Saga - 2019, Side 132

til þess hvernig manngert umhverfi kann (eða kann ekki) að bera
fortíðinni vitni og hvort að sú mynd sem dregin er upp sé sannfær-
andi. Í framsetningu á fortíðinni felst ávallt pólitískt val, hverju er
hampað og hverju er leyft að gleymast. Fyrirhuguð framkvæmd við
nýjan miðbæ á Selfossi mun hafa áhrif á ásýnd og ímynd bæjarins
sem og sjálfsmynd bæjarbúa til framtíðar og því vert að veita ólík -
um sjónarmiðum athygli, ekki hvað síst sjónarmiðum íbúa á Sel -
fossi. Í þessari grein verður sérstaklega fjallað um hvort fyrir hug -
aðar endurgerðir í nýja miðbænum geti í hugum fólks myndað
sann færandi tengingu við fortíðina. Fjallað verður um hvaða þættir
það eru sem skipta fólk máli og eru líklegir til að hafa áhrif á tengsl
þess við þess háttar hús. Í þessu sambandi verður hugað að efnis-
legum eiginleikum og því hvernig hugmyndir fólks um fortíðina,
söguþekking og skilningur, ásamt staðsetningu og samhengi, eiga
þátt í að móta viðhorfin.
Aðdráttarafl
Í viljayfirlýsingu Sveitarfélagsins Árborgar og Sigtúns þróunar -
félags, sem bar yfirskriftina Ný heildarsýn á miðbæ Selfoss, kom fram
að hinn nýi miðbær og starfsemin þar væri fyrir íbúa Árborgar en
að „aðdráttarafl“ hinnar nýju „táknrænu“ byggðar myndi skapa
áhugaverð ný tækifæri fyrir sveitarfélagið og gefa Selfossi færi á að
taka með „kraftmeiri hætti en áður þátt í ferðaþjónustunni í land-
inu“.59 Í viljayfirlýsingunni kom einnig fram að „mörg hundruð
þúsunda ferðamanna [ættu] árlega leið um bæinn án þess að staldra
þar við“ og væri það „trú“ þeirra sem stæðu að baki verkefninu að
með „táknrænum og aðlaðandi miðbæ gæti Selfoss tekið sér stöðu
sem mikilvægur viðkomustaður ferðamanna á Íslandi“.60 Á næstu
árum eru áætlanir um að færa hringveginn norðaustur fyrir Selfoss
og mun þjóðvegur 1 því fara fram hjá bænum. Uppbygging hins
nýja miðbæjar er meðal annars hluti af viðbrögðum sveitarfélagsins
við þeirri ráðstöfun.61
vilhelmína jónsdóttir130
59 Vef. „Ný heildarsýn á miðbæ Selfoss“.
60 Sama heimild. Sjá einnig: „Stöðvum strauminn — um stundarsakir!“, Suðri —
Héraðsfréttablað 26. maí 2016, bls. 9.
61 Eins og kunnugt er liggur þjóðvegur 1 í gegnum Selfoss. Stafar það m.a. af legu
Ölfusárbrúar. Samkvæmt áætlunum Vegagerðarinnar stendur til að færa þjóð -
veg 1 og brúa Ölfusá norðaustan við Selfoss. Sjá: Samgönguáætlun 2011–2022