Náttúrufræðingurinn - 2009, Qupperneq 58

Náttúrufræðingurinn
58
Á næsta ári verður víða um heim minnst merkra tíma-móta í sögu náttúruvísinda.
Tvær aldir verða þá liðnar frá fæð-
ingu Charles Darwins og 150 ár
frá útgáfu tímamótarits hans Um
uppruna tegundanna. Þar setti hann
fram byltingarkennda kenningu
um þróun lífvera vegna náttúru-
legs vals. Í tilefni þessara tímamóta
er stefnt að hátíðarhöldum hér-
lendis á árinu 2009.
Meðal þess sem er á döfinni er
útgáfa rits um þróunarfræði þar
sem efnið spannar allt frá spurning-
um um uppruna lífsins og stein-
Dagar Darwins 2009
gervingasöguna til þróunar manna
og kynæxlunar. Einnig er í undir-
búningi fyrirlestraröð með erlend-
um fyrirlesurum og ráðstefna um
þróun lífsins og þróunarkenningu
Darwins sem verður á dagskrá
haustið 2009.
Í tilefni þessara tímamóta var
nú í haust efnt til ritgerðasam-
keppni í framhaldsskólum land-
sins sem Samlíf (Samtök líffræði-
kennara) stendur fyrir í samstarfi
við Hið íslenska náttúrufræði-
félag og skipuleggjendur Darwins
daganna. Ritgerðarefnið er Darwin
og áhrif þróunarkenningarinnar á
vísindi og samfélög. Skilafrestur er
til 15. desember næstkomandi og
skal skila ritgerðum inn á netfang-
ið ritgerdasamkeppni@gmail.com.
Vegleg verðlaun eru í boði en af-
hending verðlauna fyrir þrjár bestu
ritgerðirnar fer fram á tveggja alda
afmæli Darwins, þann 12. febrúar
2009.
Skipuleggjendur Darwins-daga:
Arnar Pálsson
Guðbjörg Ásta Ólafsdóttir
Hafdís Hanna Ægisdóttir
Steindór J. Erlingsson