Fréttablaðið - 10.12.2021, Page 16
Allt er kynningarblað sem býður auglýsendum
að kynna vörur og þjónustu í formi viðtala og
umfjallana. Í blaðinu er einnig hefðbundið rit-
stjórnarefni. Blaðið fylgir Fréttablaðinu daglega.
Umsjónarmenn efnis: Elín Albertsdóttir, elin@frettabladid.is, s. 550 5761 | Oddur Freyr
Þorsteinsson, oddurfreyr@frettabladid.is s. 550 5766 | Sandra Guðrún Guðmundsdóttir,
sandragudrun@frettabladid.is, s. 550 5762 | Starri Freyr Jónsson starri@frettabladid.is,
s. 550 5767 | Þórdís Lilja Gunnarsdóttir, thordisg@frettabladid.is, s. 550 5768
Útgefandi:
Torg ehf.
Ábyrgðarmaður:
Björn Víglundsson
Sölumenn: Arnar Magnússon, arnarm@frettabladid.is, s. 550 5652,
Jón Ívar Vilhelmsson, jonivar@frettabladid.is, s. 550 5654, Jóhann
Waage, johannwaage@frettabladid.is, s. 550 5656, Ruth Bergsdóttir,
ruth@frettabladid.is, s. 694 4103.
Strákarnir segja
að það sem
heillar þá helst
við borðspil sé
samveran og
þau bjóði gott
tækifæri til að
hittast, sitja
saman, spjalla
og hlæja.
FRÉTTABLAÐIÐ/
ANTON BRINK
Strákarnir segjast spila margar tegundir af spilum, allt frá samvinnuspilum yfir í strategísk efnahagsspil og allt frá
fjölskylduspilum yfir í spil sem eru virkilega þung og löng. FRÉTTABLAÐIÐ/ANTON BRINK
þess að vera með símana uppi.
Það er líka gaman að glíma við
þrautina í leiknum, hver sem hún
er, og keppast við að vera klárari
en andstæðingurinn,“ segja þeir.
„Þetta er líka frábær afsökun til að
brjóta upp vikuna, en við hittumst
yfirleitt á kvöldin á virkum dögum
þegar börnin eru sofnuð í tvo, þrjá
tíma í senn og það er alltaf jafn
gaman.
Það er líka svo mikið áreiti á
mann yfir daginn og það er gott að
setjast við borð, leika sér með hluti
úr pappa eða plasti og kúpla sig
út. Það er ekkert að kalla eða bípa
á þig eða draga athyglina annað,
heldur eru bara allir að einbeita sér
að því sama.“
Strákarnir segja að það geti
stundum verið erfitt að koma
öllum hópnum saman því það er
mikið að gera hjá öllum, en þeir
hittist samt reglulega til að spila.
„Við reynum að hittast einu sinni
eða tvisvar í mánuði en hver okkar
skipuleggur líka borðspilakvöld
einu sinni til þrisvar í viku,“ segja
þeir. „Ef við erum að hugsa um
að spila höfum við yfirleitt fyrst
samband hver við annan og svo
heyrum við í öðrum.
Hópurinn fer líka einu sinni til
tvisvar á ári saman í borðspila
bústaðar ferð. Þá förum við á
hádegi á föstudegi og spilum fram
á nótt og gerum ekkert annað en
að spila þangað til við förum heim
um tvöleytið á sunnudegi. Það er
enginn tími fyrir heita pottinn,“
segja þeir léttir.
Spila alls kyns spil saman
„Valdi og Styrmir eru sérstaklega
veikir fyrir því að vilja spila allt
og gera það oft bara einu sinni,
því þeir eru svo uppteknir við að
prófa eitthvað nýtt. Þeir prófa
eitthvað sem þeim finnst skemmti
legt og eru vissir um að það verði
enn betra í annað sinn, en svo
komast þeir ekki í það,“ segir Leifur
kíminn.
„Það er illa að okkur vegið!“
segja Valdi og Styrmir og hlæja.
„Okkur finnst rosa gaman að
prófa fjölbreytt spil og hluti af því
er að átta sig á því hvernig spilið
virkar, hvaða kerfi vinna saman
og hvernig er best að nota kerfið í
spilinu til að vinna. Við sem hópur
höfum því lítið verið að spila sömu
spilin aftur og aftur,“ segir Valdi.
„Við spilum margar tegundir af
spilum, allt frá samvinnuspilum
yfir í strategísk efnahagsspil og allt
frá fjölskylduspilum yfir í spil sem
eru virkilega þung og löng,“ segja
strákarnir. „Tvisvar á ári spilum
við líka Twilight Imperium, sem
tekur um átta tíma og er alveg
geggjað.“
Á fyrst og fremst að vera gaman
„Ég hlusta mikið á erlend borð
spilahlaðvörp og hafði lengi
langað að gera borðspilahlaðvarp
á íslensku,“ segir Styrmir. „Svo fara
Valdi og Leifur að tala um þetta að
fyrra bragði og síðan óskaði Davíð
eftir að fá að vera með og þá vorum
við komnir með þennan fjögurra
manna hóp.“
„Það er gaman að eyða tíma
saman og við vorum ekki að búast
við að margir myndu hlusta, þetta
er bara góð ástæða til að hittast og
spjalla. Rennslið kom líka eiginlega
bara sjálfkrafa, án undirbúnings.
Hópurinn náði mjög vel saman,“
segir strákarnir. „Fyrst og fremst
á þetta bara að vera gaman fyrir
okkur, en svo eru hlustanir fleiri
en við áttum von á. Við vonuðumst
til að fá kannski 15 hlustendur en
svo eru þeir nær 200, sem er bara
bónus. Það eru líklegri fleiri borð
spila áhuga menn á landinu en við
gerðum ráð fyrir.“
Ekki bara fyrir djúpt sokkna
„Hlaðvarpið fjallar um borðspil
frá ýmsum sjónarhornum en
fyrst og fremst eru þetta góðir
vinir að koma saman til að hafa
gaman og hlæja,“ segja strákarnir.
„Við viljum vera eðlilegir og tala
um hlutina eins og þeir eru. Við
ákveðum umræðuefnið fyrir fram,
en erum ekki búnir að ræða það
fyrir upptöku.
Í hverjum þætti tökum við fyrir
eitt umræðuefni og erum líka með
yfirlit yfir það sem við höfum verið
að spila undanfarið. Umræðuefnið
getur verið mjög mismunandi,
allt frá því að tala almennt um
partí spil yfir í að búa til topplista
af spilum sem eru í svörtum kassa,
eða gera lista af ósiðum við borð
spila borðið. Svo er líka nokkuð
mikið af pabbabröndurum sem
dettur inn, en bræðurnir tveir sér
hæfa sig í þeim.“
„Já, við trúum því að fólk byrji að
hlusta fyrir spilin en haldi áfram
að hlusta fyrir brandarana,“ svara
Valdi og Leifur í gríni.
„Við förum líka yfir hvað er
að gerast í borðspilaheiminum,
fréttir, hvað er nýlegt og hvað er
væntanlegt,“ segja strákarnir.
„Borðspilamarkaðurinn hefur líka
breyst mikið og hópfjármögnun
á Kickstarter er orðin stór hluti af
honum, svo við vekjum athygli á
áhugaverðum hlutum sem eru að
gerast þar.
Við reynum að tala ekki oft um
sömu spilin og erum duglegir að
taka fyrir ný spil og ræða þau. Í
síðasta þætti settum við líka til
dæmis saman jólagjafalista með
spilum sem myndu henta fyrir
mismunandi hópa eins og fjöl
skyldur með börn, styttra komna,
lengra komna og þá sem spila ekk
ert. Það er hægt að finna listann
í lýsingunni á nýjasta þættinum
okkar. Við erum ekki bara hrifnir
af þungum spilum, heldur spilum
við allt sem er í boði og erum með
vitaðir um að tala ekki bara til
þeirra sem eru hvað lengst komnir
ofan í borðspilakanínuholuna.
Við klippum spjallið ekkert,
nema bara þegar við héldum
spurningakeppni. Annars er
þetta bara upptaka af okkur að
spjalla,“ segja þeir. „Svo fengum
við líka hann Þorvald Halldórsson,
trommarann í hljómsveitinni
Valdimar, til að semja stef fyrir
okkur og Egil Rúnar Viðarsson,
grafískan hönnuð, til að gera merki
fyrir okkur.“
Borðspilasamkoma á nýju ári
„Við hvetjum alla til að hlusta á
Pant vera blár! og fylgja okkur á
samfélagsmiðlum, en við erum
bæði á Facebook og Instagram og
það er hægt að nálgast podcastið
á öllum hlaðvarpsveitum,“ segja
strákarnir. „Við erum líka að und
irbúa viðburð sem verður haldinn
á næsta ári í tengslum við Pant vera
blár!, en það verður borðspilasam
koma sem fer fram yfir heila helgi.
Þá verða leigð hótelherbergi ein
hvers staðar þar sem er stór salur
svo fólk geti komið saman til að
spila. Við stefnum á að hafa þetta
á fyrri hluta næsta árs, en þetta
verður auglýst betur á samfélags
miðlum og í þættinum.“ n
Pant vera blár! er á Facebook undir
facebook.com/pantverablar/
og á Instagram undir instagram.
com/pantverablar/. Hlaðvarpið
er auðvelt að finna á öllum þar til
gerðum streymisveitum.
2 kynningarblað A L LT 10. desember 2021 FÖSTUDAGUR