Morgunblaðið - 22.07.2021, Síða 20

20 FRÉTTIR
Innlent
MORGUNBLAÐIÐ FIMMTUDAGUR 22. JÚLÍ 2021
Tónlist
fyrir sálina
Matur
fyrir líkamann
Aðalstræti 2 | s. 558 0000
Kíktu til okkar
í góðan mat og
notalegt andrúmsloft
Borðapantanir á
www.matarkjallarinn.is
Nýttu ferðagjöfina
hjá okkur
Sigtryggur Sigtryggsson
sisi@mbl.is
Vegagerðin hefur flutt höfuðstöðvar
sínar í Suðurhraun 3 í Garðabæ.
Þetta telst til tíðinda því þessi
þekkta ríkisstofnun hefur verið með
höfuðstöðvar sínar í Borgartúni í
Reykjavík frá árinu 1942, eða í tæp-
lega 80 ár.
Með nýjum höfuðstöðvum verður
starfsemin á höfuðborgarsvæðinu
sameinuð á einn stað en Vegagerðin
var áður á þremur stöðum, í Borg-
artúni, Vesturvör í Kópavogi og
Hringhellu í Hafnarfirði.
Nýju höfuðstöðvarnar skiptast í
6.000 fermetra skrifstofu- og
geymsluhúsnæði og 9.000 fermetra
útisvæði. Skrifstofuhlutinn er að
mestu nýsmíði en skemmur eru að-
eins lítillega breyttar. Reginn hf. sá
um byggingu hússins en aðal-
verktaki framkvæmdanna var ÍAV.
Batteríið Arkítektar teiknuðu húsið
en Gláma Kím arkítektar voru Vega-
gerðinni innan handar við hönnun
innanhúss og val á húsgögnum.
Í húsinu eru um 170 starfsstöðvar,
21 fundarherbergi af ýmsum stærð-
um og 10 minni svokölluð næð-
isrými.
Samkeppni um nöfn á fundar-
herbergi var haldin meðal starfs-
manna Vegagerðarinnar. Niður-
staðan var sú að hver hæð er tengd
ákveðnu þema í anda Vegagerð-
arinnar. Á fyrstu hæð heita fund-
arherbergi eftir veðurlýsingum, til
dæmis Éljagangur, Snjókoma, Skaf-
renningur og Sunnanvindur. Á ann-
arri hæð er þemað fornar leiðir á sjó
og landi. Þar má finna nöfn á borð
við Kiðagil, Kóngsveg, Maríuhöfn og
Orrustukamb. Á þriðju hæð er vita-
þema þar sem fundarherbergi heita
eftir vitum á borð við Gróttuvita,
Straumnesvita og Hornbjargsvita.
Þrjú félagsrými eru í húsinu.
Mötuneytið ber heitið Veganesti, á
annarri hæð má finna Hafnakaffi og
á þeirri þriðju Vitakaffi.
Í miðju hússins er fallegur inni-
garður, pallalagður með tveimur
trjábeðum. Kosið var um nafn á
garðinn sem heitir Miðgarður.
Flutningur hefur staðið yfir und-
anfarna daga og vikur. Flestir
starfsmenn eru nú komnir í hús en
eftir er að flytja vaktstöð Vegagerð-
arinnar sem verður gert síðar í sum-
ar, samkvæmt upplýsingum frá
Vegagerðinni.
Áform hafa lengi verið uppi um
nýtt húsnæði. Þau frestuðust í
hruninu árið 2008 en voru tekin upp
aftur um áratug síðar. Fram-
kvæmdasýsla ríkisins auglýsti eftir
húsnæði fyrir Vegagerðina 2018.
Meðal þeirra sem skiluðu tilboði var
fasteignafélagið Reginn hf. sem
bauð fram Suðurhraun 3.
Bergþóra Þorkelsdóttir, forstjóri
Vegagerðarinnar, og Helgi S. Gunn-
arsson, forstjóri Regins hf., skrifuðu
undir samkomulag um byggingu
höfuðstöðvanna í mars 2020. Reginn
byggði húsnæðið og á það en Vega-
gerðin leigir til langs tíma. Reiknað
var með að það tæki um eitt ár að
fullgera bygginguna en vegna
heimsfaraldurs kórónuveirunnar
urðu nokkrar tafir á verkinu.
Morgunblaðið/Árni Sæberg
Nýjar höfuðstöðvar Suðurhraun 3, þar sem Vegagerðin er með starfsemi til framtíðar. Nýju höfuðstöðvarnar skiptast í 6.000 fermetra skrifstofu- og geymsluhúsnæði og 9.000 fermetra útisvæði.
Vegagerðin flutt í Garðabæ
- Hefur verið með höfuðstöðvar í Reykjavík í tæp 80 ár - Starfsemin er nú sameinuð á einum stað
Skrifstofur Unnið er í opnum rýmum en í húsinu er einnig fjöldi fundarherbergja. Starfsfólkið valdi sjálft nöfnin.
Anddyrið Víða í hinu nýja húsi er að finna gamla muni sem tengjast starfi Vegagerðarinnar síðustu áratugina.
Inngangur Þegar gengið er að nýja
húsinu blasir við vegleg varða.