki fyrirkomulag sem
hugnast mér. Mun vænlegra
er til árangurs fyrir VR að for-
maður fari fyrir stjórn sem
endurspeglar fjölbreyttar
skoðanir og á herslu r
félagsmanna, eins og þær
eru hverju sinni. Hlutverk
formannsins er síðan
að ná í samstarf i við
stjórnarmenn þessum
sjónarmiðum saman
í eina sterka stefnu,
með hagsmuni allra
f é l a g s m a n n a a ð
leiðarljósi.
Helga Guðrún Jónasdóttir

Helga Guðrún hefur síðasta árið
afgreitt í apóteki og segist hafa
fundið á eigin skinni hvernig lægri
millitekjuhópar hafi upplifað
mestu launaskerðinguna.
Fullt nafn:
Helga Guðrún Jónasdóttir
Aldur:
57 ára
Atvinna:
Afgreiðslukona í apóteki og náms-
maður
Menntun:
Stjórnmála- og fjölmiðlafræðingur
Fjölskylduhagir:
Eiginmaður til 26 ára er Kristinn
Sigurbergsson og eigum við
saman fimm yndisleg börn og þrjú
fullkomin barnabörn
Traustur fyrirtækjarekstur og öflug
nýsköpun kallar á samstarfsaðila sem
skilur þarfirnar.
Arion banki býður fyrirtækjum af öllum
stærðum og í öllum geirum alhliða
þjónustu með fagmennsku, innsæi
og þekkingu að leiðarljósi.
Hafðu samband á fyrirtaeki@arionbanki.is,
við þjónustuver í síma 444 7000 eða í
netspjalli á arionbanki.is.
Búum í haginn
fyrir atvinnulíf
framtíðarinnar
arionbanki.is
6 . M A R S 2 0 2 1 L A U G A R D A G U R30 H E L G I N ∙ F R É T T A B L A Ð I Ð