Þjóðmál - 01.09.2017, Page 25

ÞJÓÐMÁL Hausthefti 2017 23
Fjárfest erlendis og fé nýtt til
uppbyggingar innviða samfélagsins
Íslenski Stöðugleikasjóðurinn myndi fjárfesta
til lengri tíma og fara að fordæmi Norska
olíusjóðsins, sem fjárfestir í erlendum skulda-
bréfum, hlutabréfum og fasteignum. Það
gefur betri raun en að fjárfesta í ríkisvíxlum
erlendra ríkja sem bera litla sem enga vexti
nú um stundir. Lykilatriði er að sjóðurinn
fjárfesti eingöngu í erlendum eignum til að
dreifa áhættunni frá íslensku hagkerfi.
Skýr umgjörð þarf að vera um Stöðugleika-
sjóðinn því að freistnivandinn getur
verið mikill, þegar kallað er á fjárveitingar
í samfélaginu og nóg er til í stórum sjóði.
Sjóðurinn gæti fjármagnað uppbyggingu
innviða samfélagsins sem styðja við frekari
vöxt. Hins vegar er ljóst að slíkur Stöðuglei-
kasjóður yrði ekki ætlaður til að styðja við
bankakerfið þegar illa árar né heldur má nýta
sjóðinn til verkefna á vegum ríkissjóðs, nema
eftir ströngum reglum sem öllum væru ljósar
fyrir fram og við vel skilgreindar aðstæður.
Í Noregi má nýta að hámarki 4% af verðmæti
olíusjóðsins í fjárlög, en aðeins ef raun-
ávöxtun stendur undir því, þar sem ekki má
ganga á höfuðstólinn. Með vísan í þessa
reglu voru um 180 milljarðar norskra króna
færðir úr sjóðnum í fjárlögin á síðasta ári til
að vega á móti erfiðleikum í olíuiðnaðinum.
Á nákvæmlega sama hátt geta Íslendingar
notað sinn stöðugleikasjóð sem sveiflujöfnunar-
tæki og öryggispúða fyrir efnahagslífið.
Næstu skref
Fjölmargar áskoranir blasa við íslensku
hagkerfi um þessi misseri. Kjarasamningar
eru lausir eða losna á næstu mánuðum, mikill
órói hefur verið í íslenskum stjórnmálum og
uppbygging greiðslujafnaðar þjóðarbúsins
hefur tekið miklum breytingum sökum vaxtar
ferðaþjónustu og gjaldeyrisinnstreymis
vegna þessa. Endurskoðun á peninga-
stefnunni stendur líka yfir og er eitt stærsta
viðfangsefni íslenskra hagstjórnar um þessar
mundir.
Ljóst er að styrkja þarf umgjörð íslenska
hagkerfisins enn frekar. Stefnumótandi aðilar
verða að huga að leiðum sem draga úr
sveiflum og er stofnun Stöðugleikasjóðs
Íslands einn mikilvægur áfangi í þeirri
vegferð. Þau ríki sem hafa lagt í stofnun
þjóðarsjóða hafa aukið sparnað og búið í
haginn fyrir framtíðina og aukið hagsæld
sinna ríkja.
Þannig náum við enn meiri árangri og
vinnum að bættri framtíð Íslands.
Höfundur er alþingismaður og
varaformaður Framsóknarflokksins.
Ljóst er að styrkja þarf umgjörð íslenska hagkerfisins enn frekar.
Stefnumótandi aðilar verða að huga að leiðum sem draga úr
sveiflum og stofnun Stöðugleikasjóðs Íslands er einn mikilvægur áfangi
í þeirri vegferð. Þau ríki sem hafa lagt í stofnun þjóðarsjóða hafa aukið
sparnað og búið í haginn fyrir framtíðina og aukið hagsæld sinna ríkja.