Fréttablaðið - 13.03.2021, Síða 2

Tilraunaverkefni lög-
reglunnar á höfuðborgar-
svæðinu var ekki haldið
áfram vegna hagræðinga.
Krafin svara
Lilja Alfreðsdóttir menntamálaráðherra stóð í ströngu á Alþingi í gær er hún var innt skýringa á áfrýjun dóms héraðsdóms um brot hennar á jafn-
réttislögum við ráðningu ráðuneytisstjóra. „Falleinkunn, bæði hjá kæru nefnd og aftur fyrir dómi,“ sagði Þorbjörg S. Gunnlaugsdóttir, þingmaður
Viðreisnar. Lilja sagði faglega staðið að málinu. „Það kann að vera að hæst virtur þing maður eigi erfitt með að sætta sig við það.“ FRÉTTABLAÐIÐ/ERNIR
SKIPUL AGSMÁL „Ég er tengdur
svæðinu þannig að ég mun klár-
lega leggja mig allan fram. Ég vona
bara að hver sá sem vinnur verði
með frábært verkefni,“ segir Krist-
ján Breiðfjörð Svavarsson lands-
lagsarkitekt.
Kristján er hluti af hinu alþjóð-
lega teymi Apríl arkitektum, sem
er eitt af þremur teymum sem
munu taka þátt í hugmyndasam-
keppni um skipulag og hönnun
Langasandssvæðisins á Akranesi.
Alls vildu fjórtán teymi taka þátt.
Kristján býr á Svalbarða en er
fæddur á Akranesi og hefur sterkar
tengingar til Skagans þó að hann
hafi alist upp á Húsavík.
„Það var löngu ákveðið að ég
ætti að fæðast á Skaganum því
amma var ljósmóðir þar. Ég var oft
á sumrin hjá afa og ömmu á Akra-
nesi og dagarnir enduðu sjaldnast
án þess að hafa farið niður í fjöru
að tína steina og annað sem rak á
land. Minningar og upplifanir af
svæðinu eru ávallt plús.“
Þetta er í fyrsta sinn sem teymið
vinnur saman. Eðlilega er f jar-
vinna stór hluti af vinnunni enda
langt á milli meðlima. „Tæknin
gerir heiminn lítinn og það er ekk-
ert mál.
Ég er samt að gæla við að fara
suður eftir og taka góða törn á
Íslandi, en sú ákvörðun verður
sennilega tekin með stuttum fyrir-
vara á þessum makalausu tímum,“
segir Kristján sem á og rekur svav-
arssondesignlab og þá er hann
einnig að vinna hjá Lo:Le landskap
í Tromsö.
„Þar sem maður býr á Svalbarða,
1.300 kílómetra frá norðurpólnum,
tekur maður það sem rekur á fjörur.
Auk f jar vinnu minnar frá frá
Tromsö rek ég mitt eigið fyrir-
tæki og eru verkefni allt frá vöru-
merkjum og upp til landslagsarki-
tektúrs. Hjá Lo:Le landskap er
margt skemmtilegt í gangi. Núna er
lokuð samkeppni um framhalds-
skóla sem býður upp á hreindýra-
hirðismenntun og þjóðleikhús í
Kautakeino,“ segir Kristján.
benediktboas@frettabladid.is
Hannar Langasand frá
heimilinu á Svalbarða
Kristján Breiðfjörð Svavarsson landslagsarkitekt, sem búsettur er á Svalbarða,
er hluti af alþjóðlegu teymi sem sækist eftir að skipuleggja Langasandssvæðið
á Akranesi. Hann er fæddur á Akranesi og segir tæknina gera heiminn lítinn.
Longyearbyen þar sem Kristján og fjölskylda búa. FRÉTTABLAÐIÐ/GETTY
Sólin komin
„Núna er gengið í garð
uppáhalds tímabilið
mitt á árinu því núna er
sólin komin til baka og
snjór og kuldi. Þá er hægt
að þvælast um allt á snjó-
sleða í góðu skyggni og bráðum
miðnætursól. Það er hálfruglað
hversu hratt allt breytist hér frá
því að hafa birtu yfir í enga birtu.
Miðnætursólin kemur 20. apríl
og sest ekki fyrr en 22. ágúst.
En tími myrkursins byrjar 26.
októ ber og stendur fram til 15.
febrúar. Pólar-nóttin er
inni í því tímabili en þá er
sólin allan tímann undir
sjóndeildarhringnum,
það er á tímabilinu 11.
nóvember og til 30. janúar.
Þá finnur maður að líkaminn
fer á annað tempó. Ég hef alltaf
tekið útihlaup á stuttbuxum á
þessu tímabili ef það er vindstilla
og frostið fer ekki niður fyrir
-15°C. Það er mjög mikilvægt að
hugsa um sig á þessu tímabili,“
segir Kristján.
FJÖLMIÐLAR Fréttavaktin er nýr
fréttaþáttur sem hefur göngu sína
á sjónvarpsstöðinni Hringbraut
klukkan 18.30 á mánudagskvöld.
Í nýja þættinum verður farið yfir
fréttir dagsins með ritstjóra, frétta-
stjórum og blaðamönnum Frétta-
blaðsins, ásamt því sem áhersla
verður lögð á fréttaviðtöl og frétta-
skýringar í bland við fréttaefni víða
að af landinu.
„Við ætlum að bjóða upp á frétta-
umfjöllun í f lutningi fagfólks og
sérfræðinga á sameinaðri ritstjórn
Hringbrautar og Fréttablaðsins,“
segir Sigmundur Ernir Rúnarsson,
sjónvarpsstjóri Hringbrautar sem
leiðir verkefnið.
„Við erum að gefa áhorfendum
færi á að fylgjast með því helsta
sem er að gerast heima og erlendis í
opinni dagskrá, þeim að kostnaðar-
lausu, með fulltingi reynslumikilla
fjölmiðlamanna og sérfræðinga á
mörgum sviðum utan úr bæ.“
Sigmundur segir sjónvarpsfréttir
hafa verið að þróast í þessa veru,
með gestum sem greina fréttir líð-
andi stundar af þekkingu. „Ég hef
fulla trú á því að fólkið í landinu
taki fréttamiðlun af þessu tagi vel.“
Fréttavaktin verður á dagskrá
virka daga klukkan 18.30, en þátt-
inn má einnig sjá á frettabladid.is.
„Við höfum vel þjálfaða herdeild
blaða- og fréttamanna að baki
okkar. Þetta verður gaman og gef-
andi, en umfram allt fjölbreytt og
fræðandi.“
Nýr fréttaþáttur í loftið
Við ætlum að bjóða
upp á fréttaum-
fjöllun í flutningi fagfólks á
sameinaðri ritstjórn Hring-
brautar og Fréttablaðsins.
Sigmundur
Ernir Rúnarsson,
sjónvarpsstjóri
Hringbrautar
LÖGREGLUMÁL Engin sálfræði-
meðferð er í boði fyrir kærendur
kynferðisbrota hjá lögreglunni
á höfuðborgarsvæðinu, eins og
dómsmálaráðherra hélt fram á
Facebook í vikunni.
Embættið blés til tilraunaverk-
efnis frá 1. mars í fyrra og bauð kær-
endum kynferðisbrota upp á viðtal
hjá sálfræðingi bæði fyrir og eftir
skýrslutöku hjá lögreglu. Ráðinn
var sálfræðingur tímabundið til
að sinna verkefninu. Því lauk hins
vegar 1. mars síðastliðinn.
„Þetta var ráðning í eitt ár og
gafst mjög vel,“ segir Ævar Pálmi
Pálmason, yfirmaður kynferðis-
brotadeildar lögreglunnar á höfuð-
borgarsvæðinu. Hann segir þann
tíma sem tilraunin stóð yfir hafa
verið mjög óeðlilegan með vísan til
faraldursins. Tilraunin þyki þó hafa
gefist mjög vel og vonandi verði
haldið áfram með verkefnið í ein-
hverri mynd.
„Ekki var unnt að halda verkefn-
inu áfram vegna hagræðingar,“ segir
Halla Bergþóra Björnsdóttir, lög-
reglustjóri á höfuðborgarsvæðinu.
Aðspurð segir hún ekkert hafa verið
ákveðið um framhaldið. – aá
Engin meðferð
fyrir kærendur
kynferðisbrota
Ellen Kristjánsdóttir
Jón Jónsson
Sigríður Thorlacius
Sigurður Guðmundsson
AUKATÓNLEIKAR
22. mars kl. 20.00
Eldborg Hörpu
MIÐASALA Á HARPA.IS OG Í SÍMA 528 5050
UPPSELT 21. MARS!
1 3 . M A R S 2 0 2 1 L A U G A R D A G U R2 F R É T T I R ∙ F R É T T A B L A Ð I Ð