Þjóðmál - 01.09.2017, Qupperneq 19

ÞJÓÐMÁL Hausthefti 2017 17
Hægt að ná meiri og skjótari árangri
Undanfarið höfum við séð dæmi um nokkuð
skýra stefnumörkun stjórnvalda hér á landi. Til
að mynda á að freista þess að færa bíla-
flota landsmanna yfir í nýjan orkugjafa til
að minnka mengun. Með því að draga úr
álögum á rafmagnsbíla og auka álögur á
bensín- og dísilbíla er hægt að hafa áhrif á
hversu hröð þessi yfirfærsla verður. Stefnan
er skýr, þar sem lokamarkmiðið er að draga
verulega úr mengun. Sama má segja um
nokkuð skýra stefnu í nýsköpunarmálum, en
í nýsköpunarlögunum sem samþykkt voru á
síðasta ári koma fram ýmsar leiðir til að bæta
starfsumhverfi sprotafyrirtækja. Með auknum
fjármunum til stuðnings við rannsóknar- og
þróunarstarf íslenskra fyrirtækja eru lagðar
skýrar línur um í hvaða átt skal stefna.
En betur má ef duga skal. Stjórnvöld gætu
stigið enn fastar til jarðar og sett nýsköpunar-
stefnu fram með skýrari hætti þar sem
horft væri til margra þátta. Með markvissum
aðgerðum væri hægt að gera Ísland eftir-
sóknarvert meðal frumkvöðla og nýsköpunar-
fyrirtækja sem sjá ávinning í því að byggja hér
upp starfsemi enda er það ein meginforsenda
framtíðarvaxtar.
Stjórnvöld hafa alla möguleika á að setja
fram skýra stefnu með mælanlegum mark-
miðum á mörgum sviðum. Það gerist of oft
að horft er til afmarkaðra þátta í stað þess
að horfa á hlutina í samhengi. Ef stjórnvöld
tækju tillit til fleiri þátta þegar mótuð er
stefna til framtíðar væri hægt að ná betri og
hraðvirkari árangri.
Atvinnuuppbyggingin þarf að taka mið af menntun og færnimisræmi, nýsköpun, innviðum og starfsumhverfi.
Hver þessara fjögurra þátta stendur ekki einn og sér heldur þarf að horfa til þeirra allra í samhengi.
Starfsumhverfið þarf að einkennast af einföldu regluverki og gagnsæi auk
þess sem stöðugleiki þarf að ríkja við hagstjórn. Stöðug nýsköpun er
nauðsynleg allri framþróun og forsenda vaxtar. Allt eru þetta atriði sem leika
mikilvæg hlutverk í því að skapa umgjörð fyrir bætta samkeppnishæfni Íslands.