Fréttablaðið - 10.12.2021, Qupperneq 30

Margrét Kjartansdóttir varð
snemma mikill bókaormur
og les að jafnaði rúmlega 70
bækur á ári. Undanfarin ár
hefur hún mest lesið skáld-
sögur á ensku, þótt íslensk-
um og þýddum bókum hafi
fjölgað á listanum.
starri@frettabladid.is
Frá því móðurafi Margrétar
Kjartansdóttur, lögfræðings úr
Reykjavík, kenndi henni að lesa
fimm ára gamalli, hefur bóka-
lestur verið uppáhaldsafþreying
hennar. „Þessi lestrarkennsla var
sennilega ein besta gjöf sem ég hef
fengið um ævina og ég hef varla
stoppað síðan. Í sex ára afmælinu
mínu fannst mér góð hugmynd að
ég væri með upplestur úr Jóni Oddi
og Jóni Bjarna fyrir hin börnin.
Atriðið fékk svo vægt sé til orða
tekið ekki góðar undirtektir.“
Tíður gestur á bókasafninu
Margrét ólst upp í Bústaðahverfinu
í Reykjavík og var bókasafn í innan
við 500 metra fjarlægð frá heimili
hennar, þar sem hún var tíður
gestur. „Á þeim tíma starfaði bóka-
vörður á safninu sem var ekki að
amast við því að krakkarnir sem
vorum fastagestir tækjum fleiri
bækur en heimilað var, eða að við
værum að taka bækur úr fullorð-
insdeildinni. Ég man reyndar eftir
örlitlu hiki þegar ég, tíu ára gömul,
fékk að láni Austan Eden eftir John
Steinbeck. Bókin varð strax í uppá-
haldi hjá mér þó að ég, kannski
sem betur fer, áttaði mig ekki
alveg á öllu sem þar var lýst. Ég er
þessum bókaverði mikið þakklát
og held að aðgengi að bókinni og
frelsi til að velja og feta sig áfram
eigi stóran þátt í hversu mörg
okkar, sem ólumst upp í hverfinu
eigum enn í ástarsambandi við
bókina.“
Létt að fylgjast með
Netið hefur gert það verkum að
nú er auðveldara að fylgjast með
því sem er að gerast í heimi bók-
menntanna, segir Margrét. „Þegar
ég er að velja lesefni skoða ég til
dæmis hvaða bækur hafa verið
tilnefndar til verðlauna, svo sem
Íslensku bókmenntaverðlaun-
anna, Booker, Women‘s Literary
Prize og National Book Awards.
Ég skoða einnig hvað fræga fólkið,
til dæmis Oprah Winfrey, Reese
Witherspoon og nú síðast Camilla
Parker Bowles, mælir með í bóka-
klúbbunum sínum og svo að sjálf-
sögðu hvað vinir mínir eru að lesa
og hverju þeir mæla með.“
Langlíft ástarsamband við bókina
Margrét Kjartansdóttir hefur verið mikill lestrarhestur frá fimm ára aldri. FRÉTTABLAÐIÐ/EYÞÓR
Nokkrar uppáhaldsbækur Margrétar: Góði dátinn Svejk, Bróðir minn Ljónshjarta og The Elegance of the Hedgehog.
Undanfarin tvö ár hefur hún
lesið 73 bækur á ári og er nú komin
í 66 bækur í ár að hljóðbókum
meðtöldum.
Dostojevskí í miklu uppáhaldi
Hún segist lesa mest skáldsögur
og þá aðallega á ensku. „Ég hef þó
á síðustu árum verið að bæta inn
bókum sem annað hvort eru skrif-
aðar eða þýddar á íslensku. Mér
þykir fátt ánægjulegra en að lesa
góðan texta á eigin tungumáli.“
Ákveðnar bækur eru í meira
uppáhaldi en aðrar hjá henni og
eru þá lesnar aftur með reglulegu
millibili, til dæmis Stríð og friður,
Frankenstein, Góði dátinn Svejk
og Elegance of the Hedgehog.
„Fyrstu uppáhaldsrithöfundar
mínir voru Guðrún Helgadóttir,
Astrid Lindgren, Charles Dic-
kens, John Steinbeck og Agatha
Christie. Um og eftir tvítugt bætt-
ust svo í þennan hóp Tolstoy og
Dostojevskí og held ég reyndar
að frábærar þýðingar Ingibjargar
Haraldsdóttur hafi spilað stóran
þátt í dálæti mínu á hinum síðar-
nefnda.“
Spennandi bækur á hliðar-
línunni
Þessa dagana er Margrét að lesa
Crossroads eftir Jonathan Fran-
sen og lofar hún góðu að hennar
sögn. „Samhliða því er ég að lesa
jólaspennusögur eftir Agöthu
Christie, sem á að sjálfsögðu
mjög vel við á þessum árstíma.
Þá bíður vinningshafi Booker
verðlaunanna, Damon Galgut,
með bók sína The Promise, ásamt
The Lincoln Highway eftir Amor
Torres, bók Lauren Groff sem
nefnist The Matrix og nýjasta
bók Anthony Doerr sem heitir
Cloud Cuckoo Land. Af nýjum
íslenskum bókum er ég spenntust
fyrir bókum Arnaldar Indriða-
sonar og Fríðu Ísberg.“
Afslöppun og vellíðan
Þrátt fyrir alla þá afþreyingu sem
er í boði í dag, til dæmis streymis-
veitur, samfélagsmiðla og hlað-
vörp, skipar bókin enn stóran
sess í lífi Margrétar. „Bókin veitir
einhverja afslöppun og vellíðan
hvort sem ég les eða hlusta. Mér
líður aldrei eins og ég hafi varið
tíma mínum illa þegar honum
hefur verið eytt í lestur en fæ þá
tilfinningu hins vegar oft þegar
horft er á sjónvarp og undantekn-
ingalítið þegar ég dett í svarthol
samfélagsmiðla, nema þegar verið
er að skrifa um bækur. Kannski
hefur uppeldið eitthvað að segja,
en það var ekki til sjónvarp heima
hjá mér fyrr en ég var komin á
fimmta ár auk þess sem foreldrar
mínir lásu einnig mjög mikið og
áttu og eiga stórt bókasafn.“ n
Bókin veitir ein-
hverja afslöppun
og vellíðan hvort sem ég
les eða hlusta. Mér líður
aldrei eins og ég hafi
varið tíma mínum illa
þegar honum hefur verið
eytt í lestur en fæ þá
tilfinningu hins vegar oft
þegar horft er á sjónvarp
og undantekningalítið
þegar ég dett í svarthol
samfélagsmiðla.
Hælið eftir Emil Hjörvar Petersen
12 kynningarblað 10. desember 2021 FÖSTUDAGURBÓK AJÓL