Þjóðmál - 01.09.2017, Side 16

14 ÞJÓÐMÁL Hausthefti 2017
Sigurður Hannesson
Eflum samkeppnishæfni
Íslands með heildstæðri
stefnumörkun
Atvinnulíf
Stefnumótun er mikilvægasta verkefni stjórn-
valda hverju sinni. Með skýrri sýn og eftir-
fylgni má vinna að raunverulegum umbótum
og leggja grunn að betri framtíð. Með því að
nálgast málin á heildstæðan hátt má ná enn
meiri árangri en með því að líta eingöngu til
afmarkaðra þátta. Hér á landi eru ýmis dæmi
um þetta, svo sem losun fjármagnshafta og
efnahagsleg endurreisn þar sem tekið var
heildstætt á málum. Árangur þessa hefur
vakið eftirtekt víða um heim.
Algengara er þó að móta stefnu í hverjum
málaflokki fyrir sig án þess að horfa til þess
hvernig stefna í einum málaflokki getur stutt
við markmið í öðrum málaflokki.
Fjölbreytt atvinnulíf er eftirsóknarvert því þar
með geta ólíkir hæfileikar notið sín. Fábreytt
atvinnulíf gerir hagkerfið viðkvæmara en ella,
eins og við Íslendingar þekkjum mæta vel í
gegnum söguna, þar sem uppgangur einnar
greinar hefur leitt hagsveiflu sem síðan endar
með búsifjum og tilheyrandi samdrætti.