Þjóðmál - 01.09.2017, Qupperneq 18

16 ÞJÓÐMÁL Hausthefti 2017
Fljótlega myndaðist klasi fyrirtækja í atvinnu-
greinum tengdum kvikmyndagerð og eru þar
nú hundruð stórra jafnt og smárra fyrirtækja
sem skapa fjölmörg störf. Með markvissum
hætti var byggð upp sérþekking á svæðinu.
Viðamesta framlag breska ríkisins til verkefni-
sins felst í uppbyggingu innviða, meðal
annars til að gera svæðið að einu atvinnu-
svæði. Þar er bæði horft til samgangna innan
sem og til svæðisins og einnig til gagna-
tenginga. Talsverðan tíma tekur að ferðast
milli staða innan svæðisins og helgast það af
gömlum innviðum; bæði vegum og lestar-
samgöngum. Með uppbyggingu þessara
innviða styttist ferðatími á milli staða. Lykil-
atriðið er að þar með verður svæðið eitt
atvinnusvæði þar sem fólk getur búið
á einum stað en unnið á öðrum. Vinnu-
markaðurinn verður skilvirkari fyrir vikið og
hæfileikar fólks nýtast betur. Eins er hafin
uppbygging á hraðlest milli London og Man-
chester. Sú uppbygging er langtímaverkefni
sem tekur um 20 ár. Ferðatími milli borganna
tveggja verður rúm klukkustund í stað rúm-
lega tveggja klukkustunda nú. Fyrirtæki geta
þannig verið með starfsemi á Norður-Englandi
án þess að fjarlægð til höfuðborgarinnar sé
mikil hindrun.
Á fyrrnefndu svæði eru 20 háskólar, þar af
eru fjórir af hundrað bestu háskólum heims.
Tugþúsundir nemenda stunda þar nám á
hverju ári. Markmið stjórnvalda er að sem
flestir nemanna geti hugsað sér að búa og
starfa á svæðinu að námi loknu. Lögð er
áhersla á að efla rannsóknir og þróun með
því að styrkja verkefni og setja á laggirnar
stofnanir um afmörkuð rannsóknarefni. Þá
er fjármagni beint í minni fyrirtæki. Eins er
sérstakt átak í því að fjölga iðnmenntuðum á
svæðinu.
Ekki má gleyma því að allt snýst þetta um
fólk og svæðið þarf því að vera aðlaðandi
fyrir íbúana. Þess vegna er lögð áhersla á
menningu og að gera umhverfið heillandi.
Ný leikhús og söfn hafa verið sett á lagg-
irnar og svæði til útivistar byggð upp til
að þola frekari umferð fólks. Þá er bygging
íbúðarhúsnæðis mikilvægur liður í upp-
byggingunni og fjárfestingartækifærum er
sérstaklega beint til erlendra fjárfesta.
Fyrirtæki eru jákvæð í garð stefnunnar og hafa
hug á því að setja upp starfsemi á svæðinu
enda er margt sem mælir með því. Húsnæði
er ódýrara og það er ódýrara að lifa. Í verkefni
sem þessu þarf að koma til samvinna hins
opinbera og einkaaðila. Hið opinbera markar
stefnuna sem fólkið tekur þátt í að koma í
framkvæmd.
Hér er um að ræða skýrt dæmi þess að hægt
er að ná meiri árangri ef stefnan er heildstæð
og tekur til margra þátta í stað þess að
einblína á afmarkaða hluta.
Annað dæmi frá Bretlandi er stefna um
atvinnuuppbyggingu sem nú er í mótun
í ljósi Brexit. Þetta er sannarlega verðugt
viðfangsefni og komin eru fram drög að
stefnunni nú þegar.
Stefnan er heildstæð og byggir á eftirfarandi
tíu stoðum:
- vísindi, rannsóknir og þróun
- uppbygging innviða
- einföldun regluverks
- framboð raforku
- stutt við vöxt og viðgang atvinnulífs
um land allt
- menntamál og færnimisræmi
- nýsköpun
- alþjóðleg viðskipti, bæði inn- og
útflutningur
- byggt á styrkleikum einstakra
atvinnugreina
- stofnanir staðsettar þar sem þeirra er þörf
en ekki eingöngu á höfuðborgarsvæðinu
Atvinnustefna sem sett er fram á heild-
stæðan hátt styður við flestar atvinnugreinar,
menntakerfi og vísindi.
Fjölbreytt atvinnulíf er
eftirsóknarvert því þannig geta
ólíkir hæfileikar notið sín.