Saga - 2019, Síða 114

höfundur Íslands fullyrti að „[h]in hraðvaxandi SyFILIS- og LEK-
ANDATILFELLI [megi] að mestu rekja til starfsemi kommúnista hér
á landi“. Ástæðan væri sú að „Reykjavík hefur eignazt sína undir-
heima, þar sem ljósfælinn lýður hefur bækistöðvar sínar“. Leiðandi
í þessum undirheimum væru „tvær stofnanir, sem þegar eru komnar
vel á veg með að stórskaða heilbrigði þjóðarinnar. Þessar tvær stofn-
anir eru kaffihúsið White Star og Kommúnistaflokkur Íslands“.112 Sam -
starf þeirra átti að hafa falist í eins konar lauslætisskóla sem komm-
únistar starfræktu á White Star:
Ef stúlka á í hlut, er hún látin sýna kommúnistískan þroska sin [svo] í
því, að vera nógu óskammfeilin í kynferðismálum. Hann er hún látin
sanna með því að bregða sér upp í litla herbergið, sem er hægra megin
við uppganginn inn í danzsalinn. Uppi bíður þá venjulega einhver
salon- eða flibbakommúnisti. Láti stúlkan ekki til leiðast er hún stimpl -
uð sem „borgaraleg“, þar til hún lætur undan. Svipað eru piltar með -
höndlaðir. Þeir eru fengnir í hendur einhverri White Star-skækju, sem
á að kenna þeim „líkamlegan kommúnisma“. Þetta er einn djöfullegasti
og viðbjóðslegasti þáttur allrar athafnarinnar, því ekki ósjaldan er
skækjan með opin syfilis- eða lekandasár. Dauðadrukknir menn, sem
narraðir hafa verið upp í þetta nútíma víti spillingarinnar, veltast upp
úr hrákaspýttu gólfinu. 14–15 ára telpur, sem eru að vígjast inn í þenna
[svo] óskaplega glæpa- og óþverrislifnað, eru að kjassa hálfdrukkna
menn.113
Aðeins ein lausn gafst á þessu ástandi:
Hver dagur, sem líður, er mikilsverður, fleiri og fleiri bætast sí og æ í
hóp sjúklinganna, og eftir skamma stund má búast við, að ógerningur
verði að losna við þau spor, sem þessir voðalegu sjúkdómar — kyn-
sjúkdómarnir — skilja eftir sig. Vér heitum því á alla góða Íslendinga
að sameinast í baráttunni gegn þessu hræðilega pestarbæli, hvaða
stjórn málaskoðunum sem þeir svo fylgja. Og einasta leiðin — einasta
leiðin, sem að gagni kemur, er lokun White Star og upplausn Kommúnista -
flokksins.114
Árið 1935 voru frekari kröfur Þjóðfylkingar nasista settar fram í
blaðinu Íslandi: „Vér krefjumst, að allir karlar og konur, sem ganga
með arfgenga kvilla og eru óhæf til að geta af sér líkamlega og and-
þorsteinn vilhjálmsson112
112 S.J., „Kommúnistaflokkur Íslands er gróðrarstía kynsjúkdóma“, Ísland 2:6
(1935), bls. 2. Leturbreytingar eru upprunalegar.
113 Sama heimild.
114 Sama heimild. Leturbreytingar eru upprunalegar.