Saga - 2019, Side 141

fleiri hliðar á teningnum og ekkert eitt er satt og rétt. Við höfum …
kosið, eins og ég sagði áðan, þennan þröskuld … að við byggjum ekki
upp … ný hús í gömlum stíl. Heldur þetta köllum við endurgerð.101
Samkvæmt orðum hans er umræddur „þröskuldur“ valkvæður.
Hann kveður þá hafa „kosið … þennan þröskuld“. Þegar hann var
spurður nánar út í það hvers vegna hann setti mörk við að hanna ný
hús í gömlum stíl sagði hann:
Það er svona svipað eins og að … tónskáld í dag semur ekki verk í bar-
okkstíl. Það er svona sirka svoleiðis. … En að byggja nýtt hús í gömlum
stíl … það er svolítið að villa á sér heimildir. Það er svolítið að plata
söguna. En auðvitað er hægt að gera þetta eins og við erum að gera
þetta. Og þá lendir maður í vanda. Ef menn vilja byggja, já, bara eins
og við erum að fara að gera … hús klædd að utan með gömlu útliti. En
þá skal það líka vera gamalt útlit sem hefur verið til, en ekki að fara að
hanna nýtt útlit í gömlum stíl, sem við erum ekki að gera.102
Að hanna nýtt hús í gömlum stíl er því að áliti arkitektsins blekking.
Með slíku sé verið að „plata söguna“ og „villa á sér heimildir“. Þetta
viðhorf arkitektanna og sá „þröskuldur“ sem þeir hafa sett sér
virtist ekki mikilvægur í huga viðmælenda minna úr hópi Selfyss -
inga. Í þeim viðtölum tjáðu nokkrir þá skoðun að ekki skipti höfuð -
máli að um endurgerðir af horfnum húsum væri að ræða heldur
skipti hinn svokallaði „gamli stíll“ þá miklu fremur máli: „Við get -
um byggt hús í gömlum stíl og það væri ég alveg til í … en að fara
að byggja hús sem að … hafa staðið annars staðar en á Selfossi, því
hef ég enga trú á og mér finnst það bara hérna einhver rómantík
sem að meikar ekki sens.“103
Kona úr hópi viðmælanda minna var á öndverðum meiði, fannst
„gömul hús mjög rómantísk“ og upplagt að endurgera þau í nýjum
miðbæ á Selfossi óháð því hvort um ný hús hönnuð í „gamla
stílnum“ væri að ræða eða endurgerðir.104 Annar viðmælandi minn
komst svo að orði: „Og jú, það er mjög flott að sjá ný hús verða byggð
og ég reyndar væri alveg til í að sjá ný gömul hús þarna í þessum
miðbæ.“105 Með orðalaginu „ný gömul hús“ vísaði hann til nýrra
húsa í „gamla stílnum“.
„ný gömul hús“ 139
101 Sama heimild.
102 Sama heimild.
103 VJ 13, 2017.
104 VJ 11, 2017.
105 VJ 9, 2017.