Þjóðmál - 01.09.2017, Page 70

68 ÞJÓÐMÁL Hausthefti 2017
Þegar aðild að sáttmálanum hefst senda
fyrirtæki inn staðlaða yfirlýsingu frá yfir-
stjórnanda þar sem því er lýst yfir að
fyrirtækið muni haga allri sinni starfsemi í
takt við grunnviðmiðin tíu (sjá töflu 2).
Aðilar þurfa þá árlega að skila inn samfélags-
skýrslu, Communication of progress, (COP),
þar sem yfirstjórnandi lýsir yfir áframhaldandi
stuðning við sáttmálann ásamt því að farið
er yfir árangur fyrirtækisins þegar kemur að
innleiðingu grunnviðmiða hans. Í skýrslunni
þarf þá einnig að birta mælanlegar útkomur
sem snúa að þeirri innleiðingu.
Ef skil á skýrslunni tefjast um meira en ár frá
skiladegi telst aðilinn hafa sagt sig frá Global
Compact. Frá upphafi hafa tveir íslenskir
aðilar fallið frá aðild á þann máta. Aðild að
sáttmálanum er að öllu leyti sjálfboðin og
stýra aðilar sinni þátttöku sjálfir.
Ein þungamiðja sáttmálans er að hvetja aðila
til að vinna á markvissan hátt að Heimsmark-
miðum Sameinuðu þjóðanna (sjá töflu 3)
og hefur sú áhersla aukist síðustu misseri.
Á því svæði sem aðildum er úthlutað inn á
opnu vefsvæði UNGC gefst aðilum tækifæri
til að gefa upp hvaða heimsmarkmið þeim
hugnast að leggja áherslu á innan sinnar
starfsemi.
Fimm íslensku aðilana hafa mótað stefnu í
kringum Heimsmarkmiðin.
Tafla 2: Tíu grunnviðmið UNGC
Mannréttindi
Viðmið 1 Fyrirtæki styðja og virða vernd alþjóðlegra mannréttinda.
Viðmið 2 Fyrirtæki sjá til þess að þau gerist ekki meðsek
um mannréttindabrot.
Vinnumarkaður
Viðmið 3 Fyrirtæki styðja við félagafrelsi og
viðurkenna í raun rétt til kjarasamninga.
Viðmið 4 Fyrirtæki tryggja afnám nauðungar- og þrælkunarvinnu.
Viðmið 5 Virkt afnám barnavinnu er tryggt.
Viðmið 6 Fyrirtæki styðja afnám misréttis til vinnu og starfsvals.
Umhverfi
Viðmið 7 Fyrirtæki styðja beitingu varúðarreglu í umhverfismálum.
Viðmið 8 Fyrirtæki hafa frumkvæði að því að hvetja
til aukinnar ábyrgðar gagnvart umhverfinu.
Viðmið 9 Fyrirtæki hvetja til þróunar og nýtingar á umhverfisvænni tækni.
Varnir gegn
spillingu Viðmið 10 Fyrirtæki vinna gegn hvers kyns spillingu,
þar með talin kúgun og mútur.
Tafla 3: Heimsmarkmið
Sameinuðu þjóðanna
Markmið 1 Engin fátækt
Markmið 2 Ekkert hungur
Markmið 3 Heilsa og vellíðan
Markmið 4 Menntun fyrir alla
Markmið 5 Jafnrétti kynjanna
Markmið 6 Hreint vatn og salernisaðstaða
Markmið 7 Sjálfbær orka
Markmið 8 Góð atvinna og hagvöxtur
Markmið 9 Nýsköpun og uppbygging
Markmið 10 Aukinn jöfnuður
Markmið 11 Sjálfbærar borgir og samfélög
Markmið 12 Ábyrg neysla
Markmið 13 Verndun jarðarinnar
Markmið 14 Líf í vatni
Markmið 15 Líf á landi
Markmið 16 Friður og réttlæti
Markmið 17 Alþjóðleg samvinna
Aðild að sáttmálanum er að öllu
leiti sjálfboðin og stýra aðilar sinni
þátttöku sjálfir.